Сарапул уезд

РУВИКИ — эрыкан энциклопедий гыч материал
Сарапульский уезд
Герб[d]
Герб[d]
Эл Россий Империй
Уезд ола Сарапул
Историй да географий
Ыштыме кече 22 идым (3 шыжа) 1780
Пытарыме кече 3 кылме 1923
Кумдык 13 108,1 кв. уштыш
Калык чот
Калык чот 408 225[1] (1897) еҥ
Сарапульский уезд на карте

Сарапул уезд (руш. Сарапульский уезд) — Виче да Пермь губернийлаште администраций территорийысе ужаш, 1780—1923 ийлаште лийын.

Уездын олаже — Сарапул. Уезд губернийын кечывалвел-эрвел ужашыштыже, 13 108,1 квадрат уштыш але 1 365 427 десятин кумдыкышто верланен, курык арка-влак дене шеледалтше лийын[2]. Сарапул уезд гоч Чолман эҥер шке игэҥерже-влак (Сива, Иж да моло) дене пырля йоген. 1900 ийыште уездысе пайдаланаш йӧршӧ мландын 48%-шым чодыра айлен, нур мланде — 43 %, моло мланде (илем, кӱтӱ кӱтӱымӧ, шудым солымо вер) — 9 % лийын.

Эртымгорно

Уездым 1780 ий 22 сентябрьыште инженер-технике службын генерал-майоржо  (руш.) (мар. (1796 ий гыч — Виче губерний) кышкарыште ыштыме, но эше XVII курымысо Руш кугыжанышын кагазлаштыже Сарапул воктенсе вер-шӧрым эре Сарапул уезд ман лӱмденыт[3].

1897 ийыште уездыште 408 058 еҥ илен: руш-влак — 290 828, одо-влак — 97 827, суас-влак — 7 226, башкир-влак — 5 100 да молат[4]. 1909 ийлан 387 000 илыше лийын: великоросс-влак (70 % наре), одо-влак (25 %), суас-влак, пошкырт-влак, тептяр-влак[2].

1920 ий 3 июльышто уездын йӱдвел да касвел волостьшо-влак угыч ыштыме Одо АО-ш  (руш.) (мар. (Вотский автоном областьыш) пуреныт, тушто нуно Ижевск да Дебёссы уезд-влак кышкарыште лийыныт.

ВЦИК-ын 1921 ий 5 январьысе пунчалже почеш Агрыз да Исенбаево волость-влакым Татар АССР-лан кусарыме, а иземше Сарапул уезд Пермь губернийлан логалын.

1923 ий 3 ноябрьыште, мландым угычтарен шеледыме годым, Пермь губернийын мландыжым Урал областьыш ушымо, уездым пытарыме, а тудын мландыже Урал областьысе угыч увертарыме Сарапул йырвелыш пурен.

Администрацийлан шеледымаш

Сарапул уездын 1892 ийысе рок картше

1915 ийыште уездым администраций кумдыклан тыге шеледыме[5]:

Лӱм Администраций
рӱдер 		Калык чот Ял
обществе-влак 		Илем-влак Сурт-влак
I стан (Дебёссы села) )
Дебёссы волость Дебёссы села 12 283 13 49 2100
Петропавлов волость Петропавловское 13 517 10 68 2375
Тыловай волость Тыловай 10 175 8 38 1370
Кугу Пурга волость Кугу Пурга 8 065 11 42 1300
Чутыр волость Чутырское 8 258 9 35 1190
Тойкин волость Тойкино 8 356 9 20 1560
II стан (Шаркан село)
Шаркан волость Шаркан 24 613 20 64 3396
Сосновка волость Сосновка 16 548 17 54 2242
Зюзино волость Зюзино 12 183 11 36 1551
Якшур-Бодья волость Якшур-Бодья 11 560 15 49 1709
Ӱлыл Лып волость Ӱлыл Лып 4 361 5 7 763
Полозово волость Полозово 5 268 8 9 1049
III стан (Воткинск завод)
Кама волость 7 366 11 20 1413
Галево волость Галево 1 804 3 7 327
Кельчин волость Кельчино 8 404 10 20 1610
Светлян волость Светлянское 9 353 10 15 1711
Июль волость Июльское 7 681 10 23 1475
Перевоз волость Перевозное 9 959 10 20 1670
IV стан (Ижевск завод)
Ижевск-Нагорный волость Ижевск завод 4 978 18 15 583
Ижевск-Заречный волость Ижевск завод 532 2 6 86
Люк волость Люк села 5 476 6 10 805
Нылгыжик волость Нылга-Жикья 13 944 23 55 2256
Кыйлуд волость 5 055 6 17 786
Тошто Венья волость Тошто Венья 11 138 15 25 1681
Завьялов волость Завьялово село 14 377 25 39 2512
Кугу Норья волость Кугу Норья 7 984 16 24 1184
V стан (Агрыз ял)
Агрыз волость Агрыз 5 579 3 3 914
Пурга волость Пурга 6 559 7 25 1071
Буранов волость Бураново села 13 105 14 33 2155
Юрино волость Юрино 9 980 10 28 1811
Киясово волость Киясово село 10 949 8 18 1598
VI стан (Сарапул ола)
Сарапул волость 15 848 15 39 2828
Нечкино волость Нечкино села 6 135 6 18 1108
Гольяны волость Гольяны села 7 750 10 19 1366
Козлово волость Козлово села 8 235 14 22 1331
Мазунино волость Мазунино села 6 709 6 14 1355
VII стан

Уделысе кӱштык-влак

Сарапул уездысе Виче илемын мландыже 5 удел кӱштыклан шелалтын:

  • Галаново
  • Карагӧл
  • Козлово
  • Мостовое
  • Нечкино

Экономике

Уездыште пайдаланаш йӧршӧ мландын 48 % ужашыжым чодыра айлен, пасулык мланде — 43 %, моло мланде (илем, кӱтӱм кӱтымӧ, шудылык вер) — 9 % лийын. Уездыште калык мланде пашам ыштен, тӱҥ шотышто уржам, шыдаҥым, шожым, шӱльым, вистым (полба), йытыным да моло кушкылым ончен куштен. Мландым ӱяҥден саемдыме йӧным кучылтын, шудым ӱден. Тыгак калык йот кундемысе пашалашке коштын (отхожий промысел) да кидпаша дене илен, кӱртньым велыме мастаргудо-влак лийыныт. XX курым тӱҥалтышлан Сарапул уездыште 73 фабрике да завод лийын, нуно 7 000 000 теҥгелан сатум ыштен луктыныт. Кугурак завод илем-влак: Воткинск (22 000 илыше), Ижевск (41 000 илыше).

Палемдымаш

  1. ↑ Демоскоп Weekly. Первая всеобщая перепись населения Российской Империи 1897 г. Наличное население в губерниях, уездах, городах Российской Империи (без Финляндии). Тергыме кече: 25 пургыж 2026. Архивлыме 28 сӱрем 2014 ий.
  2. ↑ 1 2 Сарапул // Малый энциклопедический словарь Брокгауза и Ефрона. — 2-е изд., вновь перераб. и значит. доп. Т. 1-2. — СПб., 1907—1909.
  3. ↑ Сарапуль // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  4. ↑ Демоскоп Weekly — Приложение. Справочник статистических показателей. Тергыме кече: 25 пургыж 2026. Архивлыме 24 вӱдшор 2014 ий.
  5. ↑ Памятная книжка и адрес-календарь Вятской губернии на 1916 год. — Вятка: Издание губернского статистического комитета, 1916.

Литератур

  • «Материалы по статистике Вятской губернии» (т. VII, 2 ч., Сарапульский уезд);
  • Н. Романов, «Краткие очерки уездов Вятской губернии — Слободский, Глазовский, Сарапульский и Елабужский»;
  • Сарапул // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Сарапуль // Малый энциклопедический словарь Брокгауза и Ефрона. — 2-е изд., вновь перераб. и значит. доп. Т. 1-2. — СПб., 1907—1909.
  • Шумилов Е. Н. Сарапул уезд // Башкирская энциклопедия / гл. ред. М. А. Ильгамов. — Уфа : ГАУН «Башкирская энциклопедия», 2015—2020. — ISBN 978-5-88185-306-8.
"https://mhr.ruwiki.ru/w/index.php?title=Сарапул_уезд&oldid=1211769" гыч налме