Шапкин, Виталий Владимирович

РУВИКИ — эрыкан энциклопедий гыч материал
Виталий Владимирович Шапкин
Шапкин, Виталий Владимирович.jpg
Шочмо кече 25 идым 1947(1947-09-25)
Шочмо вер
Колымо кече 14 пургыж 2021(2021-02-14) (73 ий)
Колымо вер
Гражданлык  СССР →  Россий
Паша сомыл музыкант, флейтист, концертмейстер, туныктышо
Награде да премий

Виталий Владимирович Шапкин (25 идым 1947, Шернур кундем, Марий Автоном Совет Социализм Республик — 14 пургыж 2021, Йошкар-Ола) — совет да россий музыкант, флейтист, концертмейстер, туныктышо. РСФСР-ын сулло артистше (1991), Марий АССР-ын сулло артистше (1980). Марий АССР Кугыжаныш премийын лауреатше (1980), Марий комсомолын Олык Ипай лӱмеш премийжын лауреатше (1978). Совет композитор, СССР-ын калык артистше, СССР-ын Ленин да Кугыжаныш премий-влакын лауреатше. А. Я. Эшпайын ойжо почеш, тӱнямбалне ик эн сай флейтистлан шотлалтеш.

Илыш корныжо

1947 ий 25 сентябрьыште Марий АССР Шернур вел Тумерсола ялысе кресаньык ешеш шочын[1]. 1962 ийыште Нольыкмарий школышто 7 классым тунем пытарен да Йошкар-Оласе И. Палантай лӱмеш музыко училищыш тунемаш пурен. Тунеммыж годым М. Шкетан лӱмеш марий драмтеатрын оркестрыштыже флейтым шокташ тунемын[2].

1968 ийыште П.И. Чайковский лӱмеш моско кугыжаныш консерваторийыште  (руш.) (мар., профессор Ю. Г. Ягудинын классыштыже, тунемын. 1972 ийыште, консерваторийым тунем пытарымеке, тудлан оркестрын солистше, камер шоктызо да туныктышо квалификаций пуалтын. Консерваторийыште тунемме ийлаште рвезе моско эстрадыште ик гана веле огыл шоктен. Йошкар-Олаш пӧртылмекыже, И. Палантай лӱмеш Йошкар-Оласе музыко училищын духовой семӱзгар пӧлкажын туныктышыжо лийын. Вара икмыняр жап Оршанке райисполкомысо тӱвыра пӧлкан вуйлатышыже олмышто пашам ыштен[2].

1974 ий май гыч 1990 ий марте В. В. Шапкин Марий АССР кугыжаныш музыко театрыште дирижёр В. Венедиктовын вуйлатыме оркестрыште икымше флейтист лийын. Марий семмастар-влак К. Р. Гейст, А. И. Искандаров, А. Я. Эшпай, В. М. Алексеев, Ю. С. Евдокимов, А. К. Яшмолкин да молат Шапкинлан шокташ лӱмын шке произведенийыштым возеныт[2].

Марий композитор-влак тудлан чылаже 65 произведенийым возеныт[3]. В. В. Шапкин идалыкыште 2 соло программе дене Санкт-Петербургышто, Москваште, Уфаште, Озаҥыште, Астраханьыште, Краснодарыште калык ончыко лектын, Венгрийыште, Эстонийыште, Финляндийыште гастроль дене коштын[2].

Композитор, СССР-ын калык артистше  (руш.) (мар., СССР-ысе Ленин да Кугыжаныш премий-влакын лауреатше А. Я. Эшпай дене ятыр ий келшен да пырля пашам ыштен, тудын аклымыж почеш тӱнямбалне ик эн сай флейтист лийын[4][3].

В. В. Шапкин статья ден автобиографий очерк-влакын авторжо улеш. Тудо тыгай автобиографий книга-влакым савыктен: «О чём молчит флейта… и не только о себе» (2005), «Моя флейта» (2012), «Эшпай в моей жизни: хроника встреч и творческой дружбы с Андреем Яковлевичем Эшпаем» (2014)[5].

2021 ий 14 февральыште Йошкар-Олаште колен[6].

Шкеж нерген книга-влак

  • Шапкин В. В. О чём молчит флейта… (и не только о себе). — Йошкар-Ола: Газ. «Марий Эл», 2005.
  • Шапкин В. В. Моя флейта. — Йошкар-Ола: Газ. «Марий Эл», 2012[7].
  • Шапкин В. В. Эшпай в моей жизни: хроника встреч и творческой дружбы с Андреем Яковлевичем Эшпаем (письма, интервью, воспоминания, дневники) / Виталий Шапкин. — Йошкар-Ола: Газ. «Марий Эл», 2014[8].

Музыкант нерген книга-влак

  • Шапкин Виталий Владимирович: биобиблиографический указатель: материалы к биобиблиографии / [сост. Т. М. Попова]. — Йошкар-Ола: Марийский гос. ун-т, 2013. — 32 с.; 20 см. — (Серия «Подвижники культуры Республики Марий Эл» / М-во образования и науки Российской Федерации, ФГБОУ ВПО «Марийский гос. ун-т», Науч. б-ка им. Р. А. Пановой; вып. 25)[9].

Чаплӱм да суаптар-влак

Палемдымаш

  1. ↑ Тумерсола (Тумерская). rodnaya-vyatka.ru. Тергыме кече: 19 кылме 2025.
  2. ↑ 1 2 3 4 Шапкин В.В. gosarhivrme.ru. Тергыме кече: 19 кылме 2025.
  3. ↑ 1 2 3 Мочаев, 2017, с. 493.
  4. ↑ В Марий Эл скончался выдающийся музыкант, знаменитый флейтист Виталий Шапкин. marpravda.ru. Тергыме кече: 19 кылме 2025.
  5. ↑ 1 2 3 4 5 Виталий Шапкин в Энциклопедии театра. operaballet.net. Тергыме кече: 19 кылме 2025.
  6. ↑ Умер музыкант Виталий Шапкин (руш.). «Кидшер». Тергыме кече: 19 кылме 2025.
  7. ↑ Моя флейта (руш.). spblib.ru. Тергыме кече: 19 кылме 2025.
  8. ↑ Шапкин, Виталий Владимирович - Эшпай в моей жизни [Текст] : хроника встреч и творческой дружбы с Андреем Яковлевичем Эшпаем (письма, интервью, воспоминания, дневники) - Search RSL. search.rsl.ru. Тергыме кече: 19 кылме 2025.
  9. ↑ Шапкин Виталий Владимирович [Текст] : биобиблиографический указатель : материалы к биобиблиографии - Search RSL. search.rsl.ru. Тергыме кече: 19 кылме 2025.

Литератур

  • Шапкин Виталий Владимирович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 399-400. — 2032 экз. — ISBN 5-87898-357-0.
  • Шапкин Виталий Владимирович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 820. — 872 с. — 3505 экз. — ISBN 978-5-94950-049-1.
  • Мочаев В. А. Шапкин Виталий Владимирович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 493. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Шапкин,_Виталий_Владимирович&oldid=1232179" гыч налме