Матюшев, Василий Александрович

РУВИКИ — эрыкан энциклопедий гыч материал
Василий Александрович Матюшев
Матюшев, Василий Александрович.jpg
Шочмо кече 7 шыжа 1940(1940-10-07)
Шочмо вер
Колымо кече 16 ӱярня 2006(2006-03-16) (65 ий)
Колымо вер
Гражданлык  СССР →  Россий
Паша сомыл журналист, мер-политик пашаеҥ, депутат
Награде да премий

Honored Worker of Culture of the Russian Federation.png

Василий Александрович Матюшев (7 шыжа 1940, Эҥерӱмбал (Юлсер кундем), Марий Автоном Совет Социализм Республик — 16 ӱярня 2006, Йошкар-Ола) — марий совет да россий журналист, мер-политик пашаеҥ. Марий АССР Кӱшыл Каҥаш Председательын алмаштышыже, КПСС Марий обкомын йыжъеҥже (1988—1990). «Марий коммуна» / «Марий Эл» республикысе газетын тӱҥ редакторжо (1987—1999), Марий радион директоржо (1999—2001). Россий Федераций тӱвыран сулло пашаеҥже (1999). 1977 ий гыч КПСС йыжъеҥ.

Илыш корно

1940 ий 7 октябрьыште кызытсе Марий Элын Юлсер вел Эҥерӱмбал ялысе кресаньык ешеш шочын[1][2].

1972 ийыште Озаҥысе кугыжаныш университетым  (руш.) (мар. «Журналистике» специальность дене тунем пытарен[1][2].

1965 ий марте колхозник лийын, Марий целлюлоз-кагаз комбинатыште пашам ыштен, ялысе книгагудым вуйлатен, шийвундо финанс инспекторлан тыршен, шочмо районысо ТЭЦ-ыште пашазе лийын[1][2].

Вара журналист пашашке куснен: 1965—1969 ийлаште — «Волжская правда» район газетын кусарышыже, пӧлка вуйлатышыже. 1969—1984 ийлаште — «Марий коммуна» республикысе газетын сылнымут пашаеҥже, пӧлка вуйлатышыже. 1984—1987 ийлаште — марий Гостелерадио председательын алмаштышыже. 1987—1999 ийлаште — «Марий коммуна» / «Марий Эл» республикысе газетын тӱҥ редакторжо, Марий АССР журналист-влак ушем  (руш.) (мар. председательын алмаштышыже; 1999—2001 ийлаште — Марий радион директоржо[1][2].

Мер-политик паша дене илен: 1985—1990 ийлаште — Марий АССР Кӱшыл Каҥашын  (руш.) (мар. XI созывысе депутатше (1988—1990 ийлаште — председательын алмаштышыже)[3], 1930-шо ийлаште да 1950-ше ийла тӱҥалтыште Марий республикыште амал деч посна титаклалтше-влак шотышто чыным пӧртылтымӧ йодышым ончышо Комиссийын председательже[4]. 1977 ий гыч КПСС йыжъеҥ, 1988—1990 ийлаште КПСС Марий обкомын йыжъеҥже лийын[1][2].

1994 ийыште тудлан «Марий Эл Республик тӱвыран сулло пашаеҥже» чаплӱмым пуымо, 1999 ийыште — «Россий Федераций тӱвыран сулло пашаеҥже» лӱмым[5]. Марий АССР Кӱшыл Каҥаш Президиумын Чапкагазше палемдалтын[1][2].

2006 ий 16 мартыште Йошкар-Олаште колен[1][2].

Чаплӱм да суаптар-влак

  • Россий Федераций тӱвыран сулло пашаеҥже (02.08.1999) — тӱвыра да печать аланыште суапшылан, калык-влак кокласе келшымашым да вашкылым пеҥгыдемдымашке кугу надырлан, шуко ияш саскан пашалан[5].
  • Марий Эл Республик тӱвыран сулло пашаеҥже (1994)[1][2]
  • Марий АССР Кӱшыл Каҥаш Президиумын Чаптаныкше (1988)[1][2]

Шарнымаш

  • Журналист, РФ тӱвыран сулло пашаеҥже В. А. Матюшевлан шарнымаш оҥа (Марий Эл, Юлсер вел, Карай школ)

2021 ий майыште Марий Элысе Юлсер вел Карай кыдалаш школышто журналист, ты кундемын эргыже В. А. Матюшевым шарныме лӱмеш оҥам почмо[6].

  • Марий Элын Юлсер велыштыже кундемын шочшыжо, журналист да мер-политик пашаеҥ В. А. Матюшевым шарныме лӱмеш вашлиймаш-влак эртаралтыт[7].

Палемдымаш

  1. ↑ 1 2 3 4 5 6 7 8 9 Мочаев, 2007, с. 231.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 530.
  3. ↑ Депутаты Верховного Совета Марийской АССР XI созыва: 1985-1990 годы. Официальный сайт Госсобрания Республики Марий Эл. Тергыме кече: 29 идым 2025.
  4. ↑ Листая страницы истории. К 100-летию Республики Марий Эл. news.myseldon.com (6 шыжа 2020). Тергыме кече: 29 идым 2025.
  5. ↑ 1 2 Матюшев Василий Александрович – Награды России, 1999-08-02. ru.nagrady.by. Тергыме кече: 29 идым 2025.
  6. ↑ Кечышот. 7 октябрь (шыжа) — Кидшер. kidsher.ru. Тергыме кече: 29 идым 2025.
  7. ↑ газет; Иманаев, Эдуард Паша айдемым чапландарен (руш.). Кугарня (9 шыжа 2020). Тергыме кече: 29 идым 2025.

Литератур

  • Мочаев В. А. Матюшев Василий Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 231. — 2032 экз. — ISBN 5-87898-357-0.
  • Матюшев Василий Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 530. — 872 с. — 3505 экз. — ISBN 978-5-94950-049-1.
  • Рыбакова Т. Л., Зайниев Г. З., Мочаев В. А. Матюшев Василий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 276. — 606 с. — 1500 экз. — ISBN 978-5-905314-35-3.
  • Николаева Л. Память о земляке жива // Волжские вести. — 2020. — 15 октября (№ 41). — С. 4.
  • Семёнова Л. Лумет возалте шарныктыш онаш // Марий Эл. — 2021. — 25 май. — С. 3.
  • Николаева Л. Энерумбал эргылан — шарныктыш она // Волжские вести. — 2021. — 27 май (№ 21). — С. 7.
  • Терентьева Э. Лумжым шарнен илаш манын // Кугарня. — 2021. — 28 май (№ 22). — С. 3.

Кылвер-влак

"https://mhr.ruwiki.ru/w/index.php?title=Матюшев,_Василий_Александрович&oldid=1233220" гыч налме