Рудаков, Прокопий Васильевич

Прокопий Васильевич Рудаков
Прокопий Васильевич Рудаков
Шочмо кече	11 ӱярня 1895
Шочмо вер	Дресвянка[d], Шенкурск уезд[d], Архангельск губерний[d], Россий империй;
Колымо кече	20 сорла 1969 (74 ий)
Колымо вер	Волжск, Марий Автоном Совет Социализм Республик, РСФСР[d], СССР;
Гражданстве	Россий империй → СССР
Паша	партий пашаеҥ, озанлык пашаеҥ
Партий	РКП(б)-КПСС
Тӱҥ идей	коммунизм
Суаптар

Прокóпий Васи́льевич Рудакóв (11 ӱярня 1895, Дресвянка^[d], Шенкурск уезд^[d], Архангельск губерний^[d], Россий империй — 20 сорла 1969, Волжск, Марий Автоном Совет Социализм Республик, РСФСР^[d], СССР) — совет озанлык да партий пашаеҥ. 1919 ий гыч РКП(б)-ын йыжыҥъеҥже. Российысе Граждан сар ден Кугу Ачамланде сар-влакын участникше. Кугу Ачамланде сар жапыште — Марий АССР-ысе Звенигово район Кожласола селаште 3071 №-ан эвакогоспитальын политике шотышто начальникын алмаштышыже, майор. Ленин орденын кавалерже (1967).

Илыш корныжо

1895 ий 11 мартыште кызытсе Архангельск область Вилегодск районысо Середкинский ялысе йорло кресаньык ешеш шочын^[1]^[2].

Руш император армийын унтер-офицерже лийын, 1917 ий гыч — окопыш каяш келшен огыл, тидлан кӧра судыш логалын^[1]^[2].

1918 ий сентябрьыште РККА-ш налыныт. Граждан сарыште (руш.) (мар. йошкарге-влак велыште лийын: комиссар, сар корныжым Петроградыште йошкарармеец семын тӱҥалын, Иркутск марте эртен, Шем теҥыз воктен Врангель ваштареш кредалмаш дене взвод командир лӱмпале дене мучашлен^[1]^[2].

1919 ий гыч РКП(б)-ын йыжыҥъеҥже. 1924 ий гыч — Украин ССР-ыште партий пашаеҥ, озанлыкым вуйлатыше^[1]^[2].

1931 ий гыч — Марий автоном областьыште: Оршанке райком секретарь, 1932 ий гыч — Марий Турек райкомын, 1934 ий гыч — Курыкмарий райкомын икымше секретарьже, 1936—1937 ийлаште — ВКП(б) Юрино райкомын икымше секретарьже^[1]^[2].

1938—1941 ийлаште — Лопатин чодыра комбинатын директоржо: почеш кодшо предприятийым кок ий жапыште «Маритранслес» трестыште ончыл радамыш луктын^[1]^[2].

1941 ийыште РККА-ш уэш налыныт. Кугу Ачамланде сарын участникше: Марий АССР-ын Звенигово районысо Кожласола селаште 3071 №-ан эвакогоспитальын политике йодыш шотышто начальникын алмаштышыже, майор^[3]. 1945 ий августышто армий гыч демобилизоватлалтын^[1]^[2]^[4].

Ленин орден, медаль-влак да Марий АССР Кӱшыл Каҥаш Президиумын Чаптаныкше дене суапландаралтын^[1]^[2].

1969 ий 20 августышто Марий АССР-ысе Волжск олаште илыш дене чеверласен^[1]^[2].

Суаптар-влак

Ленин орден (1967) — совет кучемлан 50 ий темме лӱмеш^[1]^[2];
Марий АССР Кӱшыл Каҥаш Президиумын Чаптаныкше (1941)^[1]^[2].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 369.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Энциклопедия Республики Марий Эл, 2009, с. 682.
↑ Объединение "Отечество" Республики Татарстан (неопр.). otechestvort.ru. Тергыме кече: 22 пургыж 2026.
↑ Рудаков Прокопий Васильевич :: Память народа (неопр.). pamyat-naroda.ru. Тергыме кече: 22 пургыж 2026.

Литератур

Мочаев В. А. Рудаков Прокопий Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 306. — 2032 экз. — ISBN 5-87898-357-0.
Рудаков Прокопий Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 682. — 872 с. — 3505 экз. — ISBN 978-5-94950-049-1.
Мочаев В. А., Яналова Н. А. Рудаков Прокопий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 369. — 606 с. — 1500 экз. — ISBN 978-5-905314-35-3.

[_d8b2c3506f1578c0-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 369.

[_a0e430b7b8abb228-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Энциклопедия Республики Марий Эл, 2009, с. 682.

[3] Объединение "Отечество" Республики Татарстан (неопр.). otechestvort.ru. Тергыме кече: 22 пургыж 2026.

[4] Рудаков Прокопий Васильевич :: Память народа (неопр.). pamyat-naroda.ru. Тергыме кече: 22 пургыж 2026.

[1]

[2]

[3]

[4]