Капилевич, Григорий Вульфович

РУВИКИ — эрыкан энциклопедий гыч материал
Григорий Вульфович Капилевич
Капилевич, Григорий Вульфович.jpg
Шочмо кече 1918 ий 27 кылме(1918-11-27)
Шочмо вер Кличев, Чериков уезд, Могилёв губерний, РСФСР
Колымо кече 1999 ий 8 сорла(1999-08-08) (80 ий)
Колымо вер Рочестер, США
Гражданлык Flag of the Russian Soviet Federative Socialist Republic (1918–1925).svg РСФСР (1917—1922) →  СССР →  Россий
Паша сомыл педагог, меръеҥ
Награде да премий

Орден Трудового Красного Знамени — 1971 Орден «Знак Почёта»  — 1981 Орден Отечественной войны II степени  — 1985 SU Medal For the Defence of the Soviet Transarctic ribbon.svg Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Honored School Teacher of the RSFSR.png
Марий АССР школын сулло туныктышыжо (1968)

Григорий (Гирш) Вульфович Капилéвич (27 кылме 1918, Кличев[d], Чериков уезд[d], Могилёв губерний[d], РСФСР[d] — 8 сорла 1999, Рочестер[d], Ушымо Американ Штат-влак) — совет туныктыш пашаеҥ, педагог. Марий АССР-ысе Йошкар-Ола технологий техникумын директоржо (1961—1981). РСФСР школын сулло туныктышыжо (1979), Марий АССР школын сулло туныктышыжо (1968). Кугу Ачамланде сарын участникше. ВКП(б)-н йыжъеҥже.

Илыш корно

1918 ий 27 ноябрьыште кызытсе Белоруссийын Могилёв областьысе Кличев олаште служышо-влак ешеш шочын[1][2][3].

1937 ийыште Минскысе кыдалаш школым, 1941 ийыште Витебскысе С. М. Киров лӱмеш педагогике институтын физике-математике факультетшым тунем пытарен. Туныктымо паша корным 1940 ийыште Витебскысе кыдалаш кас школышто туныктышыла тӱҥалын[2].

1942 ий мартыште РККА-ш налыныт. Кугу Ачамланде сарын участникше: Юж-Урал сарзе округын 11-ше запасной стрелковый дивизийжын 364-ше запасной стрелковый полкысо тул взводын командирже; Карел фронтышто ПВО округын 1-ше ПВО корпусшын 746-шо зенитке артиллерий полкышто командир, лейтенант. 1945 ий декабрьыште армий гыч демобилизоватлалтын. II степенян Ачамланде сар орден да 5 сарзе да лӱмгече медаль-влак дене суапландареныт[4][5].

1946 ийыште Йошкар-Олаш толын: Марий радиомеханике техникумышто физикым туныктен, 1947 ий гыч — тунемме паша шотышто директорын алмаштышыже[1][2][3].

1961—1981 ийлаште Йошкар-Оласе технологий техникумын директоржо лийын[1][3]. Тиде техникумым вуйлатымыж годым тӱҥалше туныктышо, класс вуйлатыше да воспитатель-влаклан кугу практик полышым пуэн шоген. Тудын чолган тыршымыж дене техникумын тунемме-материал базыже чот пеҥгыдемын, туныктышо-влакын илыме йӧнышт саемын. Тудо тунемше-влакын техникылык усталыкыштым вияҥдымылан кугу тӱткышым ойырен. Тунемме мастаргудышто, кажне кабинет да лабораторий пелен усталык кружок-влак ыштеныт. Техникум РСФСР Минбытын кыдалаш специальный тунемме тӧнеж-влакын тунемшыштын техникылык усталык ончерыштышт эртак призлык верым налын, 1978 ийыште 1-ше верым налын да РСФСР Минбытын Чап грамотшо дене суапландаралтын[2].

Мер пашаштат тыршен: Йошкар-Оласе калык депутат-влак Каҥашын депутатшылан кум гана сайлалтын[2].

Кыдалаш профессионал туныктымаш сферыште тыршымыжлан 1968 ийыште тудлан «Марий АССР школын сулло туныктышыжо», 1979 ийыште «РСФСР школын сулло туныктышыжо»  (руш.) (мар. чап лӱм-влакым пуымо. Быт службо предприятий-влаклан самырык специалист-влакым ямдылыме да воспитатлыме пашаште суапшылан тудо Паша Йошкар Тисте да «Чап Пале» орден-влак, 4 медаль да кок гана Марий АССР Кӱшыл Каҥаш Президиумын Чап грамотшо дене суапландаралтын[1][2][3].

Илыш мучаштыже США-ш эрелан илаш куснен. 1999 ий 8 августышто американ Рочестерыште колен[1][2][3].

Чап лӱм да суаптар

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 191.
  2. ↑ 1 2 3 4 5 6 7 8 9 10 11 12 13 Капилевич Григорий (Гирш) Вульфович (руш.). Марийская история в лицах. Тергыме кече: 27 шорыкйол 2026. Архивлыме 8 кылме 2022 ий.
  3. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 217.
  4. ↑ 1 2 3 4 #дорогапамяти Участник ВОВ ✩ Капилевич Григорий Вульфович (руш.). Музейный комплекс "Дорога Памяти". Тергыме кече: 27 шорыкйол 2026.
  5. ↑ Капилевич Григорий Вульфович :: Память народа. pamyat-naroda.ru. Тергыме кече: 27 шорыкйол 2026. Архивлыме 8 кылме 2022 ий.
  6. ↑ Капилевич Григорий Вульфович :: Память народа. pamyat-naroda.ru. Тергыме кече: 27 шорыкйол 2026. Архивлыме 8 кылме 2022 ий.
  7. ↑ 1 2 Капилевич Григорий Вульфович :: Память народа. pamyat-naroda.ru. Тергыме кече: 27 шорыкйол 2026. Архивлыме 8 кылме 2022 ий.

Литератур

  • Муравьёв А. В. Учителями жива Россия: Учителя Республики Марий Эл — заслуженные учителя Российской Федерации. — Йошкар-Ола, 2004. — С. 46—47.
  • Капилевич Григорий (Гирш) Вульфович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 161. — 2032 экз. — ISBN 5-87898-357-0.
  • Капилевич Григорий (Гирш) Вульфович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 417. — 872 с. — 3505 экз. — ISBN 978-5-94950-049-1.
  • Муравьёв Ан. В., Мочаев В. А., Данилов В. П. Капилевич Григорий (Гирш) Вульфович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 191. — 606 с. — 1500 экз. — ISBN 978-5-905314-35-3.
  • Муравьёв А. В. Учителями жива Россия. — 2-е изд., доп. — Йошкар-Ола: Издательский дом «Марийское книжное издательство», 2022. — 255 с.
"https://mhr.ruwiki.ru/w/index.php?title=Капилевич,_Григорий_Вульфович&oldid=1234075" гыч налме