Троицкий, Евгений Васильевич

Евгений Васильевич Троицкий
Евгений Васильевич Троицкий
Шочмо кече	28 идым 1917
Шочмо вер	Минск, Минск губерний[d], Россий империй;
Колымо кече	3 кылме 2008 (91 ий)
Колымо вер	Йошкар-Ола, Россий;
Гражданлык	СССР
Паша сомыл	журналист, телерадиорӱдерын директоржо
Награде да премий	; Марий АССР тӱвыран сулло пашаеҥже (1970); Марий АССР Кӱшыл Каҥаш Президиумын Чаптаныкше (1941, 1943, 1953, 1957)

Евгéний Васи́льевич Трóицкий (28 идым 1917, Минск, Минск губерний^[d], Россий империй — 3 кылме 2008, Йошкар-Ола) — совет радио- да тележурналистике пашаеҥ, радиотехник. Марий радиовещанийын да телевиденийын тӱҥалтышыштышт шоген: Марий телерадиорӱдерын икымше директоржо, Марий АССР Гостелерадио председательын алмаштышыже (1960—1977). Марий АССР тӱвыран сулло пашаеҥже (1970).

Илыш корныжо

1917 ий 28 сентябрьыште Минскыште почто-телеграф пашаеҥ-влакын ешыштышт шочын^[1].

1922 ийыште ешыж дене пырля Йошкар-Олаш куснен^[1].

1937 ийыште Угарманысе кыл шотышто техникумым тунем пытарен^[1].

1937—1939 ийлаште — радиоузелын техникше, 1938 ий гыч — Йошкар-Оласе РВ-61 радиостанцийын начальникше^[1]^[2].

Е. В. Троицкий шкеже тидын нерген тыге шарналтен:

«Мыланем технике негызым ыштымаште тыршаш логалын. Ме йӧршеш вучыдымын француз телевизионный ТВ-331 передатчикым да Ленинградыште ыштыме ТЦ-2 тӱрлӧ аппарат-студийысе арверым налынна. Пытартышым шыҥдарыме годым шуко ситыдымаш лектын, да нуным тӧрлаш наладчик-влакын бригадышт толын. Мемнан погымо телевидений оборудованийыште сӱрет эреак вашталтын, да тудын сайлыкшым кӱкшытыштӧ кучаш манын, сӱретым „кид дене“ тӧрлаш кӱлын»^[2].

1960—1977 ийлаште — Марий телерадиорӱдерын икымше директоржо да тидын годымак — Марий АССР Гостелерадио председательын алмаштышыже. Тудын вуйлатымыж дене Марий радио ден телевиденийын технике негызышт шочын^[1]. Телерӱдер кышкарыш пуреныт: ТЦ-2 кок каналан аппаратур комплектан аппарат-студий комплекс (АСК); 7 ТВК-ште 5 кВт куат дене телевизионный да йӱк передатчик комплектан УКВ ЧМ радиостанций; фильмым аралыме кумдык, трансформатор станций. 1960 ий 15 августышто Йошкар-Оласе телевидений студий икымше гана эфирыш лектын^[2]^[3].

1970 ийыште тудлан «Марий АССР тӱвыран сулло пашаеҥже» чаплӱмым пуымо. Паша Йошкар Тисте орден, медаль да ныл гана — Марий АССР Кӱшыл Каҥаш Президиумын Чаптаныкше дене суапландаралтын^[1].

2008 ий 3 ноябрьыште Йошкар-Олаште колен^[1].

Чаплӱм ден суаптар-влак

Марий АССР тӱвыран сулло пашаеҥже (1970)^[1];
Паша Йошкар Тисте орден (1966)^[1];
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (руш.) (мар. (1970)^[1];
Марий АССР Кӱшыл Каҥаш Президиумын Чаптаныкше (1941, 1943, 1953, 1957)^[1].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 447.
↑ ¹ ² ³ Троицкий Евгений Васильевич (руш.). Марийская история в лицах. Тергыме кече: 13 шорыкйол 2026.
↑ История в лицах - Евгений Васильевич Троицкий (руш.). web.archive.org. Тергыме кече: 13 шорыкйол 2026.

Литератур

Краснов П. В. Троицкий Евгений Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 366. — 2032 экз. — ISBN 5-87898-357-0.
Краснов П. В., Мочаев В. А. Троицкий Евгений Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 447. — 606 с. — 1500 экз. — ISBN 978-5-905314-35-3.
История Марий Эл с древнейших времён до наших дней. Т. 2. История Марий Эл с 1917 года до начала XXI века / отв. ред. О. А. Кошкина, Е. П. Кузьмин. — Йошкар-Ола: МарНИИЯЛИ им. В. М. Васильева, 2020. — С. 382—384.

Кылвер-влак

Марийская история в лицах. Троицкий Евгений Васильевич.

[_d89abf506f00e07b-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 447.

[:0-2] ¹ ² ³ Троицкий Евгений Васильевич (руш.). Марийская история в лицах. Тергыме кече: 13 шорыкйол 2026.

[3] История в лицах - Евгений Васильевич Троицкий (руш.). web.archive.org. Тергыме кече: 13 шорыкйол 2026.

[1]

[2]

[3]