Ильин, Иван Фёдорович

Иван Фёдорович Ильин
Иван Фёдорович Ильин
Шочмо кече	1919 ий 18 идым
Шочмо вер	Эсмекплак, Чебоксар уезд, Озаҥ губерний, Россий империй
Колымо кече	1988 ий 5 идым (68 ий)
Колымо вер	Волжск, Марий АССР, РСФСР, СССР
Пурымаш	Россий империй → СССР
Войскан родшо	артиллерий
Службо жап	1939—1955
Званий
Командоватлен	3-шо Белорус фронтын 5-ше армийжын 97-ше стрелковый дивизийысе 233-шо стрелковый полкын батальон командирже
Кредалмаш/сар	Кугу Ачамланде сар: Моско верч кредалма, Прибалтийысе операций (1944), Кёнигсберг операций, Берлин операций; Совет-япон сар

Иван Фёдорович Ильин (1919 ий, Эсмекплак, Чебоксар уезд, Озаҥ губерний, Россий империй — 1988 ий 5 сентябрь, Волжск, Марий АССР, РСФСР, СССР) — совет военачальник. Кугу Ачамланде сар жапыште — 3-шо Белорус фронтын 5 армийжын 97-ше стрелковый дивизийысе 233-шо стрелковый полкын стрелковый батальонжын командирже. Японий дене сарын участникше. Подполковник (1955). 1943 ий гыч ВКП (б) член.

Биографий

1919 ий 18 сентябрьыште кызытсе Марий Эл Провой кундемысе Эсмекпляк селаште шочын^[1]^[2]. 1936 ийыште шочмо ялыштыже тичмаш огыл кыдалаш школым пытарен. Колхозышто счетоводлан, Марий АССР Волжскысо Марий кагаз комбинатыште нормировщиклан пашам ыштен^[3]^[4].

1939 ий ноябрьыште РККА-шке налыныт, Белоруссий сарзе округышто служитлен. Кугу Ачамланде сарын участникше: Моско воктен кредалмаште стрелковый взвод командирын полышкалышыжлан служитлаш тӱҥалмеке, сарым Германийыште 3-шо Белорус фронтын 5-ше армийжын 97-ше стрелковый дивизийысе 233-шо стрелковый полкын батальон командирже лийын мучашлен. Неманым вончымаште лийын, Прибалтикысе ола-влакым утарен. Каунасын (Литва ССР) икымше комендантше. Майор марте служитлен шуктен. 1943 ийыште ВКП(б)-ыш пуртеныт. 1945 ийыште Японий ваштареш сарыште лийын. Ныл гана сусырген. 1955 ий апрельыште подполковник званий дене отставкыш лектын. Шуко сарзе награде дене суапландаралтын: Йошкар Тисте, I степенян Отечественный сар (кок гана), Йошкар Шӱдыр (кум гана), Александр Невский (кок гана) орден-влак дене, медаль-влак дене, тидын шотыштак «Сарзе суаплан» медаль дене^[3]^[2].

Сар деч вара Волжскышто Марий целлюлоз-кагаз комбинатыште йошкар кермыч цех начальниклан пашам ыштен^[3].

1988 ий 5 сентябрьыште Волжскышто илыш гыч каен^[3]^[2].

Награде-влак

Йошкар Тисте орден (25.04.1945)
I степенян Отечественный сар орден (14.02.1945, 06.04.1985)
Йошкар Шӱдыр орден (03.08.1943; 12.11.1943; 26.10.1955)
Александр Невский орден (21.08.1944, 09.09.1945)
«Сарзе суаплан» медаль (17.05.1951)
«Японийым сеҥымылан» медаль (30.09.1945)
«1941—1945 ийлаште Кугу Ачамланде сарыште Германийым сеҥымылан» медаль (09.05.1945)
«Кёнигсбергым налмылан» медаль (09.06.1945)

Палемдымаш

↑ Исменцы (Эсменцплак, Исменец-Беляк, Отар) | Родная Вятка (неопр.). rodnaya-vyatka.ru. Тергыме кече: 9 сӱрем 2022. Архивлыме 10 шыжа 2022 ий.
↑ ¹ ² ³ Вот это люди, вот это герои! | Марий Мер Каҥаш (неопр.). Тергыме кече: 9 сӱрем 2022. Архивлыме 5 шорыкйол 2022 ий.
↑ ¹ ² ³ ⁴ Мочаев, 2017, с. 158.
↑ Ошибка 429 (неопр.). vk.com. Тергыме кече: 9 сӱрем 2022. Архивлыме 9 сӱрем 2022 ий.

Литератур

Гребнев А. П. Родиной награждённые. — Йошкар-Ола: Марийское книжное издательство, 1976.
Ильин Иван Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 158. — 2032 экз. — ISBN 5-87898-357-0.
Мочаев В. А. Ильин Иван Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 177. — 606 с. — 1500 экз. — ISBN 978-5-905314-35-3.

Кылвер-влак

[1] Исменцы (Эсменцплак, Исменец-Беляк, Отар) | Родная Вятка (неопр.). rodnaya-vyatka.ru. Тергыме кече: 9 сӱрем 2022. Архивлыме 10 шыжа 2022 ий.

[:0-2] ¹ ² ³ Вот это люди, вот это герои! | Марий Мер Каҥаш (неопр.). Тергыме кече: 9 сӱрем 2022. Архивлыме 5 шорыкйол 2022 ий.

[_d8abd4506f0f7716-3] ¹ ² ³ ⁴ Мочаев, 2017, с. 158.

[4] Ошибка 429 (неопр.). vk.com. Тергыме кече: 9 сӱрем 2022. Архивлыме 9 сӱрем 2022 ий.

[1]

[2]

[3]

[4]