Ватюков, Василий Тихонович

РУВИКИ — эрыкан энциклопедий гыч материал
Василий Тихонович Ватюков
Ватюков, Василий Тихонович.jpg
Шочмо кече 1910 ий 10 шорыкйол(1910-01-10)
Шочмо вер Руш Шайра, Чарла уезд, Озаҥ губерний, Россий империй
Колымо кече 1985 ий 21 теле(1985-12-21) (75 ий)
Колымо вер Лушмара, Звенигово район, Марий АССР, РСФСР, СССР
Гражданлык  Россий империй →  СССР
Паша сомыл партий пашаеҥ, депутат
Награде да премий

Орден «Знак Почёта»  — 1951 Медаль «За трудовое отличие» — 1946SU Medal For Valiant Labour in the Great Patriotic War 1941-1945 ribbon.svg «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Василий Тихонович Ватюков (10 шорыкйол 1910, Руш Шайра, Чарла уезд, Озаҥ губерний, Россий империй — 21 теле 1985, Красногорский, Звенигово район, Марий Автоном Совет Социализм Республик, РСФСР[d], СССР) — марий совет партий пашаеҥ. Марий АССР Кӱшыл Каҥаш Вуйверын II созывысе (1947—1951) Председательын алмаштышыже. 1936 ий гыч ВКП(б) йыжъеҥ.

Илыш корныжо

1910 ий 10 январьыште кызытсе Марий Эл Волжск район Руш Шайра ялысе кресаньык ешеш шочын[1][2].

Шочмо ялыштыже I ступенян школым тунем пытарен, 20 ий марте мланде пашам ыштен. 1930 ий сентябрьыште Йошкар-Оласе Марий кундемысе партий школын курсантше лийын, вара — Марий кӱшыл коммунист ялозанлык школын кок ияш пӧлкан студентше. Тудым пытарымеке, республикын тӱрлӧ районлаштыже ыштен: «Чобык» ялозанлык артельын правлений председательже, У Торъял районысо машина-трактор станций пеленсе пашазе комитетын председательже, Морко районысо «Красный стекловар» янда заводысо ВЛКСМ комитетын секретарьже, Марий АССР Сотнур районысо Ямдылыме шотышто калык комитетысе ӱшанъеҥын инспекторжо лийын[3][4][5].

1936 ийыште ВКП(б)-ш налыныт. 1938 ийыште Марий АССР Сотнур ВКП(б) райкомысе партий пашаш куснен: парткабинет вуйлатыше, секретарь, 1943—1946 ийлаште — кокымшо секретарь, 1950—1952 ийлаште — Сотнур ВКП(б) райкомын икымше секретарьже. 1946—1947 ийлаште Морко райисполкомын председательже, а 1949—1950 ийлаште — Марий АССР Сотнур райисполкомын председательже лийын. 1949 ийыште Угарманысе партий школым тунем пытарен[1][4][5].

1953 ийыште Марий АССР Сотнур (вара — Волжск) районыш колтымо: 1955 ий марте В. И. Ленин лӱмеш колхозын председательже, Сотнур машина-трактор станций директорын политике паша шотышто алмаштышыже, Сотнур ӱй заводын директоржо, Сотнур сельпон председательже, а 1963—1966 ийлаште — КПСС-ын XXII погынжо лӱмеш колхозын председательже лийын[1][3][4][5].

1947—1955 ийлаште Марий АССР Кӱшыл Каҥашын  (руш.) (мар. II да III созывласе депутатшылан сайлалтын. 1947—1951 ийлаште — Марий АССР Кӱшыл Каҥаш Вуйверын II созывысе председательын алмаштышыже[1][3][4][5].

«Чап Тамга» орден, медаль-влак, нунын коклаште «Пашаште ойыртемалтмылан» медаль, тыгак Марий АССР Кӱшыл Каҥаш Вуйверын Чаптаныкше дене суапландаралтын[1][3][4][5].

1985 ий 21 декабрьыште Марий АССР Провой район Лушмара посёлкышто илыш дене чеверласен. Шочмо верыштыже тоеныт[1][3][4][5].

Суаптар

Палемдымаш

  1. ↑ 1 2 3 4 5 6 7 8 9 Мочаев, 2007, с. 68.
  2. ↑ Шарибоксад (Черебоксад, Руш ШАЙРА) | Родная Вятка. rodnaya-vyatka.ru. Тергыме кече: 12 пургыж 2026. Архивлыме 11 кылме 2022 ий.
  3. ↑ 1 2 3 4 5 6 7 8 9 Официальный сайт Госсобрания Республики Марий Эл. old.gsmari.ru. Тергыме кече: 12 пургыж 2026. Архивлыме 11 кылме 2022 ий.
  4. ↑ 1 2 3 4 5 6 7 8 9 10 ВАТЮКОВ Василий Тихонович (неопр.). Марийская история в лицах. Тергыме кече: 12 пургыж 2026. Архивлыме 11 кылме 2022 ий.
  5. ↑ 1 2 3 4 5 6 7 8 9 10 Листая страницы истории К 100-летию Республики Марий Эл. yoshkarola.bezformata.com. Тергыме кече: 12 пургыж 2026. Архивлыме 11 кылме 2022 ий.

Литератур

  • Ватюков Василий Тихонович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 68. — 2032 экз. — ISBN 5-87898-357-0.
  • Колесников А. Ю., Мочаев В. А. Ватюков Василий Тихонович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 77. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Ватюков,_Василий_Тихонович&oldid=1232923" гыч налме