Захаров, Сергей Иванович

Сергей Иванович Захаров
Сергей Иванович Захаров
Шочмо кече	1919 ий 15 сӱрем
Шочмо вер	Саратов вел, Хвалынск кундем, Болтуновка ял
Колымо кече	1986 ий 20 шыжа (67 ий)
Колымо вер	Чыкма ола
Гражданлык	Россий империй ; СССР
Паша сомыл	серызе, журналист
Награде да премий

Сергей Иванович Захаров (15 сӱрем 1919, Болтуновка^[d] — 20 шыжа 1986, Чыкма, Марий Автоном Совет Социализм Республик) — руш серызе, журналист, СССР журналист-влак ушемын йыжъеҥже, 1941—1945 ийласе Кугу Ачамланде сарын салтакше^[1].

Илыш корныжо

Сергей Захаров 1919 ий 15 сӱремыште Саратов кундемысе Хвалынск вел Болтуновка ялысе кресаньык ешеш шочын. Шочмо ялысе школым тунем пытарымеке, 1936 ийыште Саратовысо кугыжаныш университетыш тунемаш пурен. Тунеммым мучашлыде, школыш историк-туныктышылан пашаш каен. 1939 ийыште Йошкар Армий радамыш ӱжалтын. 1940 ийыште Йӱдвел Буковинам утарымашке ушнен. Кугу Ачамланде сарым Карпат курыклаште вашлийын. Фронтын ончыл кумдыкыштыжо кредалын^[1].

Марий республикыш Сеҥымаш деч вара толын. Килемар районышто тӱвыра-сотемдарыше пӧлкам вуйлатен. «Ленин корно» (Чыкма) район газетын, «Молодой коммунист» республикысе газетын пашаеҥже лийын. 1953 гыч 1956 ий марте уэш сар службышто лийын, армий газетын редакторжылан пашам ыштен. Шуко жап «Марийская правда» газетын корреспондентше лийын^[1].

Сергей Захаров сар деч ончычак возаш тӱҥалын. 1946 ий гыч печатьыште чолгалыкым ончыктен. Тудын ойлымашыж ден очеркше-влак республикысе да район газетлаште, тӱшка сборник ден альманахлаште, курыкмарлаш кусаралтынат савыкталтыныт. Журналист да сылнымут паша ийлаште тудо 20 наре ойлымаш, повесть да очерк книгам луктын. Ялозанлык пашан тыглай еҥже-влак нерген возен («Скромные люди», «Молодые механизаторы», «Марийские льноводы»). Сар йодышымат авалтен. Тудын «Березка на ветру» илышыште чын лийше нерген повестьше Совет Ушем Талешке В. Криворотовын илыш корныжым да сарысе талылыкшым ончыкта^[1].

Сергей Захаров 1976 ий гыч эрыкан серызе семын илен да пашам ыштен, редакций-влак, книга савыктыш, Писатель-влак ушем дене кылым кучен. СССР журналист-влак ушемын еҥже. 1986 ийыште колен^[1].

Тӱҥ произведенийже-влак

Перед лицом старших: очерки. Йошкар-Ола, 1959. 64 с.
Скромные люди: очерки и рассказы. Йошкар-Ола, 1962. 108 с.
Один бой и вся жизнь: очерк// Наши герои. Йошкар-Ола, 1968. С. 197—204.
У горы Алам-Нер: очерки. Йошкар-Ола, 1968. 76 с.
Березка на ветру: повесть. Йошкар-Ола, 1971. 204 с.
Поле вдохновения: из досье журналиста. Йошкар-Ола, 1973. 136 с.
Волна идет издалека: очерки. Йошкар-Ола, 1974. 264 с.
Солнце с четырех сторон: Приветлужские встречи. Йошкар-Ола, 1978. 208 с.
Мои мамы: повесть. Йошкар-Ола, 1980. 64 с.
Молодость древнего города: очерки. Йошкар-Ола, 1983. 200 с.
Судьба стучится в дверь: повесть. Йошкар-Ола, 1995. 264 с.

Курыкмарий йылмыш кусарыме произведенийже-влак

Кеквлӓ чонгештӓш тыменьӹт: повесть гӹц лаштык-вл. // Шачмы вел. Йошкар-Ола, 1969. С. 3—47.
Келгӹ важ: очерк // Кырык сирӹштӹ, Йыл тӹрӹштӹ. Йошкар-Ола, 1967. 10—28.
Фермын тетяжӹ: повесть // Кырык сирӹштӹ, Йыл тӹрӹштӹ. Йошкар-Ола, 1967. С. 23—72.

Суаптар

Палемдымаш

Литератур

Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 241—242.
Писатели Марийской АССР. Йошкар-Ола, 1976. С. 107—109.
Краткая биогр. справка // Русское слово Марий Эл: произведения рус. писателей Мар. края. Йошкар-Ола, 2004. С. 49.
МБЭ. Йошкар-Ола, 2007. С. 135.

[:0-1] ¹ ² ³ ⁴ ⁵ Сергей Захаров (руш.). mari-lab.ru. Тергыме кече: 14 теле 2025.

[2] Электронный банк документов «Подвиг народа в Великой Отечественной войне 1941—1945 гг.».

[3] Электронный банк документов «Подвиг народа в Великой Отечественной войне 1941—1945 гг.».

[4] Электронный банк документов «Подвиг народа в Великой Отечественной войне 1941—1945 гг.».

[1]

[2]

[3]

[4]