Мусинский, Альберт Эдуардович
| Альберт Эдуардович Мусинский | |
|---|---|
 | |
| Тӱҥ увер | |
| Тичмаш лӱм | |
| Шочмо кече | 1 шорыкйол 1957 (69 ий) |
| Шочмо вер | |
| Эл | |
| Профессий | кларнетист, саксофонист |
| Ыштыме жап | 1980 ий гыч — кызытсе жап марте |
| Семӱзгар | кларнет, саксофон |
| Жанр | классике сем, эстраде сем, джаз |
| Коллектив | «Орбита» эстраде оркестр, «Тайм-блюз» джаз-квинтет |
| Награде |
Марий Эл Республикын калык артистше (2006) Марий Эл Республикын сулло артистше (1999) |
Альбе́рт Эдуа́рдович Муси́нский (шоч. 1 шорыкйол 1957, Карши[d]) — совет да российысе музыкант, саксофоным, кларнетым шоктышо. Э. Сапаев лӱмеш Марий опер да балет театрын симфоний оркестрын артист-концертмейстерже (1980 ий гыч). Марий Эл Республикын калык артистше (2006).
Илыш корныжо
1957 ий 1 январьыште Узбекистанысе Кашкадарьин кундем Карши олаште сарзыеҥын ешыштыже шочын[1][2][3].
1976 ийыште И. С. Палантай лӱмеш Йошкар-Оласе сем училищым, 1981 ийыште — Озаҥысе кугыжаныш консерваторийым (профессор А. Г. Гильфановын кларнет классше) тунем пытарен[1][2]. Озаҥысе консерваторийыште тунеммыж годым Татар кугыжаныш опер да балет театрын оркестрыштыже шоктен[3][4].
Йошкар-Оласе музык училищыште, йоча музык школышто, Йошкар-Оласе 1-ше номеран музык-сылнысӱрет интернат-школышто, И. С. Палантай лӱмеш Марий тӱвыра да сымыктыш колледжыште туныктен[1][2][3].
1980 ий гыч — Э. Сапаев лӱмеш Марий опер да балет театрын симфоний оркестрыштыже артист-концертмейстер[1][2][3][4].
1999 ийыште тудлан «Марий Эл Республикын сулло артистше», а 2006 ийыште — «Марий Эл Республикын калык артистше» чаплӱмым пуэныт[1][2]. Калык-влак кокласе да пӱтынь Российысе музык конкурс-влакын дипломжым, чаптанык ден таумутым сулен[3].
Кызыт Йошкар-Олаште ила да пашам ышта[3][5].
Сем пашаже
Э. Сапаев лӱмеш Марий опер да балет театрыште марий профессионал семым чапландарыше оркестрын артистше (кларнет)[4], духовой семӱзгар-влак театр квинтет дене шоктышыжо (В. Яшмолкин — флейте, В. Бердинский — гобой, Ю. Дмитриев — фагот, В. Грачёв — валторна)[3].
Классике сем деч посна джазымат шокта. «Орбита» эстраде оркестрын солистше, а 1985 ий гыч — «Тайм-блюз» джаз-квинтетын алмашташ лийдыме шоктызыжо[3][6].
Российын олалаштыже да йот эллаште гастроль дене лийын: [[Венгрий|Венгрийыште (1983), Германийыште (1999, джаз-квартет дене), Катарыште (2007), Великобританийыште (2018)[3].
Лу дене музыкантым ямдылен, нуно Российын тӱрлӧ театрыштыже пашам ыштат[3].
Пагалымаш
- Марий Эл Республикын калык артистше (2006)[1][2][7];
- Марий Эл Республикын сулло артистше (1999)[1][2];
- Марий Эл Республик Вуйлатышын таумутшо (2018)[3];
- Марий Эл Республик Кугыжаныш Погынын таумутшо (2012)[3].
Палемдымаш
- ↑ 1 2 3 4 5 6 7 Мочаев, 2017, с. 298.
- ↑ 1 2 3 4 5 6 7 Энциклопедия Республики Марий Эл, 2009, с. 562.
- ↑ 1 2 3 4 5 6 7 8 9 10 11 12 Марийский государственный академический театр оперы и балета им. Эрика Сапаева. operaballet.net. Тергыме кече: 16 ага 2024. Архивлыме 12 идым 2025 ий.
- ↑ 1 2 3 «Энциклопедия кларнета». maistre1.narod.ru. Тергыме кече: 12 идым 2025. Архивлыме 16 ага 2024 ий.
- ↑ В Йошкар-Оле состоится юбилейный концерт Альберта Мусинского «От классики до джаза…» www.marpravda.ru. Тергыме кече: 12 идым 2025. Архивлыме 16 ага 2024 ий.
- ↑ Вместе с виртуозом Альбертом Мусинским на сцене в Йошкар-Оле выступили дети и внуки юбиляра (ВИДЕО). www.marpravda.ru. Тергыме кече: 12 идым 2025. Архивлыме 16 ага 2024 ий.
- ↑ Паспорт культурной жизни. dereksiz.org. Тергыме кече: 12 идым 2025. Архивлыме 16 ага 2024 ий.
Литератур
- Артищева Р. В. Мусинский Альберт Эдуардович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 247. — 2032 экз. — ISBN 5-87898-357-0.
- Мусинский Альберт Эдуардович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 562. — 872 с. — 3505 экз. — ISBN 978-5-94950-049-1.
- Артищева Р. В. Мусинский Альберт Эдуардович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 298. — 606 с. — 1500 экз. — ISBN 978-5-905314-35-3.
- Мусинский Альберт Эдуардович // Энциклопедия театров Марий Эл: иллюстрированное научно-популярное издание. ― Йошкар-Ола, 2019. — С. 173. — ISBN 978-5-6043759-4-5.