Панов, Владимир Михайлович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Панов.
Владимир Михайлович Панов
Панов Владимир Михайлович (Йошкар-Ола).jpg
Шочмо кече 1935 ий 12 пеледыш(1935-06-12)
Шочмо вер РСФСР, Мордва АССР, Темников ола
Колымо кече 2024 ий 25 ӱярня(2024-03-25) (88 ий)
Колымо вер Йошкар-Ола
Гражданлык  СССР
 Россий
Паша сомыл почеламутчо, кусарыше
Награде да премий

«Паша ветеран» медаль
Олык Ипай лӱмеш Марий комсомол премий
Марий Эл Республик Виктерын Чапкагазше (1995), Марий Эл Республик Кугыжаныш Погынын Чапкагазше (2005)

Владимир Михайлович Панов (12 пеледыш 1935, Темников[d], Юлкыдалсе край[d] — 25 ӱярня 2024, Йошкар-Ола) — совет да российысе поэт, кусарыше, журналист, 1964 ий гыч СССР журналист-влак ушемын, 1988 ий гыч СССР серызе-влак ушемын йыжъеҥже. Марий Эл Республик гимнын руш мутшын авторжо (1992). Марий АССР / Марий Эл Республикысе серызе-влак ушемын сылнымут консультантше (1974—1995). Марий Эл Республик тӱвыран сулло пашаеҥже (2016). Марий комсомолын Олык Ипай лӱмеш премийжын лауреатше (1982). КПСС йыжъеҥ.

Илыш корно

1935 ий 12 пеледышыште Мордовийын кызытсе Темников олаштыже служышо-влакын ешыштышт шочын. 1953 ийыште кыдалаш школым, 1955 ийыште — Темниковысо туныктышо институтын филологий факультетшым тунем пытарен. Тудо ийыштак Алтай крайыш туныктышылан колталтын[1].

1955—1958 ийлаште Тихий океанысе флотышто матрослан служитлен[1].

Флот деч вара Бакушто, Угарманыште да Мордовийыште пашам ыштен[1].

1961 ийыште Йошкар-Олаш куснен, тыште МВД органлаште служиен, республикысе да шуко тиражан газет-влакын корреспондентше лийын[1].

1974—1995 ийлаште, пенсийыш лекмешкыже, марий серызе-влак ушемын сылнымут консультантшылан пашам ыштен, руш поэзий секцийым вуйлатен[1].

Йошкар-Олаште илен. 2024 ий 25 ӱярняште колен.

Сылнымут пашаже

Почеламутым икымше гана 1953 ий гыч савыктен. Тудын почеламутшо-влак Марий АССР-ысе газет-влакын лаштыклаштышт чӱчкыдын савыкталтыныт, «Откровение», «К вам идут стихи» да моло тӱшка сборниклашке пурталтыныт[1].

1969 ий гыч посна поэзий книга-влакым лукташ тӱҥалын. Чылажге поэтын 12 почеламут сборникше лектын. Тыгак тудо икмыняр поэмым возен, нунын коклаште «Ӱшанле улмаш», «Атаманша Алёна», «Мланде кумыл» да молат[1].

1964 ийыште СССР журналист-влак ушемыш, 1988 ийыште ― СССР серызе-влак ушемыш пурен. Марий серызе-влак ушемын сылнымут консультантше лиймыж годым «Дружба» альманахым савыкташ темлен да чумырышыжо лийын (1975—1985)[1]. Марий Эл Республикысе серызе-влакын тӱшка сборникыштым чумырен, мутлан, «Русское слово Марий Эл» / «Марий Элын руш мутшо»[2][3].

Кусарыше семынат палыме: руш йылмыш В. Бояринован «Кӱдыроҥгыр эл», А. Селинын «Дальние вёрсты» почеламут сборникыштым, И. Горныйын, Г. Матюковскийын, В. Колумбын, А. Богдановын да моло марий поэт-влакын почеламутшыштым кусарен. Тунамак тудын почеламутшо-влак украин, мордва, чуваш, татар да марий йылмылашке кусаралтыныт, «Марий коммуна» газетыште, «Ончыко» журналыште савыкталтыныт[1].

Тудын «Юзо Элнет» пьесыже Республикысе курчак театрыште рушла да Марий Эл Республикын калык серызеже В. Абукаев-Эмгакын кусарымыж дене — марла шындалтын[1].

1991 ийыште Марий Эл Республик гимнын руш текстшын авторжо лийын (марла — Д. Исламовын)[4][5].

1982 ийыште «Радостный полдень» почеламут ден поэме книгажлан Марий комсомолын Олык Ипай лӱмеш премийже дене палемдалтын. 2016 ийыште тудлан «Марий Эл Республик тӱвыран сулло пашаеҥже» чаплӱмым пуымо[6]. Тыгак «Пашан ветеранже» медаль, Марий Эл Республикын Чаптаныкше дене палемдалтын[1].

Тӱҥ произведенийже-влак

Умбакыже В. Пановын тӱҥ произведенийже-влак лӱмер ончыкталтеш[1][7][8][9]:

  • Небо в пригоршнях: стихи. — Йошкар-Ола, 1969. — 88 с.
  • Высота: стихи, поэма. — Йошкар-Ола, 1976. — 96 с.
  • Мальчишки нашего двора: стихи для детей младшего школьного возраста. — Йошкар-Ола, 1978. — 32 с.
  • Радостный полдень: стихи, поэма. — Йошкар-Ола, 1981. — 96 с.
  • Мы плывём в Ленинград: стихи для младшего школьного возраста. —Йошкар-Ола, 1982. — 32 с.
  • Струны сердца: стихи, поэма. — Йошкар-Ола, 1985. — 96 с.
  • Родники: стихи, поэмы, переводы. — Йошкар-Ола, 1994. — 160 с.
  • Предосенье; Всё как есть…; Пожелания; Ожидание; Ступени: стихи // Русское слово Марий Эл / сост. В. М. Панов. — Йошкар-Ола, 2004. — С. 179—183.
  • Последняя встреча: стихи, поэмы, пьеса, переводы, проза. — Йошкар-Ола: Марийское книжное издательство, 2010. — 271 с.
  • Штрихи жизни: поэмы, стихи. — Йошкар-Ола: Издательский дом «Марийское книжное издательство», 2020. — 95 с.

Кусарыме произведенийже-влак

В. Пановын кусарыме произведений-влак лӱмер[1]:

  • Стихи // Голоса молодых / перевод с марийского. — Йошкар-Ола, 1973. — С. 23—34.
  • Цыганка; Старая церковь; Пастух Петров; Королева; Зрелость: стихи // Середина земли родной. — М., 1987. — С. 303—312.
  • Братство песенных сердец: стихи марийских поэтов и поэтов братских республик. — Йошкар-Ола, 1990. — 160 с.

Чаплӱм

  • Марий Эл Республик тӱвыран сулло пашаеҥже (2016)[6];
  • Марий комсомолын Олык Ипай лӱмеш премийже (1982)[1];
  • «Пашан ветеранже» медаль[1];
  • «Владимир Ильич Ленинлан 100 ий темме лӱмеш пашаште чолгалыклан» медаль;
  • Марий Эл Республикын Чаптаныкше (1995)[1];
  • Марий Эл Республик Кугыжаныш Погынын Чаптаныкше (2005)[1].

Палемдымаш

  1. ↑ 1 2 3 4 5 6 7 8 9 10 11 12 13 14 15 16 17 Владимир Панов — Mari-Lab. mari-lab.ru. Тергыме кече: 22 сорла 2022.
  2. ↑ «Русское слово Марий Эл».
  3. ↑ Русское слово Марий Эл произведения рус. писателей Мар. края - Панов Владимир Михайлович. — 2004. — ISBN 978-5-7590-0904-7.
  4. ↑ Гимн Республики Марий Эл.
  5. ↑ Государственный гимн Республики Марий Эл » Mari-el.name - Марий Эл увер, статьи, город Йошкар-Ола, марийские шрифты. mari-el.name. Тергыме кече: 22 сорла 2022.
  6. ↑ 1 2 Мочаев, 2017, с. 328.
  7. ↑ Владимир Михайлович Панов. Последняя встреча: стихи, поэмы, пьеса, переводы, проза. — Йошкар-Ола: Марийское кн. изд-во, 2010. — 271 с. — ISBN 978-5-7590-1034-0.
  8. ↑ В. Панов. Штрихи жизни - Марийское книжное издательство. maribook12.ru. Тергыме кече: 22 сорла 2022.
  9. ↑ Владимир Панов "Последняя встреча" » Марийское Книжное Издательство, Йошкар-Ола, Марий Эл. maribook.ru. Тергыме кече: 22 сорла 2022.

Литератур

  • Поэзийын таҥже // Ончыко. ― 1985. ― № 4. ― С. 101—103.
  • Беспалова Г. Е., Васин К. К., Зайниев Г. З. В. Панов // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 221—223. — 376 с. — 5000 экз.
  • Брагилевская Е. Струны сердца // Лауреаты премии марийского комсомола имени Олыка Ипая. — Йошкар-Ола, 1990. — С. 4—14.
  • Панов В. Не жалея отзвеневших лет // Марийская правда. ― 1995. ― 10 июня.
  • Поэт Владимир Пановлан — 70 ий // Ончыко. ― 2005. ― № 6. ― С. 96—99.
  • Панов Владимир Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 273. — 2032 экз. — ISBN 5-87898-357-0.
  • Владимир Панов // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 480—481. — 752 с. — 3000 экз. — ISBN 978-5-7590-0966-5.
  • Зайниев Г. З., Мочаев В. А. Панов Владимир Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 328. — 606 с. — 1500 экз. — ISBN 978-5-905314-35-3.
  • Панов Владимир Михайлович // Писатели Марий Эл: биобиблиографический справочник / Сост. Г. Сабанцев, Ю. Соловьёв и др. — Йошкар-Ола: Марийское книжное издательство, 2020. — С. 267—269. — 423 с. — 1000 экз. — ISBN 978-5-7590-1285-6.

Кылвер-влак

"https://mhr.ruwiki.ru/w/index.php?title=Панов,_Владимир_Михайлович&oldid=1233154" гыч налме