Полянин, Василий Васильевич
| Василий Васильевич Полянин | |||
|---|---|---|---|
 | |||
| Шочмо кече | 1927 ий 4 пургыж | ||
| Шочмо вер | Шишур, У Торъял район, Марий автоном область | ||
| Колымо кече | 1995 ий 28 шорыкйол (67 ий) | ||
| Колымо вер | Йошкар-Ола | ||
| Гражданлык |
 СССР, Россий |
||
| Паша сомыл | Колхоз бригадир | ||
| Награде да премий |
|
||
Василий Васильевич Полянин (шоч. 1927 ий 4 февраль, Марий автоном областьын У Торъял вел Шишур ялыште — 1995 ий 28 январь) — Марий АССР У Торъял вел «Октябрьлан 40 ий» колхозын бригадирже. Социалист Пашан Талешкыже (23.06.1966).
Илыш корныжо
1927 ий 4 февральыште Шишур ялыште марий ешыште шочын. Пектубай районысо Карл Маркс колхозышто имне дене коштшылан пашам ышташ тӱҥалын. Тракторист-влаклан курсым тунем лекмеке, 1946 ий гыч «Октябрьлан 40 ий» колхозышто трактористлан пашам ышташ тӱҥалын. 1960 ийыште механизатор-влакын бригадирыштлан шогалын.
«СК-3» комбайн дене 8 гектарыште палемдыме нормо олмеш кажне кечын 15–20 гектар дене шурным поген. 7-ше вичияшым иктешлыме почеш Полянин Марий республикын эн сай механизаторжо лийын.
1966 ий 23 июньышто шурным погымо шотышто кӱкшӧ сеҥымашке шумыжлан Василий Полянинлан Социалист Пашан Талешкыже чаплӱмым пуымо, Ленин орден ден «Сорла да Чӧгыт» шӧртньӧ медальым кучыктымо.
1985 ий гыч сулен налме канышыш лектын.
Пытартыш ийлаште Йошкар-Олаште илен. 1995 ий 28 январьыште колен.
Суаптарже-влак
- Социалист Пашан Талешкыже (23.06.1966)
- Ленин орден (23.06.1966)
- Марий АССР-ын Кӱшыл Каҥаш Президиумын Чапкагазше (1954, 1955, 1957, 1958, 1987)[1]
Шарныктыш
Тудын лӱмеш поэт А. Мосунов «Самырык коммунист» газетыште одым савыктен (1970)[1].
Палемдымаш
- ↑ 1 2 Мочаев, 2017, с. 349.
Литератур
- Полянин Василий Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 636. — 872 с. — 3505 экз. — ISBN 978-5-94950-049-1.
- Сапаева Р. Г., Мочаев В. А. Полянин Василий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 349. — 606 с. — 1500 экз. — ISBN 978-5-905314-35-3.