Синицын, Михаил Николаевич

Михаил Николаевич Синицын
Шочмо кече	6 теле 1925(1925-12-06)
Шочмо вер	Белавка[d], Лысково уезд[d], Угарман губерний, РСФСР, СССР
Колымо кече	8 пеледыш 2007(2007-06-08) (81 ий)
Кредалмаш/сар	Кугу Ачамланде сар
Награде да премий

Михаил Николаевич Синицын (1925, 6 декабрь, Белавка, Угарман губерний — 2007 ий 8 июнь) — 133-ше стрелок-влак дивизийын 521 стрелок-влак полкысо стрелок пӧлкан командирже, сержант.

Илыш корныжо

1925 ий 6 декабрьыште Угарман губернийысе Лысково уезд Белавка ялыште шочын. 7 классым тунем пытарен. Колхозышто пашам ыштен. 1943 ий август тылзыште Угарман кундем Воротын райвоенкомат гыч Йошкар Армийышке налалтын. Ты ий гычак октябрь гыч фронтышто. Румынийым, Венгрийым, Австрийым да Чехословакийым утарымаште Корсунь-Шевченков, Умань-Боташан операцийлаште лийын. 1944 ий кеҥежлан сержант Синицын 133-шо стрелок-влак дивизийысе 1-ше стрелок-влак батальонын 521-ше стрелок-влак полкшын пӧлкаж дене командоватлен.

1944 ий 27-28 августышто сержант Синицын тушманын тул точкыжым рашемдаш разведкыш кок гана миен, «йылмым» кучен. 28 августышто, разведчик-влакын тушманын тул йымакышт логалмеке, вашпижмаште ныл тушманым пытарен.

133-шо стрелок-влак дивизийын 1944 ий 5 сентябрьысе кӱштыкшӧ почеш сержант Синицын Михаил Николаевич 3-шо степенян Чап орден дене суапландаралтын. 1944 ий 8 октябрьыште румын-венгр чекысе кӱкшака верч кредалмаште сержант Синицын ик эн ончычак пӧлкажым атакыш кынелтен да тушманын траншейышкыже керылтын, 5 пехотинецым автомат дене лӱйкален пытарен. 7 ноябрь йӱдым пӧлка салтак-влак дене пырля, Польгар ола деч касвелне Тиса эҥерым вончымек, тудын пурла сереш верланен, плацдармым кумдаҥдыме шотышто кредалын.

1944 ий 20 декабрьысе 27-ше армийын войскасе кӱштык почеш сержант Синицын Михаил Николаевич 2-шо степенян Чап орден дене суапландаралтын.

1944 ий декабрь тӱҥалтыште сержант Синицын Тиис вӱд воктенысе вашпижмаште пӧлкажым атакыш нӧлталын, тушманын верланыме кумдыкышто чолган кредалын, 3 офицерым, 4 салтакым пытарен, пулемётым налын, 3 пехотинецым пленыш налын.

1944 ий 30 декабрьысе кӱштык почеш сержант Синицын Михаил Николаевич 3-шо степенян Чап орден дене суапландаралтын.

Сар ийлаште 1944 ий сентябрьыште Карпатыште сусырген, Венгрийыште контузий лийын. 1945 ий 24 июньышто лийше Йошкар площадьысе Сеҥымаш парадын участникше.

Сар деч вара эше икмыняр ий армийыште служитлен. 1952 ийыште старшина лӱмпалан шапашыш каен. 1970 ийыште Моско кооператив институтым тунем пытарен. Марий Эл Республикын Юрино кундемысе Юрино селаште илен. «Шереметевын Замокшо» пансионатын директоржылан пашам ыштен.

СССР Кӱшыл Каҥаш Президиумын 1955 ий 19 августысо кӱштыкшӧ дене уэмден суапландарыме шот дене Синицын Михаил Николаевич 1-ше степенян Чап орден дене суапландаралтын. Чап орденын тичмаш кавалерже лийын.

2002 ий гыч Сургут олаште илен. 2007 ий 8 июньышто колен. Марий Эл Республикын Юрино посёлкысо шӱгарлаш тойымо.

1-ше да 2-шо степенян Ачамланде сар орден дене 1-ше, 2-шо, 3-шо степенян Чап орден-влак, медаль-влак дене суапландаралтын.

Кылвер-влак

• Михаил Николаевич Синицын (руш.). Сайт «Герои страны». Тергыме кече: 30 сорла 2014.

Литератур

• Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.