Колла, Виктор Эдуардович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Колла.
Виктор Эдуардович Колла
Колла, Виктор Эдуардович.png
Шочмо кече 1925 ий 25 идым(1925-09-25)
Шочмо вер
Колымо кече 2020 ий 12 идым(2020-09-12) (94 ий)
Колымо вер Торонто, Канада
Шанче алан фармакологий[d], фармакогнозий[d] да химий
Паша вер
Образований
Шанче степень биологий шанче доктор[d]
Шанче званий профессор
Награде ден премий-влак
II степенян Ачамланде сар орден «Почёт пале» орден «Сарзылык суаплан» медаль
Россий Федераций шанчын сулло пашаеҥже
Логотип РУВИКИ.Медиа РУВИКИ.Медиаште медиафайл-влак

Виктор Эдуардович Колла (25 сентябрь 1925, Пермь, СССР — 12 сентябрь 2020[1], Торонто, Канаде) — совет ден россий шанчызе-фармаколог, химик, биологий шанче доктор, ПГУ-ын Пӱртӱсым шымлыше (естественнонаучный) институтшым вуйлатыше (1962—1967), Пермь кугыжаныш университетын тунемме паша шотышто проректоржо (1966—1983), Марий кугыжаныш университетым почшо, икымше ректор (1971—1983), Россий Федерацийын сулло пашаеҥже(1997). Кугу Ачамланде сарын салтакше[2], Марий АССР Кӱшыл Каҥашын депутатше, Тынысым аралыше совет комитетын йыжъеҥже, Экологий да илыш-паша лӱдыкшыдымылык шотышто шанче академийын чынле йыжъеҥже.

Илыш корныжо

1941 ийыште Молотов олаште (Пермь кундем) 17 №-ан шымияш школым тунем лекмеке[3], фармацевт училищыш тунемаш пурен да сар жапысе кӱчыкемдыме программе почеш кок курсым ик ийыште тунем лектын. 1942 ийыште Фармацевт институтыш пурен; тушто ик семестрым тунемын.

1943 ий февральыште Йошкар армий радамыш налыныт, Молотовысо сар-медицине училищыш тунемаш колтеныт, 1944 ийыште визытан дене тунем лектын. 3-шо Украин фронтыш стрелок-влак полкыш кугурак фельдшер олмыш колталтын. 1947 ийыште демобилизоватлалтын, умбакыже тунемын.

1950 ийыште Молотовысо фармацевт институтым визытан дене, вара — Пермь медицине институт пеленысе аспирантурым тунем пытарен. 1954 ийыште, биологий шанче кандидат степеньым налаш, «Пирамидонын, фанадонын, изофенадонын аналгетике куатшым таҥастарен аклымаш» / «Сравнительная оценка аналгетического действия пирамидона, анальгина, фенадона и изофенадона» диссертацийым арален.

1953—1959 ийлаште Пермь фармацевт институтышто фармакологий курсым лудын[4], вара фармакогнозий кафедрым вуйлатен (1959—1961)[5], тыште тудын вуйлатыме да вӱден шогымо пашаж почеш фитохимий анализын йӧнжӧ-влак илышыш шыҥдаралтыныт[6].

1961 ий гыч Пермь университетыште директорын алмаштышыже олмышто, а вара Пӱртӱсым шымлыше (Естественнонаучный) институт директор лийын. Тудо у органике кылын биологий чолгалыкыштым шымлыше лабораторийым почмо[7] да тудын шанче пашажым виктарен колтымо дене кугу пагалымашым сулен, тыште дизамещатлыме гликолевый кислота-влакын арилгидразид да пиразолон-влак радамын биологий чолгалыкышт шотышто келге шымлымашым эртареныт.

1966 ий гыч 1971 ий марте — Пермь университетын тунемме паша шотышто проректоржо, ты жапыштак биологий чолга вещества-влакым шымлыше лабораторий пашаеҥ-влакын пашаштым виктара. 1971 ийыште «Дизамещатлыме гликолев кислота-влакын химий кышкарышт деч шогышо нейротроп чолгалыкышт нерген» / «О нейротропной активности арилгидразидов дизамещенных гликолевых кислот в зависимости от их химического строения» доктор диссертацийым сайын арален, биологий шанче доктор лийын.

1971 ийыште Марий республикыште (Йошкар-Ола) икымше университетым почшо семын шкенжым ончыктен, Марий кугыжаныш университетым вуйлатен, тудо 12 ий (1971—1983) ректорлан пашам ыштен[8]. В. Э. Колла икмыняр факультетым почын, технике-пого негызым чумырен, книгагудым, зоологий тоштерым почын. Марий университетыште пашам ыштымыж годым тудын вуйлатымыж почеш икмыняр шымлыше лабораторийым почмо, тидын шотыштак регенрацийын фармакологий регуляцийже йодышым рашемдыше лабораторий шочын, университетыште регенераций йодыш дене самырык шанчызе-влаклан пӱтынь ушемысе школ-влакым эртарыме.

1983 ийыште В. Э. Колла Пермьысе фармацевт институтыш пӧртылын. С 1984—1998 ийлаште фармакологий кафедрым вуйлатышылан пашам ыштен[4][9], вара ту кафедрынак профессоржо лийын. В. Э. Колла чыла паша олмыштыжат ушан да вузысо пашам моштен виктарыше вуйлатыше семын шкенжым ончыктен, вуйлатыме пашам шымлыме паша дене иктӧр вӱден моштен[10].

В. Э. Колла

Тудын вуйлатымыж почеш калык медицинын у химий вашкылже ден кушкыл-влакын биологий чолгалыкыштым тунемме паша шукталтын. Тудын дене пырля пуалме (воспалений) ваштареш у эмым (йӧным) кычалме шымлымаш паша-влак эртаралтыныт, шӧн шупшыштмо ваштареш да психотроп чолгалыкан шаланчык (вещество) вашкылдалтмыштым сайын шымленыт. В. Э. Колла роемсашудо гыч (колючник) химий йӧн дене лукмо шаланчыкым (экстракт), писте пеледышым нӧштыл коштен, пырчыш савырыме пашан ик авторжо, тудын лӱмжӧ — шуко тӱрло эмым шонен муын ыштен лукмаште, кудышт але мартеат кучылталт шымлалтыт, мутлан анилокаин, толузид, глипрофен, селептин, морфолид да молат. Фармакадемийыште шанче школым почшо ик еҥ семын палыме[11].

1961 ий гыч диссертацийым аралыме шотышто лӱмын ыштыме каҥашын йыжъеҥже лийын. Тудын вуйлатымыж почеш ныл докторлык да 29 кандидатлык диссертаций пашам ямдылыме да аралыме[12].

2002 ий октябрь гыч 2004 ий май марте Россий шанче академийын Уралысе технике химий институтыштыжо шанче пашаеҥ олмышто пашам ыштен.

В. Э. Коллан шымлыме пашаж негызеш 16 шанче книгам, 6 монографийым савыктыме, шонен мумо пашажлан 43 автор свидетельствым, 7 патентым налме да 400 утла пашам савыктыме.

Пытартыш ийлаште Торонтышто илен[13]. 2020 ий 12 сентябрьыште колен[1].

Мер паша

  • В. Э. Колла Пермьысе КПСС обкомын йыжъеҥже лийын (1958—1959)[14].
  • Марий АССР Кӱшыл Каҥашын депутатшылан сайлалтын (1980—1985)[15].
  • Тыныслык шотышто совет комитетын йыжъеҥже.
  • Пӱртӱс да илыш лӱдыкшыдымылык шотышто Тӱнямбал шанче академийын йыжъеҥже.

Усталык пашаже

Шанче паша деч посна В. Э. Колла — сӱретче.

  • В. Э. Колла. Рисунок 6111.jpg
  • В. Э. Колла. Рисунок 5410.jpg
  • В. Э. Колла. Рисунок 16.jpg
  • В. Э. Колла. Рисунок 5990.jpg
  • В. Э. Колла. Рисунок 27.jpg
  • В. Э. Колла. Рисунок 6107.jpg
  • В. Э. Колла. Рисунок 6108.jpg
  • В. Э. Колла. Рисунок 5991.jpg
  • В. Э. Колла. Рисунок 6080.jpg
  • В. Э. Колла. Рисунок 28.jpg
  • В. Э. Колла. Рисунок 25.jpg
  • В. Э. Колла. Рисунок 26.jpg
  • В. Э. Колла. Рисунок 4405.jpg
  • В. Э. Колла. Рисунок 5993.jpg
  • В. Э. Колла. Рисунок 5977.jpg
  • В. Э. Колла. Рисунок 201.jpg
  • В. Э. Колла. Рисунок 11.jpg
  • В. Э. Колла. Рисунок 10.jpg
  • В. Э. Колла. Рисунок 120.jpg
  • В. Э. Колла. Рисунок 8.jpg
  • В. Э. Колла. Рисунок 264.jpg
  • В. Э. Колла. Рисунок 31.jpg
  • В. Э. Колла. Рисунок 146.jpg

Суаптар ден чаплӱмжӧ-влак

  • II степенян Ачамланде сар орден,
  • «Чап Тамга» орден,
  • «Сарысе суаплан» медаль,
  • «СССР кӱшыл шинчымашыште чапле сеҥымашлан» чап тамга,
  • Марий ССР Кӱшыл Канаш Президиумын Чапкашазше,
  • Марий Эл Республикысе шанчын сулло пашаеҥже (1976),
  • Россий Федерацийысе шанчын сулло пашаеҥже (1997).

Тӱҥ пашаже-влак

  • Колла В. Э. Сравнительная оценка аналгетического действия пирамидона, анальгина, фенадона и изофенадона [Текст] : Автореферат дис. канд. биол. наук / М-во здравоохранения СССР. Всесоюз. науч.-исслед. хим.-фармацевтич. ин-т им. Орджоникидзе. — Молотов, 1954.
  • Колла В. Э. О нейротропной активности арилгидразидов дизамещенных гликолевых кислот в зависимости от их химического строения: автореф. дис… д-ра биол. наук. — Пермь, 1971. — 36 с.
  • Колла В. Э., Бердинский И. С. Фармакология и химия производных гидразина. — Йошкар-Ола: Марийское книжное издательство, 1976. — 264 с.
  • Колла В. Э. Стимуляция регенерации лёгких / Г. Л. Билич, В. Э. Колла, В. Н. Отмахов и др.; Под ред. Г. Л. Билича, В. Э. Коллы. — М.: Медицина, 1982.
  • Колла В. Э., Сыропятов Б. Я. Дозы лекарственных средств и химических соединений для лабораторных животных. — М.: Медицина, 1998. — 263 с.
  • Колла В. Э., Шеленкова С. А. Поиск новых противосудорожных веществ. — Пермь: Изд-во ПГФА, 2006. — 192 с. — ISBN 5-91247-002-4.
  • Колла В. Э. Растения семейства астровых (Asteraceae). Биологически активные вещества, применение в научной и народной медицине : в 2 ч. / В. Э. Колла; под ред. Б. Я. Сыропятова, В. М. Петриченко. — Пермь: ПГФА. Ч. 1. 2011. — 294 с. — ISBN 978-5-91247-054-7.
  • Колла В. Э. Растения семейства астровых (Asteraceae). Биологически активные вещества, применение в научной и народной медицине : в 2 ч. / В. Э. Колла; под ред. Б. Я. Сыропятова, В. М. Петриченко. — Пермь: ПГФА. Ч. 2. 2012. — С. 295—652. — ISBN 978-5-91247-054-7.

Палемдымаш

  1. ↑ 1 2 Светлая память! (руш.). Марийский государственный университет (12 шыжа 2020). Тергыме кече: 12 шыжа 2020. Архивлыме 16 шыжа 2020 ий.
  2. ↑ Колла Виктор Эдуардович // Победители. Солдаты Великой отечественной войны. Тергыме кече: 24 вӱдшор 2022. Архивлыме 24 вӱдшор 2022 ий.
  3. ↑ Выпускники — представители науки // Гимназия № 17 г. Перми. Тергыме кече: 12 идым 2014. Архивлыме 12 идым 2014 ий.
  4. ↑ 1 2 История кафедры фармакологии // Пермская государственная фармацевтическая академия. Тергыме кече: 12 идым 2014. Архивлыме 12 идым 2014 ий.
  5. ↑ История кафедры фармакогнозии // Пермская государственная фармацевтическая академия. Тергыме кече: 12 идым 2014. Архивлыме 12 идым 2014 ий.
  6. ↑ Колла Виктор Эдуардович // Олешко Г. И., Потемкин К. Д., Гурьянова М. Н., Иванова Р. Г. Ученые Пермской государственной фармацевтической академии: Библ. спр. — Пермь, 1997. С. 27.
  7. ↑ Лаборатория по изысканию биологически активных веществ // Естественнонаучный институт. Тергыме кече: 12 идым 2014. Архивлыме 12 идым 2014 ий.
  8. ↑ Ректоры // Марийский государственный университет (руш.). Тергыме кече: 12 шыжа 2020. Архивлыме 12 идым 2014 ий.
  9. ↑ Колла Виктор Эдуардович // Энциклопедия «Пермский край». Тергыме кече: 12 идым 2014. Архивлыме 12 идым 2014 ий.
  10. ↑ Колла Виктор Эдуардович // Олешко Г. И., Потемкин К. Д., Гурьянова М. Н., Иванова Р. Г. Ученые Пермской государственной фармацевтической академии: Библ. спр. — Пермь, 1997. С. 27—28.
  11. ↑ Поиск и изучение потенциальных лекарственных средств, влияющих на системное артериальное давление и систему гемостаза // Ведущие научные школы ПФГА. Тергыме кече: 12 идым 2014. Архивлыме 12 идым 2014 ий.
  12. ↑ Колла Виктор Эдуардович // Профессора Пермского государственного университета: (1916—2001) / Гл. ред.: В. В. Маланин — Пермь: Изд-во Перм. ун-та, 2001. 279 с.
  13. ↑ Глухов Н. Надпись на дипломе // Пермский университет. № 14 (1826). Ноябрь 2013. С. 2. Тергыме кече: 24 кылме 2014. Архивлыме 24 идым 2015 ий.
  14. ↑ Опись № 262. Документы Пермского обкома КПСС, г. Пермь // Пермский государственный архив новейшей истории (руш.). Тергыме кече: 12 идым 2014. Архивировано из оригинала 12 идым 2014 ий.
  15. ↑ Колла Виктор Эдуардович // Депутаты Верховного Совета Марийской АССР X созыва: 1980—1985 годы. Тергыме кече: 12 идым 2014. Архивлыме 12 идым 2014 ий.

Литератур

  • Колла Виктор Эдуардович // Своева С. Г., Лоскутова Е. Е., Лагуткина Т. П.. Летопись российской фармации: XX век. Всероссийское научное общество фармацевтов, 2000. 304 с. ISBN 593872001X, 9785938720015.
  • Колла Виктор Эдуардович // Профессора Пермского государственного университета: (1916—2001) / Гл. ред.: В. В. Маланин — Пермь: Изд-во Перм. ун-та, 2001. 279 с. С. 62.
  • Колла Виктор Эдуардович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 177. — 2032 экз. — ISBN 5-87898-357-0.
  • Колла Виктор Эдуардович // Книги памяти Марий Эл. Они защищали родину. Йошкар-Ола. 2004 г. 961 с.[1]
  • Колла Виктор Эдуардович. Материалы биографии ученых. МарГУ. Йошкар-Ола, 2005. С. 56.
  • Колла Виктор Эдуардович // Олешко Г. И., Потемкин К. Д., Гурьянова М. Н., Иванова Р. Г. Ученые Пермской государственной фармацевтической академии: Библ. спр.- Пермь, 2007. С. 27—28.
  • Колла Виктор Эдуардович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 437. — 872 с. — 3505 экз. — ISBN 978-5-94950-049-1.
  • Глухов Н. Надпись на дипломе // Пермский университет. № 14 (1826). Ноябрь 2013. С. 2.
  • Глухов Н. Военный доктор // Пермский университет. № 1 (1848). 21 января 2015. С. 2.

Кылвер-влак

"https://mhr.ruwiki.ru/w/index.php?title=Колла,_Виктор_Эдуардович&oldid=1191474" гыч налме