Кадышев, Шамиль Каюмович
| Шамиль Каюмович Кадышев | |
|---|---|
 | |
| Шочмо кече | 1928 ий 18 ага |
| Шочмо вер | Тургай, Джангельдинск район, Костанай кундем, Казах ССР, СССР |
| Колымо кече | 2018 ий 14 сӱрем (90 ий) |
| Колымо вер | Йошкар-Ола, Марий Эл, Россий |
| Гражданлык |
 СССР →  Россий |
| Паша сомыл | инженер, инженер-конструктор, технике шанче кандидат |
| Награде да премий |
|
Шамиль Каюмович Кадышев (1928 ий 18 май, Тургай ял, Джангельдинск район, Костанай кундем, Казах ССР — 2018 ий 14 июль, Йошкар-Ола, Марий Эл, Россий) — совет аралтыш йӧнозанлык пашаеҥ, инженер, конструктор. СССР Минрадиопромын Тӱҥ управленийжын тӱҥ инженерже, «Коралл» ОКБ-ын вуйлатышыже — Марий машиначоҥышо заводын тӱҥ конструкторжо (1954—1975). СССР Кугыжаныш премийын лауреатше (1971). Марий АССР шанчын да техникын сулло пашаеҥже (1966), технике шанче кандидат. 1959 ий гыч КПСС йыжыҥъеҥ.
Илыш корныжо
1928 ий 18 майыште Казах ССР Костанай кундем Джангельдинск район Тургай ялыште шочын. 1950 ийыште Ленинградысе авиаций прибор чоҥымо институтым тунем пытарен. 1959 ийыште КПСС-ыш пурен[1].
Йошкар-Оласе Марий машиначоҥышо заводыш колтеныт, тушто тудо 1975 ий марте пашам ыштен. Нине ийлаште вӱдышӧ конструктор, кугурак инженер, тӱҥ конструкторын алмаштышыже лийын, 1954—1975 ийлаште «Коралл» ОКБ-м вуйлатен, вес семынже тудо Марий машиначоҥышо заводын тӱҥ конструкторжо лийын[2]. 1975 ийыште СССР Минрадиопромын Тӱҥ управленийжын тӱҥ инженер должностьышко куснен[1].
Технике шанче кандидат. Шке да пырля ыштыме паша-влаклан автор патент-влакын озаже лийын. Тудын лӱмжӧ дене серий дене лукмо ятыр аралалтме техникын эн сай йӧндартышыже, С-300В системе да тудын модификацийже-влак кылдалтыныт[1][2][3][4].
Йӧнозанлыкым вияҥдымаште надырлан «Почёт Пале», Паша Йошкар Тисте, Октябрь Революций орден-влак дене суапландаралтын. 1966 ийыште тудлан «Марий АССР шанчын да техникын сулло пашаеҥже» чаплӱмым пуымо. 1971 ийыште СССР Кугыжаныш премийын лауреатше лийын[1][2].
2018 ий 14 июльыште Йошкар-Олаште колен[5].
Чаплӱм да суаптар-влак
- СССР Кугыжаныш премий (1971)[1];
- Октябрь Революций орден (1971)[1];
- Паша Йошкар Тисте орден (1968)[1];
- «Почёт Пале» орден (1962)[1];
- «Владимир Ильич Ленинын шочмыжлан 100 ий темме лӱмеш чапле пашалан» лӱмгече медаль;
- Марий АССР шанчын да техникын сулло пашаеҥже (1966)[1].
Палемдымаш
- ↑ 1 2 3 4 5 6 7 8 9 Мочаев, 2007, с. 157.
- ↑ 1 2 3 Кадышев Шамиль Каюмович (руш.). stanki.marimmz.ru. Тергыме кече: 31 ӱярня 2022. Архивлыме 2 ага 2022 ий.
- ↑ Кадышев Шамиль Каюмович изобретатель и автор патентов - PatentDB.ru (руш.). patentdb.ru. Тергыме кече: 31 ӱярня 2022. Архивлыме 2 ага 2022 ий.
- ↑ Устройство для управления адресным блоком памяти — Кадышев Шамиль Каюмович, Лаврентьев Борис Фёдорович, Тимофеев Александр Орестович, Шумилов Лев Алексеевич. — 1976. Архивировано 31 ӱярня 2022 года.
- ↑ Шамиль Каюмович Кадышев (руш.) (16 сӱрем 2018). Тергыме кече: 2 ага 2022. Архивлыме 2 ага 2022 ий.
Литератур
- Андреев В. П. Страницы истории развития промышленности Марийской АССР (1945―1980 гг.) / В. П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129, [1] с.: ил., карт., портр.; 20 см; ISBN 5-8158-0051-1.
- Алтышева Л. М. Кадышев Шамиль Каюмович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 157. — 2032 экз. — ISBN 5-87898-357-0.
- Алтышева Л. М. Кадышев Шамиль Каюмович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 185. — 606 с. — 1500 экз. — ISBN 978-5-905314-35-3.
Кылвер-влак
- Ага тылзын 18 кечынже шочшо-влак
- 1928 ийыште шочшо-влак
- Сӱрем тылзын 14 кечынже колышо-влак
- 2018 ийыште колышо-влак
- СССР-ысе кугыжаныш премийын лауреат-влакше
- Октябрь Революций орден дене суапландаралтше-влак
- Паша Йошкар Тисте орден дене суапландаралтше-влак
- «Почёт пале» орден дене суапландаралтше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- Алфавит почеш персоналий-влак