Кириллов, Степан Васильевич

РУВИКИ-ште тыгай тукымлӱм дене вес еҥ нерген статьям лудаш лиеш: Кириллов.

Степан Васильевич Кириллов
Шочмо кече	1910 ий 28 теле(1910-12-28)
Шочмо вер	Никольское (Енотаевка район), Енотаевка уезд, Астрахань губерний, Россий империй
Колымо кече	1988 ий 8 идым(1988-09-08) (77 ий)
Колымо вер	Йошкар-Ола, Марий АССР, РСФСР, СССР
Эл	Россий империй  СССР
Профессий	ветеринар врач
Шанче алан	ветеринарий
Паша вер	Марий республикысе «Зооветснаб» ушем Марий «Племобъединений»
Званий
Награде да премий

Степан Васильевич Кириллов (28 теле 1910, Никольское, Астрахань губерний^[d] — 8 идым 1988, Йошкар-Ола, Марий Автоном Совет Социализм Республик, РСФСР, СССР) — совет сар ветеринар эмлызе. Кугу Ачамланде сар жапыште — 1-ше Белорус фронтын 69-ше армийын 77-ше гвардий стрелок-влак дивизийысе ветеринар службын начальникше, ветеринар службын гвардий майоржо. Марий республикысе «Зооветснаб» ушемын вуйлатышыже (1949—1951), Марий «Племобъединенийын» председательже (1955—1973). Марий АССР-ын сулло ветеринар эмлызыже (1965). II степенян Ачамланде сар орденын кум гана кавалерже.

Ӱмыргорно

1910 ий 28 декабрьыште тачысе Российын Астрахань кундемысе Никольское ялеш шочын.

1932 ийыште Оренбургысо агрозооветеринар институтым тунем лектын.

1935 ий гыч — Марий автоном областьыште: Провой велне ветеринар эмлызе.

1941 ийыште Марий АССР-ысе Провой вел военкомат дене РККА-шке налме. Кугу Ачамланде сарын салтакше: 1-ше Белорус фронт 69-ше армийысе 77-ше гвардий стрелок-влак дивизийын ветеринар службын начальникше, 2-шо ранган сарзе ветеринар эмлызе, ветеринар службын гвардий майоржо. 1946 ийыште армий гыч демобилизоватлалтын.

Марий АССР-ысе Йошкар-Олаш пӧртылын: 1949—1951 ийлаште — Марий республикысе «Зооветснаб» ушемын вуйлатышыже, 1951—1954 ийлаште — ялозанлык министрын алмаштышыже, 1955—1973 ийлаште — «Племобъединенийын» председательже.

1988 ий 8 сентябрьыште Йошкар-Олаште колен.

Чаплӱм-влак да суаптар-влак

Пашалан

• Марий АССР-ын сулло ветеринар эмлызыже (1965);
• ВДНХ-н той медальже;
• «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970).

Сарысе

• II степенян Ачамланде сар орден (28.03.1945; 16.06.1945; 06.04.1985);
• Йошкар Шӱдыр орден (15.08.1944);
• «1941–1945 ийласе Кугу Ачамланде сарыште Германийым сеҥымылан» медаль (09.05.1945).

Палемдымаш

Литератур

• Опарина Т. Т. Кириллов Степан Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 169. — 2032 экз. — ISBN 5-87898-357-0.
• Опарина Т. Т., Мочаев В. А. Кириллов Степан Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 199. — 606 с. — 1500 экз. — ISBN 978-5-905314-35-3.