Айглова, Таисия Ямбатровна

Таисия Ямбатровна Айглова
Таисия Ямбатровна Айглова
Шочмо кече	13 сорла 1927
Шочмо вер	Марий Тӱрек, Марий автоном вел, Россий Совет Федератив Социализм Республик[d], Совет Социализм Республик-влак Ушем;
Колымо кече	14 теле 1994 (67 ий)
Колымо вер	Марий Тӱрек, Марий Эл Республик, Россий;
Гражданлык	СССР; Россий
Паша сомыл	вольыкым ончышо

Таисия Ямбатровна Айглова (1927–1994) — Марий АССР Марий Турек вел вольык ончышо. 1966 ийыште вольык озанлыкым вияҥдымылан Социалист Пашан Талешкыже чаплӱм да Ленин орден дене суапландаралтын.

Илыш корныжо

Таисия Ямбатровна 1927 ий 13 августышто Марий автоном область Марий Турек кантон Ӱлыл Турек ялеш шочын. 1942 ийыште 7 классым тунем пытарен, вара «Социализм» колхозышто сӧснам ончен, — тыршен ыштыме пашажлан «Кугу Ачамланде сарыште чапле пашажлан» медальым налын. 1946 ийыште Таисия Ямбатровна сӧсна фермым вуйлатен, изиш варарак Мосолов лӱмеш колхозын сӧсна ончышыжлан пашам ыштен — кажне авасӧсна деч 15–20 сӧснаигым налын^[1]^[2].

1956 ийыште Таисия Ямбатровна Казахстаныш каен да кок ият пеле «Донской» совхозышто дояркылан пашам ыштен^[2]. Икмыняр жап гыч, аважын черланымыжлан кӧра, Таисия Ямбатровна шочмо кундемышкыже пӧртылын да шӧр-сату фермыште дояркылан пашам ышташ тӱҥалын^[1]^[2]. 1960 ийыште тудлан кажне ушкал деч 3 100 килограмм шӧрым лӱштен, 1961 ийыште — 2898. Тиде кугу сеҥымаш лийын, молан манаш гын, 1950 ийла мучаште кажне ушкал деч кокла шот дене 2 500 килограммым шӧрым лӱштеныт. 1962 ийыште Таисия Ямбатровна угыч сӧсна ончышылан пашам ышташ келшен, вес ийынак 272 сӧснаигым арален коден; 1964 — 516; 1965 ийыште — 474. Кажне авасӧсна деч 20 сӧснаигым налын^[2]. Таисия Ямбатровна 1961–1963 ийлаште шемер-влакын каҥашышт деч Марий Турек районысо депутатлан сайлалтын, 1969-ше ийыште Пӱтынь российысе колхозник-влакын кумшо погыныштыжо делегат лийын. Тылеч посна тудо икмыняр гана Калык озанлыкын сеҥымаш ончерыште (ВДНХ) лийын^[1].

СССР Кӱшыл Каҥаш Президиумын кӱштыкше дене Таисия Ямбатровна Социалист Паша Талешкыже чаплӱм да вольык озанлыкым вияҥдымаште сеҥымашке шумыдлан Ленин орден дене суапландаралтын. 1968 ийыште тудо ВДНХ-ан шӧртньӧ медальжым налын; 1971 ий 8 апрельыште — «Паша чап» медальым. 1978 ийыште Таисия Ямбатровна пенсийыш каен, ош тӱня гыч кайымешкыже, 1994 ий 14 декабрь марте, Марий Эл Республикын Марий Турек районысо Марий Турек посёлкышто илен^[1]^[2].

Суаптарже

Ий	Суаптар
1966	Социалист Пашан Талешкыже званий
1966	Ленин орден
1968	ВДНХ-ан шӧртньӧ медальже
1971	««Пашаче патырлык верч» медаль

Палемдымаш

↑ ¹ ² ³ ⁴ Кузоватов, Сергей Айглова Таисия Ямбатровна (неопр.). Герои страны. Дата обращения: 20 пургыж 2020. Архивировано 11 пургыж 2018 года.
↑ ¹ ² ³ ⁴ ⁵ Айглова Таисия Ямбатровна (неопр.). Марийская история в лицах (09-090-2017). Дата обращения: 20 пургыж 2020. Архивировано 26 ӱярня 2019 года.

Литератур

Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 16. — 2032 экз. — ISBN 5-87898-357-0.

Кылвер-влак

Кузоватов, Сергей. Айглова Таисия Ямбатровна (рус.). Сайт «Герои страны». Дата обращения: 20 пургыж 2020.

[Герои_страны-1] ¹ ² ³ ⁴ Кузоватов, Сергей Айглова Таисия Ямбатровна (неопр.). Герои страны. Дата обращения: 20 пургыж 2020. Архивировано 11 пургыж 2018 года.

[Марийская_история_в_лицах-2] ¹ ² ³ ⁴ ⁵ Айглова Таисия Ямбатровна (неопр.). Марийская история в лицах (09-090-2017). Дата обращения: 20 пургыж 2020. Архивировано 26 ӱярня 2019 года.

[1]

[2]