Качкин, Эльгард Александрович
| Эльгард Александрович Качкин | |
|---|---|
 | |
| Шочмо кече | 1919 ий 8 кылме |
| Шочмо вер | Ояш, Болотнинский район, Новосибирск кундем, РСФСР, СССР |
| Колымо кече | 2004 ий 9 сорла (84 ий) |
| Колымо вер | Руэм, Медведево район, Марий Эл, Россий |
| Эл | |
| Паша сомыл | кугурак шанче пашаеҥ, туныктышо |
| Награде да премий |
|
Эльгард Александрович Качкин (1936 ий 20 октябрь, Ояш ял, Болотнинский район, Новосибирск кундем, РСФСР, СССР — 2004 ий 9 август, Руэм посёлко, Медведево район, Марий Эл) — совет да россий ялозанлык пашаеҥ, туныктышо. Марий ялозанлык опыт станцийын кугурак шанче пашаеҥже, пӧлка вуйлатыше (1963—1992). СССР Кугыжаныш премийын лауреатше (1982).
Илыш корныжо
1936 ий 20 октябрьыште Новосибирск кундемысе Болотнинский район Ояш ялысе кресаньык ешеш шочын[1].
1963 ийыште Озаҥысе ялозанлык институтым тунем лектын. 1963 ий гыч — Марий ялозанлык опыт станцийыште: кугурак шанче пашаеҥ, пӧлка вуйлатыше[1].
1970 ийыште Йошкар-Олаште тудын «Колхозласе пашан шапашйӧнжӧ да нунын пайдалыкшым саемдыме корно-влак» книгаже савыкталтын[2][3].
1982 ийыште тудлан СССР-ын Кугыжаныш премийжым пуэныт. Медаль-влак дене, ты шотыштак ВДНХ-н шӧртньӧ медальже дене суапландаралтын[1].
1992—1996 ийлаште — Марий ялозанлык кадрым уэмден ямдылыше институтын туныктышыжо[1].
Тудын тыршымыж дене Марий Элысе Медведево район Руэм посёлкышто кабель телевиденийын студийже почылтын. Тыште, мутлан, Марий ялозанлык шанче-шымлыше институтын шанче пашаж нерген увер да тунемме фильм-влак войзалтыныт, варажым нуно российысе да тӱнямбал фестивальлаште сеҥыше радамыште лийыныт[4].
2004 ий 9 августышто Марий Элысе Медведево район Руэм посёлкышто колен[1].
Суапшым аклымаш
- СССР-ын Кугыжаныш премийже (1982) — техникым кӱкшӧ пайдалык дене кучылтмылан, ончыл технологий-влакым шыҥдарымылан да сай курго лектышым кугемдымылан[1];
- ВДНХ-н шӧртньӧ медальже (1981)[1].
Палемдымаш
- ↑ 1 2 3 4 5 6 7 Мочаев, 2007, с. 166.
- ↑ Эльгард Александрович Качкин. Трудовые ресурсы колхозов и пути улучшения их использования. — Йошкар-Ола: Маркнигоиздат, 1970. — 88 с. Архивировано 9 сӱрем 2023 года.
- ↑ Трудовые ресурсы колхозов и пути улучшения их использования - книга 1970 года. Архивировано 9 сӱрем 2023 года.
- ↑ 20 октября исполнилось бы 85 лет Эльгарду Александровичу.. | Живой Руэм | ВКонтакте. m.vk.com. Тергыме кече: 9 сӱрем 2023. Архивлыме 9 сӱрем 2023 ий.
Литератур
- Опарина Т. Т. Качкин Эльгард Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 166. — 2032 экз. — ISBN 5-87898-357-0.
- Опарина Т. Т. Качкин Эльгард Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 196. — 606 с. — 1500 экз. — ISBN 978-5-905314-35-3.