Маракулин, Дмитрий Фёдорович
| Дмитрий Фёдорович Маракулин | |
|---|---|
 | |
| Шочмо кече | 21 идым 1904 |
| Шочмо вер | |
| Колымо кече | 14 шорыкйол 1986 (81 ий) |
| Колымо вер |
|
| Гражданлык |
 СССР |
| Подданстве |
 Россий империй |
| Паша сомыл | партий пашаеҥ, журналист, редактор, педагог |
| Награде да премий |
|
Дми́трий Фёдорович Мараку́лин (21 идым 1904, Казаково[d] — 14 шорыкйол 1986, Йошкар-Ола) — совет партий да администраций вуйлатыше, журналист, редактор, педагог. Марий АССР Кӱшыл Каҥаш Президиум председательын алмаштышыже, секретарьже (1950—1952, 1960—1967), МАССР Калык Комиссар-влак Каҥаш председательын алмаштышыже (1945—1947), МАССР туныктыш министр (1947—1950), ВКП(б)-ын Йошкар-Оласе комитетын 1-ше секретарьже (1942). «Марийская правда» газетын тӱҥ редакторжо (1939—1942, 1952—1960). ВКП(б)-ын йыжыҥъеҥже.
Илыш корныжо
1904 ий 21 сентябрьыште кызытсе Киров область Медяны вел Казаково ялеш шочын[1]. 1927 ийыште Виче педагогике институтым тунем пытарен.
1932 ий гыч Марий автоном областьыште: 1939 ий марте — Курыкмарий совпартшколын туныктышыжо, ВКП(б) РК пелен Тӱшкан заочный туныктыш институтын Горькийысе пӧлкажын инструктор-пропагандистше, ВКП(б) Марий обкомын инструкторжо, Йошкар-Олаште кундемысе партий курсын вуйлатышыже, Йошкар-Оласе ВКП(б) райкомын секретарьже, ВКП(б) обкомын школ пӧлкажым вуйлатыше[2].
1939—1942 ийлаште «Марийская правда» газетын ответственный редакторжо лийын, 1942 ийыште Йошкар-Оласе ВКП(б) ола комитетын икымше секретарьжылан сайлалтын. 1945 ий марте ВКП(б) Марий обкомын школысо агитаций да пропаганде пӧлка вуйлатышын алмаштышыжлан ыштен. 1945—1947 ийлаште Марий АССР Калык Комиссар-влак Каҥаш Председательын алмаштышыже, 1947—1950 ийлаште — республикысе туныктыш министр, 1952 гыч 1960 ийла марте — «Марийская правда» газетын тӱҥ редакторжо, 1960—1967 ийлаште Марий АССР-ысе Кӱшыл Каҥаш Президиумын секретарьже лийын[2].
1938—1967 ийлаште — Марий АССР-ысе Кӱшыл Каҥашын депутатше (6 созыв). Сулен налме канышыш лекмеке, РСФСР Педагогике обществын Марий пӧлкан секретарьжылан тыршен.
1986 ий 14 январьыште Йошкар-Олаште колен[2].
Чаплӱм да суаптар-влак
- Йошкар Шӱдыр орден (1946)[2];
- «Чап Тамга» орден (1951)[2];
- «1941—1945 ийласе Кугу Ачамланде сарыште чапле пашалан» медаль;
- «Чапле пашалан. Владимир Ильич Ленинын шочмыжлан 100 ий темме лӱмеш» медаль;
- Марий АССР Кӱшыл Каҥаш Президиумын Чаптаныкше (1954, 1957, 1964)[2].
Палемдымаш
- ↑ Казаково | Родная Вятка. rodnaya-vyatka.ru. Тергыме кече: 23 сорла 2025. Архивлыме 7 сорла 2021 ий.
- ↑ 1 2 3 4 5 6 Мочаев, 2017, с. 271.
Литератур
- Маракулин Дмитрий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 227. — 2032 экз. — ISBN 5-87898-357-0.
- Двинянинов А. В., Мочаев В. А. Маракулин Дмитрий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 271. — 606 с. — 1500 экз. — ISBN 978-5-905314-35-3.
Кылвер-влак
- Идым тылзын 21 кечынже шочшо-влак
- 1904 ийыште шочшо-влак
- Российыште шочшо-влак
- Шорыкйол тылзын 14 кечынже колышо-влак
- 1986 ийыште колышо-влак
- Йошкар-Олаште колышо-влак
- «Почёт пале» орден дене суапландаралтше-влак
- Йошкар Шӱдыр орден дене суапландаралтше-влак
- «1941–1945 ийласе Кугу Ачамланде сарыште чолга пашалан» медаль дене суапландаралтше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- Алфавит почеш персоналий-влак