Березин, Михаил Александрович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Березин.
Михаил Александрович Березин
Файл:Mihail Berezin 1918.jpg
Шочын 13 (25) пеледыш 1889
Колен 13 шорыкйол 1938(1938-01-13) (48 ий)
Чеслалтеш православийыште
Прославлен 2002

Михаил Александрович Березин (13 [25] пеледыш 1889, Изи Карачкино[d], Чыкма уезд, Озаҥ губерний — 13 шорыкйол 1938) — Руш православный черкын священникше, 2002 ийыште Российысе у мученик да исповедник-влакын Соборышкышт пуртен палемдыме.

Илыш корно

1889 ий 13 июньышто Озаҥ губернийысе Чыкма уездын Изи Карачкино селаштыже Александр Иванович Березин диаконын да тудын Евлампия Михайловна пелаш-ватыжын ешыштышт шочын[1][2].

Шовакшэҥерысе духовный училищым да Озаҥысе духовный семинарийын  (руш.) (мар. икымше классшым тунем пытарымеке (1908 ийыште шке йодмыжо почеш лектын), епархий службыш пурен. 1909 ий 3 июнь гыч 1910 ий 9 март марте Чыкма уездысе Пайскурык селасе Христосын Шочмыжо черкыште псаломщиклан послушанийым нумалын, вара тудо уездысе Пызыкнур селасе Петропавловский черкыш кусарыме. 1920-шо ийла тӱҥалтыште диаконыш, а 1929 ий 7 августышто — Мамадыш архиепископ Афанасий дене священникыш пуртен палемдыме[1][2][3].

1933 ийыште скуфья дене суапландаралтын.

1936 ий 29 октябрьыште НКВД-н Курыкмарий пӧлкашкыже Михаил ачам арестоватлыме нерген приказ толын, пашам 8 кечыште мучашлаш да петырыме еҥым Йошкар-Олаш колташ йодмаш дене. Арестым тудо кечынак ыштыме, контрреволюционный агитацийыште титаклымашым лукмо. Шымлымаш годым Михаил ачам шым гана йодыштмо, титакшым тудо признаватлен огыл. Чыкмаште тюрьмаш шындалтын, 1936 ий декабрьыште Йошкар-Оласе тюрьмаш кусарыме[3].

Михаил Березинын пашажым МАССР тӱҥ судын спецколлегийжын петырыме заседанийыштыже 1937 ий 20 январыште ончен лекме, пунчал — вич ийлан эрык деч посна кодаш[1].

1937 ий 23 июнь марте Ветлужский ИТЛ-ыште (Угарман область) наказанийым эртен, вара Сиблагын  (руш.) (мар. Антибесский лагерь пунктшыш (Новосибирск область) кусарыме. 17 декабрьыште контрреволюционный кадет-монархист восстанийым тарватыше организацийыште участвоватлымаште титаклен уэш арестоватлыме. 1937 ий 22 декабрьыште ик гана лийше йодыштмаште дин ӱшанымаш-влакшылан кӧра показанийым пуаш тореш лийын.

1937 ий 25 декабрьыште Новосибирск область дене УНКВД-н тройкыжын заседанийыштыже Михаил Березиным лӱен пушташ пунчалым лукмо. Пунчалым 1938 ий 13 январыште илышыш шыҥдарыме, пуштмо верлан Антибесский лагпункт йырвел але Мариинскыште Сиблаг администраций пеленсе тюрьма шотлалтеш[2].

Еш

Пелашан лийын, кум эргыже да ик ӱдыржӧ лийыныт[4].

Канонизаций

2002 ий 17 июльышто Святейший Патриархын да РПЦ-н Шнуй Синоджын пунчалже дене Михаил Березиным Йошкар-Оласе епархийын темлымыже почеш Российысе у мученик да исповедник-влакын Соборышкышт пуртен палемдыме[5][6].

Палемдымаш

  1. ↑ 1 2 3 Новомученики земли марийской, 2013.
  2. ↑ 1 2 3 Марийская Митрополия.
  3. ↑ 1 2 Православная энциклопедия.
  4. ↑ Священник Михаил Березин (руш.). Местночтимые святые. Йошкар-Олинская и Марийская епархия РПЦ. Тергыме кече: 17 вӱдшор 2026. Архивлыме 6 шорыкйол 2023 ий.
  5. ↑ Журналы заседания Священного Синода от 17 июля 2002 года (руш.). Русская Православная Церковь. Официальный сайт Московского Патриархата (14 вӱдшор 2005). Тергыме кече: 21 вӱдшор 2026.
  6. ↑ Березин Михаил Александрович - Древо, <https://drevo-info.ru/articles/8511.html>. Тергыме: 17 вӱдшор 2026. 

Литератур

  • Юрий Ерошкин. Священномученик Михаил Березин // Новомученики земли марийской. — Йошкар-Ола: Йошкар-Олинская и Марийская епархия, 2013. — С. 20—24. — 96 с. — 3000 экз.
  • Березин Михаил Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 244. — 872 с. — 3505 экз. — ISBN 978-5-94950-049-1.
  • Михаил Александрович Березин // Православная энциклопедия. — Церковно-научный центр «Православная энциклопедия».

Кылвер-влак

"https://mhr.ruwiki.ru/w/index.php?title=Березин,_Михаил_Александрович&oldid=1229984" гыч налме