Владимиров, Александр Иванович

РУВИКИ-ште тыгай тукымлӱм дене вес еҥ нерген статьям лудаш лиеш: Владимиров.

Александр Иванович Владимиров
Шочмо кече	1923 ий 5 кылме(1923-11-05)
Шочмо вер	Сычи ял, Оршанке район, Марий Эл, РСФСР, СССР
Колымо кече	2003 ий 4 сорла(2003-08-04) (79 ий)
Колымо вер	Йошкар-Ола
Пурымаш	СССР
Войскан родшо	пехото
Службо жап	1942—194
Званий
Кредалмаш/сар	Кугу Ачамланде сар
Награде да премий

Александр Иванович Владимиров (1923, 5 ноябрь Оршанке кантон, Марий автоном область — 2003, 4 август, Йошкар-Ола) — Совет Армийын лейтенантше, Кугу Ачамланде сарын салтакше, Совет Ушемын Талешкыже (1943).

Илыш корныжо

1923 ий 5 ноябрьште Сычи ялыште (кызыт Марий Элысе Оршанке кундем) кресаньык ешыште шочын. Кыдалаш школышто тунемын, вара чодырам руышылан пашам ыштен. 1942 ийыште Владимировым Пашазе-кресаньык Йошкар Армийыш служиаш налыныт. Тудо ийысе август гыч — Кугу Ачамланде сарын фронтыштыжо. 1943 ий октябрь лишан изирак сержант Александр Владимиров Рӱдӧ фронтын 60-шо стрелок дивизийжысе 1281-ше стрелок полкын пӧлкаж дене командоватлен. Днепр верч кредалмаште ойыртемалтын.

1943 ий 16 октябрь йӱдым Владимиров шке пӧлкаж дене пырля Днепр гоч вончен, Белорус ССР Гомель кундемысе Лоев посёлко деке лектын да тудын касвел серыштыже плацдармым сеҥен налын.

Вараракше Лоев кундемысе Бывальки ял верч кредалмаште Владимиров эн ончыч тушманын траншейышкыже керылт пурен да кид дене вашпижмаште икмыняр тушман салтакым пытарен. Тыгак Владимировын пӧлкаже тушманын кок контратакыжым чактарен.

СССР Кӱшыл Совет Президиумын 1943 ий 30 октябрьысе кӱштыкшӧ почеш «руалтен налше немыч-влак дене кучедалме фронтышто командованийын сарзе кӱштыкшым сайын шуктымылан да талылыкым ончыктымыжлан» изи сержант Александр Владимировлан Совет Ушемын Талешкыже кугу чаплӱмым пуымо да Ленин орден ден 1651 №-ан «Шӧртньӧ Шӱдыр» медальым кучыктымо.

1944 ийыште изирак лейтенант-влак курсым тунем лектын. 1945 ийыште тудо ВКП(б) пурен. 1947 ийыште лейтенант лӱмпале дене шапашыш каен. Илен Йошкар-Олаште, 2003 ий 4 августышто колен, Туруново шӱгарлаште тойымо.

Суаптарже

• «Шӧртньӧ Шӱдыр» медаль (1943),
• Ленин Орден (1943),
• 1-ше степенян Ачамланде сар орден,
• медаль-влак.

Шарныктыш

Российысе сар-историй обществе Владимировым шарныктыше оҥам, тудын тунемме, Оршанке район Марково кыдалаш школ оралтын пырдыжешыже вераҥден.

Палемдымаш

Литератур

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
• Наши Герои. 2-е изд., перераб. и доп. — Йошкар-Ола, 1985.
• Владимиров Александр Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 75. — 2032 экз. — ISBN 5-87898-357-0.
• Владимиров Александр Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 278. — 872 с. — 3505 экз. — ISBN 978-5-94950-049-1.
• Владимиров Александр Иванович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 54—58. — 374 с. — 500 экз. — ISBN 978-5-94950-070-5.