Кутузов, Сергей Иванович

РУВИКИ — эрыкан энциклопедий гыч материал
Сергей Иванович Кутузов
Кутузов, Сергей Иванович.jpg
Шочмо кече 13 пеледыш 1882(1882-06-13)
Шочмо вер Никоново, Таруса уезд, Калуга губерний, Россий империй
Колымо кече 1 ага 1976(1976-05-01) (93 ий)
Колымо вер Санкт-Петербург
Гражданстве  Россий империй →  СССР
Паша кугыжаныш пашаеҥ
Шинчымаш кӱшыл
Верам кучымаш уке
Партий ВКП(б)
Тӱҥ идей коммунизм
Суаптар Ленин орден Орден Трудового Красного Знамени Медаль «За оборону Ленинграда»

Серге́й Ивáнович Кутýзов (13 пеледыш 1882, Никоново[d], Таруса уезд[d], Калужский губерний[d], Россий империй — 1 ага 1976, Ленинград, РСФСР[d], СССР) — совет кугыжаныш да партий пашаеҥ. Марий кундемысе ВКП(б) комитетын икымше секретарьже (1929—1930). 1906 ий гыч РСДРП йыжъеҥже. Кугу Ачамланде сарын салтакше.

Илыш корно

1882 ийыште кызытсе Калуга кундемын Жуков районысо Никоново ялыште пекарьын ешыштыже шочын. 1896 ийыште, шочмо ялысе черке-приход школым тунем пытарымеке, Петроградыште чеканщик-ювелирлан пашам ыштен[1][2].

1906 ийыште РСДРП-ш пурен. 1914—1917 ийлаште Киевыште илен: чеканщик, 1916 ий гыч — салтак, 3-шо авиаполкысо салтак комитет председательын алмаштышыже. 1917—1920 ийлаште Угарман РКП(б) горкомын муткучышо секретарьже лийын. 1920—1921 ийлаште Луганск губерний исполком Президиумын йыжъеҥже. 1921 ий гыч Угарман губернийыште?!: Губерний профкаҥаш вуйверын йыжъеҥже, паша пӧлкам вуйлатыше, 1927—1929 ийлаште — Выкса уездысе ВКП(б) комитетын муткучышо секретарьже. 1927 ийыште Москосо Коммунист академий  (руш.) (мар. пелен марксизм-ленинизм курсым тунем пытарен[1][2].

1929—1930 ийлаште — ВКП(б) Марий обкомын муткучышо (икымше) секретарьже[1][2].

1930 ий гыч уэш Угарман олаште: Совнархоз Вуйверын йыжъеҥже, 1931—1932 ийлаште — тӱҥ арбитр. 1932 ий гыч Ленинградысе озанлык тӧнеж-влакым вуйлатыме пашаште лийын[1][2].

1941 ий сӱрем тылзын РККА-ш налме. Кугу Ачамланде сарын салтакше: Ленинград фронтысо  (руш.) (мар. Фрунзе лӱмеш калык кумылтолкын дивизийын 1-ше лӱйкалыше полкын салтакше, инструктор-агитатор. 1941 ий идым тылзын сусырген, 1944 ий пургыж тылзын комиссоватлыме. Шапашын командирже, интендант службо капитан марте шуын[1][2].

1945 ий пургыж тылзын В. И. Мухина лӱмеш Кӱшыл сылнысымыктыш-йӧнозанлык училищын кугурак туныктышыжо лийын. 1949 ийыште титаклыме, 1954 ий марте Челябинск кундемысе Верхнеуральскыште петырыме верыште лийын. Ленинградыш пӧртылмӧ деч вара, 1962 ий марте, В. И. Мухина лӱмеш училищыште кугурак мастарлан пашам ыштен[1][2].

1976 ий майыште Санкт-Петербургышто колен[1][2].

Суаптар

Палемдымаш

  1. ↑ 1 2 3 4 5 6 7 Мочаев, 2007, с. 206.
  2. ↑ 1 2 3 4 5 6 7 Энциклопедия Республики Марий Эл, 2009, с. 474.

Литератур

  • Кутузов Сергей Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 206. — 2032 экз. — ISBN 5-87898-357-0.
  • Кутузов Сергей Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 474. — 872 с. — 3505 экз. — ISBN 978-5-94950-049-1.
  • Опарина Т. Т. Кутузов Сергей Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 243—244. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Кутузов,_Сергей_Иванович&oldid=1234345" гыч налме