Тетерин, Иван Михайлович

РУВИКИ — эрыкан энциклопедий гыч материал
Иван Михайлович Тетерин
Ivan Teterin 2019.jpg
Флаг
Российысе Кугыжаныш Думын VII созывшын депутатше
2016 ий 6 октябрь — 2021 ий 24 сентябрь
Россий МЧС-ын Пожар ваштареш кугыжаныш службо академийын начальникше
2005 ий март — 2013 ий 22 апрель
Ончычсо пашаеҥ Евгений Мешалкин
Алмаштыше Шамсутдин Дагиров
Шочын 12 шорыкйол 1952(1952-01-12) (74 ий)
Партий КПСС → Единая Россия
Шинчымаш Ульяновскысо кӱшыл сарзе командный кыл училище,
С. М. Будённый лӱмеш сарзе кыл академий,
М. В. Фрунзе лӱмеш сарзе академий,
Йӱдвел Кавказ кугыжаныш службо академий
Шанче степень технике шанче доктор[d]
Профессий сарзыеҥ, кугыжаныш служышо
Награде
RUS Order of Military Merit ribbon.svg Почёт орден (Россий) Орден Красной Звезды III степенян «СССР Сарзе вийыште Шочмо эллан служитлымашлан» орден
RUS Medal of Zhukov ribbon.svg SU Medal 60 Years of the Armed Forces of the USSR ribbon.svg SU Medal 70 Years of the Armed Forces of the USSR ribbon.svg RUS Medal 300 Years of the Russian Navy ribbon.svg
Премия Правительства Российской Федерации в области образования
Сарзе службо
Службо жап 1969—2015
Шогымаш СССР Сарзе Вий
Войска род Россий МЧС
Званий Генерал-полковник МЧС РФ.png
Элгӧргӧ службын генерал-полковникше
Командоватлен Россий МЧС-ын Йӱдвел Кавказ регионысо рӱдерже
Россий МЧС-ын кечывалвел регионысо рӱдерже
Россий МЧС-ын пожар ваштареш кугыжаныш службо академийже
Кредалмаш 1) Афган сар;
2) Чечен республикыште да тудын воктенысе Россий Федерацийын кумдыкыштыжо сарзе конфликт;
3) Кокымшо чечен сар
Логотип РУВИКИ.Медиа РУВИКИ.Медиаште медиафайл-влак

Иван Михайлович Тетерин (шоч. 12 шорыкйол 1952, Кӱшыл Кодам, Марий Автоном Совет Социализм Республик) — российысе сарзе да политике пашаеҥ, Кугыжаныш Думын VII созывшын депутатше. «Единая Россия» фракцийын йыжыҥъеҥже, Кугыжаныш думын обороно комитетшын йыжыҥъеҥже[1]. Элгӧргӧ службын генерал-полковникше (2008). Социологий шанче кандидат, технике шанче доктор[2].

Илыш корныжо

1952 ий 12 январьыште Марий АССР-ысе (кызыт — Марий Эл Республик) Советский район Кӱшыл Кодам ялыште шочын. 1969 ийыште Какшанмучаш селаште кыдалаш школым тунем пытарен.

1969 ий гыч СССР Сарзе Вийыште  (руш.) (мар.. 1973 ийыште Г. К. Орджоникидзе лӱмеш Ульяновскысо кӱшыл сарзе командный кыл училищым, 1984 ийыште С. М. Будённый лӱмеш Сарзе кыл академийым тунем пытарен. 1973 ий гыч Москосо сарзе округын Кантемировский 4-ше гвардий танк дивизийыште (Наро-Фоминск) служитлен: связь взвод командир, 1977 ий гыч — 12-шо гвардей танко полкын кыл рото командирже, 1979 ий гыч — 43-шо гвардий танк полкын кыл начальникше. 1984 ий гыч — Германийысе совет войска тӱшкан 20-шо гвардий мотострелковый дивизий штабын кыл начальникше (Гримма ола, ГДР)[3].

1986—1988 ийлаште — Туркестан сарзе округын 40-ше общевойсковой армийын 201-ше мотострел дивизийжын кыл начальникше. Афганистанысе совет войскан иземдыме контингентше дене пырля Кундуз олаште Афган сарысе кредалмашлаште лийын. 1988 ий гыч Москосо сарзе округын  (руш.) (мар. Граждан обороно управленийжын оператив пӧлкасе кугурак офицержылан служитлен.

1992 ийыште Сарзе Вийым иземдымылан кӧра граждан обороно часть-влакым Россий МЧС-ыш кусарыме, тушкак Тетеринымат кусареныт. 1992 ий гыч Россий МЧС-ын Рӱдӧ региональный рӱдерыштыже служитлен — оператив пӧлка вуйлатышын алмаштышыже, аралымаш да ситарымаш пӧлка вуйлатыше, 1993 ий гыч — Россий МЧС-ын Рӱдӧ региональный рӱдер вуйлатышын алмаштышыже. 1995 ий январьыште Чечен Республикыште гуманитар операцийым эртараш утарыше-влакын икымше отрядыштым чумырен да вуйлатен.

1996 ий май гыч Россий МЧС-ын Йӱдвел Кавказ региональный рӱдерын начальникше (Ростов-на-Дону), 2002 ий январьыште пужен вашталтыме деч вара — Россий МЧС-ын Кечывалвел региональный рӱдержын начальникше. 1998 ийыште Йӱдвел Кавказ кугыжаныш службо академийым  (руш.) (мар. тунем пытарен. 1995—1996 да 1999—2004 ийлаште Чечен Республикыште сарзе действий кумдыкышто Россий МЧС-ын пашажым шуктен. Кокымшо чечен сар годым Йӱдвел Кавказыште контртеррорист операцийым эртарыме годым Россий МЧС группировкын начальникше лийын (сарзе действий кумдык гыч тыныс калыкым лукмылан, беженец-влакым жаплан верланыме олмылаште вашлиймылан, Грозный олан инфраструктурыжым тӧрлатымылан да мине деч эрыктымылан мутым кучен). Тидын деч посна Каспийскыште, Буйнакскыште, Владикавказыште, Волгодонскышто, Кавказысе Минеральный Вӱдыштӧ теракт деч вара, Черкесск воктене да Сочиште самолёт туткар деч вара, тыгак Тырныауз олаште 2002 ийысе вӱд ташлымаш, олашке лавыран йошкын йоген волымо, моло тӱрлӧ кенета лийше пеш кугу туткар годым Российын кечывалвелныже вучыдымо туткар сӱретым кораҥдыме шотышто шкеак ушнен да МЧС-ын пашажым виктарен.

2005 гыч 2013 ий апрель марте[4] — Россий МЧС-ын пожар ваштареш кучедалме Кугыжаныш службо академийын начальникше, а 2013 гыч 2015 ий марте — тудын президентше.

2015 ий гыч — шапашыште. Эше службо годымак политике пашам шуктен, 2000 ийысе сайлымаш годым Марий Эл Республик президентыш кандидат лийын. Тунам йӱкым погымо дене 7 кандидат коклаште кумшо верым налын (18,82 %), кокымшо турыш лектын огыл[5].

Технике шанче доктор. Социологий шанче кандидат. Чумыр лӱдыкшыдымылык шотышто Тӱнямбал шанче академийын да Пожар лӱдыкшыдымылык шотышто калыкле шанче академийын чын йыжыҥъеҥже (академикше), Россий МЧС-ын пожар ваштареш кучедалме Кугыжаныш службо академийын чапланыше докторжо. Кенета толын лекше илыш сӱрет годым лӱдыкшыдымылык да пожар лӱдыкшыдымылык дене кылдалтше нелылык шотышто 6 шанче монографийын, 2 учебникын, 7 тунемме пособийын да 85 шанче статьян авторжо.

2016 ий 18 сентябрьысе сайлымаш годым 196-шо №-ан сайлыме округ деч (Бабушкинский округ, Моско ола) Кугыжаныш Думын VII созывысе депутатшылан сайлалтын[6]. «Единая Россия» фракцийын йыжыҥъеҥже. Кугыжаныш Думын Обороно комитетшын йыжыҥъеҥже[7]. Кугыжаныш Думын шотлышо комиссийжын йыжыҥъеҥже[8]. 2021 ий сентябрьыште VII созывысо депутат-влакын полномочийышт пытымешке Кугыжаныш думышто пашам ыштен Кугыжаныш думын вес созыв депутатше-влакым сайлымашке ушнен огыл.

Россий МЧС-ын Пожар ваштареш кучедалме Кугыжаныш службо академийын чапланыше докторжо[9].

Закон лукмо паша

2016 гыч 2019 ий марте, VII созыв Кугыжаныш Думо депутатын полномочийжым шуктымо жапыште, федерал закон проектлашке 85 законлык инициативын да вашталтышын авторжо-влак коклаште лийын[10].

Суаптар-влак

Палемдымаш

  1. ↑ Тетерин Иван Михайлович (руш.). Государственная Дума. Тергыме кече: 24 пургыж 2026. Архивлыме 14 пургыж 2019 ий.
  2. ↑ Тетерин Иван Михайлович - Энциклопедия пожарной безопасности (руш.). xn--b1ae4ad.xn--p1ai. Тергыме кече: 24 пургыж 2026.
  3. ↑ Тетерин, Иван Михайлович, <https://tass.ru/encyclopedia/person/teterin-ivan-mihaylovich>. Тергыме: 24 пургыж 2026. 
  4. ↑ Указ Президента Российской Федерации от 22.04.2013 № 383 «Об освобождении от должности сотрудников федеральной противопожарной службы Государственной противопожарной службы». Тергыме кече: 24 пургыж 2026. Архивлыме 26 теле 2018 ий.
  5. ↑ Губернаторские выборы — 2000. Тергыме кече: 24 пургыж 2026. Архивлыме 17 ӱярня 2014 ий.
  6. ↑ Кандидат-мариец победил в одномандатном округе Москвы, 2016-09-19, <https://web.archive.org/web/20171228053907/https://mariuver.com/2016/09/19/mari-pobedil/>. Тергыме: 24 пургыж 2026. 
  7. ↑ Постановление Государственной Думы Федерального собрания Российской Федерации от 5.10.2016 № 9-7ГД «О составах комитетов Государственной Думы». Тергыме кече: 24 пургыж 2026. Архивлыме 26 теле 2018 ий.
  8. ↑ Постановление Государственной Думы Федерального собрания Российской Федерации от 5.10.2016 № 1-7ГД «О Счетной комиссии Государственной Думы». Тергыме кече: 24 пургыж 2026. Архивлыме 26 теле 2018 ий.
  9. ↑ Почетные доктора Академии — Академия ГПС МЧС России. web.archive.org. Тергыме кече: 24 пургыж 2026.
  10. ↑ Объекты законотворчества :: Система обеспечения законодательной деятельности. sozd.duma.gov.ru. Тергыме кече: 24 пургыж 2026. Архивлыме 26 идым 2019 ий.
  11. ↑ Указ Президента Российской Федерации от 11.05.1995 № 483 «О награждении государственными наградами Российской Федерации». Тергыме кече: 24 пургыж 2026. Архивлыме 26 теле 2018 ий.
  12. ↑ Сегодня состоялось заседание коллегии МЧС России под руководством Министра Владимира Пучкова. mchs.gov.ru. Тергыме кече: 25 пургыж 2026.
  13. ↑ Распоряжение Правительства Российской Федерации от 3 ноября 2011 г. N 1946-р «О присуждении премий Правительства Российской Федерации 2011 года в области образования». Тергыме кече: 24 пургыж 2026. Архивлыме 26 теле 2018 ий.

Литератур

  • Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 524. — 2000 экз. — ISBN 5-87898-197-1.

Кылвер-влак

"https://mhr.ruwiki.ru/w/index.php?title=Тетерин,_Иван_Михайлович&oldid=1210599" гыч налме