Рыжов, Иван Тихонович

Иван Тихонович Рыжов
Иван Тихонович Рыжов
Шочмо кече	19 шыжа 1914
Шочмо вер	Черниково села, Малоархангельск уезд, Орлов губерний, Россий империй
Колымо кече	8 вӱдшор 2004 (89 ий)
Колымо вер	Йошкар-Ола, Россий;
Пурымаш	СССР
Войскан родшо	пехото
Службо жап	1938—1945
Званий
Кредалмаш/сар	РККА-н польшо походшо,; Совет-финн сар (1939—1940),; Кугу Ачамланде сар

Иван Тихонович Рыжов (1914—2004) — Пашазе-кресаньык Йошкар Армийын старшинаже, Кугу Ачамланде сарын салтакше, Совет Ушемын Талешкыже (1945).

Илыш-корныжо

Иван Рыжов 1914 ий 19 октябрьыште Черниково селаште шочын (кызыт Орлов область Колпнянск кундем). Тӱҥалтыш школым тунем пытарымек, Уссурийскыште илен да пашам ыштен. 1938–1940 ийлаште Пашазе-Кресаньык Йошкар Армийыште служиен, польшо походышто да совет-финн сарыште лийын. 1941 ийыште Рыжовым кокымшо гана армийыш налыныт. Тудо ий гычак — Кугу Ачамланде сарын фронтыштыжо. Кредалмаште кум гана сусырген^[1].

1944 ий июнь вашеш кугурак сержант Иван Рыжов 2-шо Белорус форонтын 50-ше армийысе 238 стрелок дивизийын 830 стрелок полкын разведкыш йолын коштшо взвод командирын полышкалышыже лийын. Белорус ССР-ысе Могилёв областьшым утарыме годым ойыртемалтын. 1944 ий 27 июньышто Рыжовын взводшо ик эн ончыч Луполово ял кумдыкышто (кызыт Могилев велне) Днепр гоч вончен да, касвел серыште плацдармым сеҥен налаш да тудым арален кодаш кредалмаште чолган шоген. Плацдармыште кредалме годым Рыжов шке разведчик-влак тӱшкаж дене тушманын кумдыкышкыжо керылт пурен да 4 автомашинам, 20 наре салтак дене офицерым пытарымыж дене немыч колонным шалатен. Плацдарме гыч ончыко эртыме годым Рыжов немыч дотым гранате дене шкеак пытарен, а Могилёвым утарышаш верч кредалме годым тушман снайперым пуштын^[1].

И. Т. Рыжовын шӱгарже Йошкар-Оласе Туруново шӱгарлаште

СССР Кӱшыл Совет Президиумын 1945 ий 24 мартысе указше почеш «Днепрым форсироватлыме да Могилёвым утарыме годым патырлыкым да талылыкым ончыктымылан кугурак сержант Иван Рыжовлан Совет Ушемын Талешкыже чаплӱмым пуымо да Ленин орден ден «Шӧртньӧ Шӱдыр» медальым кучыктымо^[1].

Сар пытымек, Рыжов старшина лӱмпале дене демобилизоватлалтын. Онак Джизакыште илен да пашам ыштен гын, вара Йошкар-Олаште. 2004 ий 8 апрельыште колен^[1].

Тыгак Йошкар Тисте, 1-ше да 2-шо степенян Ачамланде сар орден-влак дене суапландаралтын, икмыняр медальже лийын^[1].

Шарныктыш

Совет Ушемын Талешкыже Иван Тихонович Рыжовын илыме пӧртыштӧ (Йошкар-Ола, 158-ше Первомайский урем) мемориал оҥам вераҥдыме

Йошкар-Олаште тудын илыме пӧртыштӧ (Йошкар-Ола, 158-ше Первомайский урем) мемориал оҥам вераҥдыме.

Палемдымаш

↑ ¹ ² ³ ⁴ ⁵ Иван Тихонович Рыжов (руш.). Сайт «Герои страны».

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Воробьёв В. П., Ефимов Н. В. Герои Советского Союза: справ. — СПб., 2010.

[wh-1] ¹ ² ³ ⁴ ⁵ Иван Тихонович Рыжов (руш.). Сайт «Герои страны».

[1]