Тюлькин, Павел Петрович

Павел Петрович Тюлькин
Павел Петрович Тюлькин
Шочмо кече	16 кылме 1926
Шочмо вер	Липовка[d], Юрино кундем, Марий Автоном Совет Социализм Республик, РСФСР[d], СССР;
Колымо кече	8 вӱдшор 1945 (18 ий)
Колымо вер	Кёнигсберг[d], Эрвел Пруссий[d], Пруссий эрыкан кугыжаныш[d], Нацист Германий[d];
Гражданлык	СССР
Награде да премий

Пáвел Петрóвич Тю́лькин (16 кылме 1926, Липовка^[d], Марий Автоном Совет Социализм Республик — 8 вӱдшор 1945, Кёнигсберг^[d], Пруссий эрыкан кугыжаныш^[d]) — совет сарзе пашаеҥ. Кугу Ачамланде сар жапыште — Касвел фронтысо 192-шо лӱйкалыше дивизийын 246-шо посна разведке ротын взвод командирже, старшина. 6 сарысе орденын кавалерже, нунын коклаште Чап орден да ныл Ачамланде сар орден. ВКП(б) йыжыҥъеҥыш кандидат.

Илыш корныжо

1926 ий 16 ноябрьыште кызытсе Марий Элын Йӱрнӧ кундемысе Липовка ялысе^[1] кресаньык ешеш шочын. Кугу Ачамланде сар тӱҥалме дене ачаж ден изаже фронтышто коленыт^[2].

1943 ий ноябрьыште РККА-ш налме. Кугу Ачамланде сарын участникше: 1944 ий август гыч — Касвел фронтысо 192-шо лӱйкалыше дивизийын 246-шо посна разведке ротын рядовойжо, сусырген. 1945 ийыште ВКП(б) йыжыҥъеҥыш кандидат лийын, тиде ийынак январь тылзе гыч 192-шо лӱйкалыше дивизийын взвод командирже, старшина. «Йылмым» кучымо тӱшкаште лийын, траншейыш икымше пурен, тушман-влакым пытарен да шергакан уверым пуышо, тергалтше немычым пленлен^[2]^[3].

1945 ий апрельыште, черетан кӱштымашым шуктышыла, Эрвел Пруссийын Кёнигсберг провинцийысе Экриттен кумдыкышто пленыш логалын, орландареныт. 1945 ий 8 апрельыште медсанбатыште сусыр деч колен, Калининград областьыште Зеленоградск районысо Муромское (руш.) (мар. посёлкысо иза-шольо шӱгарлаште тойымо^[2]^[4].

Лӱддымылык да патырлыклан III степенян Чап орден, I степенян (кок гана) да II степенян (кок гана) Ачамланде сар орден-влак да Йошкар Шӱдыр орден дене суапландаралтын^[2].

Сарысе суаптар-влак

III степенян Чап орден (28.09.1944)^[3]^[5];
I степенян Ачамланде сар орден (03.11.1944, 02.04.1945)^[3]^[5];
II степенян Ачамланде сар орден (15.12.1944, 05.04.1945)^[3]^[5];
Йошкар Шӱдыр орден (29.01.1945)^[3]^[5].

Шарнымаш

Тудын лӱмжӧ Калининград областьыште Зеленоградск районысо Муромское посёлкын иза-шольо шӱгарласе мемориал комплексын оҥаштыже возалтын^[4].

Палемдымаш

↑ Липовка - урочище деревни в Юринском районе (руш.). Тергыме кече: 10 шорыкйол 2026.
↑ ¹ ² ³ ⁴ Мочаев, 2017, с. 452.
↑ ¹ ² ³ ⁴ ⁵ Тюлькин Павел Петрович :: Память народа (неопр.). pamyat-naroda.ru. Тергыме кече: 10 шорыкйол 2026.
↑ ¹ ² старшина Тюлькин Павел Петрович (неопр.). www.prussia39.ru. Тергыме кече: 10 шорыкйол 2026.
↑ ¹ ² ³ ⁴ Тюлькин Павел Петрович, <https://marihistory.ru/2011-01-01-19-55-37-115/2-/28660-tyulkin-pavel-petrovich.html>. Тергыме: 10 шорыкйол 2026.

Литератур

Тюлькин Павел Петрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 369. — 2032 экз. — ISBN 5-87898-357-0.
Опарина Т. Т., Мочаев В. А. Тюлькин Павел Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 452. — 606 с. — 1500 экз. — ISBN 978-5-905314-35-3.

Кылвер-влак

[1] Липовка - урочище деревни в Юринском районе (руш.). Тергыме кече: 10 шорыкйол 2026.

[_d89ac0506f00e1cd-2] ¹ ² ³ ⁴ Мочаев, 2017, с. 452.

[:1-3] ¹ ² ³ ⁴ ⁵ Тюлькин Павел Петрович :: Память народа (неопр.). pamyat-naroda.ru. Тергыме кече: 10 шорыкйол 2026.

[:2-4] ¹ ² старшина Тюлькин Павел Петрович (неопр.). www.prussia39.ru. Тергыме кече: 10 шорыкйол 2026.

[:0-5] ¹ ² ³ ⁴ Тюлькин Павел Петрович, <https://marihistory.ru/2011-01-01-19-55-37-115/2-/28660-tyulkin-pavel-petrovich.html>. Тергыме: 10 шорыкйол 2026.

[1]

[2]

[3]

[4]

[5]