Юдин, Валерий Геннадьевич

Валерий Геннадьевич Юдин
Шочмо кече	7 пеледыш 1938(1938-06-07)
Шочмо вер	Анжеро-Судженск, Новосибирск область, РСФСР, СССР
Колымо кече	17 сӱрем 2010(2010-07-17) (72 ий)
Колымо вер	Йошкар-Ола, Марий Эл Республик, Россий
Эл	СССР →  Россий
Шанче алан	машина ден механизм-влакын теорийышт
Паша вер	Марий кугыжаныш технике университет
Образований	Томскысо политехник университет[d]
Шанче степень	технике шанче доктор
Шанче званий	профессор
Награде ден премий-влак	Марий Эл Республикысе шанчын сулло пашаеҥже (1996) Марий Эл Республикын кугыжаныш премийже (1997)

Валéрий Геннáдьевич Юдин (7 пеледыш 1938, Анжеро-Судженск, Новосибирск область, РСФСР, СССР — 17 сӱрем 2010, Йошкар-Ола, Марий Эл Республик, Россий) — совет да российысе машиначоҥышо-шанчызе, технике шанче доктор, профессор. Марий кугыжаныш технике университетын машина ӱзгар да машина ден механизм теорий кафедрын вуйлатышыже (1986―2015). РСФСР-ын сулло конструкторжо (1991). Марий Эл Республикысе шанчын сулло пашаеҥже (1996). Марий Эл Республикысе кугыжаныш премийын лауреатше (1997). РАЕ-н (Российысе Пӱртӱс Шанче Академий) йыжыҥъеҥ-корреспондентше (1996 ий гыч).

Илыш корныжо

1938 ий 7 июньышто Кемерово областьысе Анжеро-Судженск олаште шочын.

1957 ийыште Анжеро-Судженскысе курык техникумым тунем пытарен.

1962 ийыште Томскысо политехник институтым, 1966 ийыште — Киргиз ССР-ысе Фрунзе политехник институтышто аспирантурым тунем пытарен.

1966—1969 ийлаште — СССР Шанче академийын Сибирь пӧлкасе Курык паша институтын да Киргиз ССР Шанче академийын Кӱ породысо физике да механике институтшын кугурак шанче пашаеҥже.

1969 ийыште Йошкар-Олаш толын: 1969—1986 ийлаште — кугурак туныктышо, доцент, профессор. 1986 ий гыч — Марий кугыжаныш технике университетын машина ӱзгар да машина ден механизм теорий кафедрын вуйлатышыже.

2010 ий 17 июльышто Йошкар-Олаште илыш дене чеверласен.

Шанче-туныктымо пашаже

1966 ийыште «Мландым пӱчшӧ баровой машина-влакым шымлымаш да ыштымаш» теме дене кандидатлык диссертацийым арален. Технике шанче кандидат (1966). 1990 ийыште «Шинчыран мланде пӱчшӧ машина-влакын оптимальный конструкцийыштым синтезлымаш» теме дене докторлык диссертацийым арален. Технике шанче доктор (1990).

100 утла шанче пашан, ты шотышто икмыняр монографийын авторжо. Изобретенийлан 33 автор танык ден патентше уло.

Мландым пӱчшӧ шинчыран машина-влакым ыштыме аланыште специалист семын палыме. Киргиз ССР Шанче академийын «Импульс» шанче-инженер рӱдерын коллективше дене пырля бурымо да мланде пӱчшӧ техникым, кӱм пӱчшӧ машинам ыштыме пашам иктешлыше, шымлыме пашам шуктен, кок монографийым да брошюрым луктын. Нине паша-влакым Шанче-шымлыше институт да производство пашаеҥ-влаклан, тыгак курык да чоҥымо пашалан тунемше студент-шамычлан тунемме пособий семын кучылташ темлыме. 1974—1980 ийлаште авторын тыршымыж дене у техникым (Марий кундемысе чоҥымо виктемыште, Киргиз ССР ША «Импульс» НИЦ-ыште) тергыме да тӱшка дене ыштен лукташ (Татарстанысе «Татнефть» ушемыште; Украинысе Хмельницкий механик заводышто) тӱҥалме.

1996 ий 3 июнь гыч — РАЕ-н йыжыҥъеҥ-корреспондентше.

Шанче да технике, изобретений аланыште суапшылан 1992 ийыште «РСФСР-ын сулло конструкторжо», 1996 ийыште — «Марий Эл Республикысе шанчын сулло пашаеҥже» чаплӱм-влакым пуымо. 1997 ийыште тудо Марий Эл Республикысе кугыжаныш премийын лауреатше лийын. ВДНХ медальже-влак дене суапландаралтын.

Тӱҥ шанче пашаже-влак

В. Г. Юдинын тӱҥ шанче пашаже-влак лӱмер:

• Исследование и создание баровых землерезных машин: диссертация… кандидата технических наук: 05.00.00. — Томск — Фрунзе, 1966. — 230 с. разд. паг.: ил.
• Синтез оптимальных конструкций цепных землерезных машин: диссертация … доктора технических наук: 05.05.06 / Марийский политехн. ин-т им. А. М. Горького. АН Кирг. ССР. Ин-т автоматики. — Йошкар-Ола, Фрунзе, 1989. — 474 с.: ил. + Прил. (412 с.: ил.).
• К вопросу автоматического регулирования режимов работы машин с цепным исполнительным органом // Техника и технология добычи природного облицовочного камня: сб. статей. — Фрунзе: Изд-во «Илим», 1985. — C.175—181.
• Цепные землерезные машины с унифицированными модульными механизмами //Строительные и дорожные машины. — 1989. — № 7. —С.4—7.
• Расчёт параметров землерезного органа по износостойкости элементов зацепления и шарниров цепи // «Совершенствование технологии и механизации строительного производства»: сб. ст. — Томск: Изд-во Том. ун-та, 1990. — С. 43—50.

Чаплӱм ден суаптар-влак

• РСФСР-ын сулло конструкторжо (1991 ий 18 декабрь) — конструктор паша аланыште суаплан;
• Марий Эл Республикысе шанчын сулло пашаеҥже (1996);
• ВДНХ-н ший медальже (кум гана);
• ВДНХ-н той медальже (кок гана);
• Марий Эл Республикын кугыжаныш премийже (1997).

Палемдымаш

Литератур

• Мочаев В. А,. Юдин Валерий Геннадьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 415. — 2032 экз. — ISBN 5-87898-357-0.
• Юдин Валерий Геннадьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 838. — 872 с. — 3505 экз. — ISBN 978-5-94950-049-1.
• Анучина Л. А., Лялин С. В. Юдин Валерий Геннадьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 514. — 606 с. — 1500 экз. — ISBN 978-5-905314-35-3.

Кылвер-влак

• Юдин Валерий Геннадьевич.