Голубев, Пётр Александрович
| Пётр Александрович Голубев | |
|---|---|
 | |
| Шочмо кече | 10 (22) шорыкйол 1855 |
| Шочмо вер | |
| Колымо кече | 5 (18) пургыж 1915 (60 ий) |
| Колымо вер | |
| Эл | |
| Шанче алан | статистике да этнографий |
| Образований | |
Пётр Александрович Голубев (22 [10] январь 1855, Омутнинск, Виче губерний — 18 [5] февраль 1915, Самара) — россий публицист, статист, этнограф, туныктышо, редактор да мер пашаеҥ.
Илыш корныжо
Пётр Голубев 1855 ий 10 январьыште Виче губерний Омутнинскысе заводышто кресаньык ешеш шочын[1].
Озаҥысе университетыште курсым тунем пытарыме деч вара Оренбург губерний Троицк уезд оласе пӧръеҥ гимназийыште туныктышылан шоген, но 1883 ийыште, революций нерген шонымашым шаркалымылан кӧра, туныктымо пашам коден да 1889 ий марте ссылкыште, Чарла полицийын увертарен эскерыме йымалне илен, ты жапыште публицистике пашам тӱҥалын[2][3]. Тыгай статья-влакым возен: «Историко-статистический очерк податного дела в Вятской губернии» («Виче губернийыште вуйокса паша нерген историко-статистике очерк», «Земельный вопрос в Царевококшайске» («Чарлаште мланде йодыш»), «Разрешение земельного вопроса в Царевококшайске» («Чарлаште мланде йодышым тӧрлымаш»)[3].
П. А. Голубев чӱчкыдын шке пашажым эре лектын шогышо савыктышлаште савыктен, нунын коклаште тыгай-влак лийыныт: «Русские ведомости», «Волжский вестник», «Северный вестник», «Юридический вестник», «Русская мысль», «Вестник Европы», «Русское богатство», «Народное хозяйство»[2][4].
Томскышто «Сибирская газета» (1886), «Вятский край» (1895—1898) да «Пермский край» (1903) газет-влакым редактироватлен[2].
1909 ийыште Астрахань губернийысе Красный Ярыш колталтын. Ссылке гыч пӧртылмеке, Ставрополь олаште лукмо «Северокавказский край» газетын пашаеҥже лийын. 1911 ий гыч 1913 ий марте Голубев Омутнинск олаште публицистике пашаште кумылын тыршен[1].
1913 ий гыч 1915 ий марте Самарысе земствыште служиен[1].
Тидын деч посна Голубев Россий империйын Виче, Ярославль, Ӱпӧ, Пермь да эше икмыняр губерний шотышто историй-статистике сборникым чумырен[2][5].
Шымлышын журналысе да газетысе статьяже-влак, тӱҥ шотышто, вуйоксам тӱлымӧ, кочкыш сату да земствын пашаже нерген лийыныт[2][6].
Пётр Александрович Голубев 1915 ий 5 февральыште Самара олаште колен.
Серымыже
- Двухсотлетие русской горной промышленности (Руш курык йӧнозанлыклан кок шӱдӧ ий). — Пермь, 1900. — 202 с.
Палемдымаш
- ↑ 1 2 3 Гилева С. И. Голубев, Пётр Александрович // Уральская историческая энциклопедия / УрО РАН, Институт истории и археологии; Гл. ред. В. В. Алексеев. — Екатеринбург: Академкнига, 2000.
- ↑ 1 2 3 4 5 Голубев, Петр Александрович // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ 1 2 Марийская биографическая энциклопедия-2, 2017, с. 103.
- ↑ Большая биографическая энциклопедия. 2009 год.
- ↑ Биографический словарь. 2000 год.
- ↑ Рабинович Я. Б. «Ревнители прав народных». Пермь, 1989
Литератур
- Чудова Г. Ф. Голубев, Пётр Александрович // Кировская областная библиотека имени Герцена. — Киров, 1975.
- Погорелов А. Пётр Александрович Голубев // Русские записки. — 1915. — № 2.
- Айплатов Г. Н., Акшиков А. Г. Голубев Пётр Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 103. — 606 с. — 1500 экз. — ISBN 978-5-905314-35-3.
 |
|---|
