Голубев, Михаил Михайлович
| Михаил Михайлович Голубев | |||||||||
|---|---|---|---|---|---|---|---|---|---|
 | |||||||||
| Шочын |
1938 ий 12 идым (87 ий) Ковернин район, Угарман область |
||||||||
| Партий | КПСС | ||||||||
| Награде |
|
||||||||
Михаил Михайлович Голубев — совет озанлык, кугыжаныш да политике пашаеҥ, Социалист Пашан Талешкыже (1991). РСФСР-ын сулло зоотехникше (1986).
Илыш корныжо
1938 ийыште Угарман кундем, Ковернин велысе Волоколам ялыште сареш колышо колхозникын ешыштыже шочын. КПСС йыжъеҥ.
1963 ий гыч — озанлык, мер да политик пашаште. Угарманысе ялозанлык институтым (1963) тунем лектын. 1963—1970 ийлаште — Звениговысе колхоз-совхоз управленийын зоотехникше, Параньгасе производство управленийын тӱҥ зоотехникше, 1970 ий гыч — Марий АССР-ысе Медведево вел «Азаново» госплемзаводын директоржо (1970-2003).
СССР Кӱшыл Каҥаш Президиумын 1991 ий 17 октябрьысе кӱштыкшӧ дене Социалист Пашан Талешкыже лӱмым пуымо, Ленин орден ден «Сорла ден Чӧгыт» шӧртньӧ медальым кучыктымо.
МАССР-ысе Кӱшыл Каҥашын (1980—1985, 1990—1993), Марий Эл Республикысе Кугыжаныш Погынын депутатше (1996—2004, 4 созыв).
34 ий наре «Азаново» совхоз директорлан пашам ыштымек, Голубев Михаил Михайлович озанлыкым Российыште ончыл опытым шарыше школыш савырен. 1969 ийыште СССР-ыште икымше гана «Азановский» совхозышто кайыкым кӱвар гыч Йошкар-Оласе заводлаште ямдылыме ик пачашан батарейышке кусареныт.
Ий еда мландыш компост ӱяҥдышым (олым, чыве да вольык терыс) лукмаш мландысе тургыжрокым (гумусым) саемдаш полшен, тиде 2000 ийлаште шурно лектышым 7-9 ц/га гыч 45 ц/га марте нӧлталын да вольыклан сай кургым ямдылаш йӧным ыштен.
Озанлыкыште 700 гектар вӱд шавыман мланде лийын, тиде кеҥеж жапыште люцерным 4 гана солен налаш да гектарыште 100 тонн кормалык ушменым кушташ эрыкым пуэн.
Вольык урлыкым уэмден толмо паша да сай курго лектыш уже 1984 ийыште ик ушкал деч 6300 килограммым шӧрым налаш йӧным ыштен, озанлыкыште 1000 ушкал лийын. Тиде ийлаште озанлыкыш СССР-ын, Российын ятыр кундемже гыч, йот эл гыч шуко делегаций толын. СССР шаланымеке, озанлыкыш ФРГ, Венгрий, США, африкан элла гыч еҥ-влак кошташ тӱҥалыныт. Озанлыкым «Семёновский» госплемзаводыш ушымо дене сайын пашам ышта.
Озанлыкыште парышым налме семын эркын-эркын еҥ-влаклан чыла шотыштат йӧнан пӧрт-влакым, селаште, Яндуш, Петяк яллаш асфальт корным чоҥеныт. Тӱвыра пӧртым, кок пачашан эмлымверым, йочасад-яслам нӧлтеныт; селашке да яллашке пӱртӱс газым пуртеныт. Газ котельне чоҥалтын.
1990-ше ийла мучаште Азановошто опытоволокноан кылым шупшыныт, тиде кажне гаяк ешыш, школыш интернетым конден.
2003 ий гыч Михаил Михайлович Голубев сулен налме канышыште улеш[1]. 2025 ий октябрьыште профессионал пайрем — Ялозанлык да перерабатыватлыше йӧнозанлык пашаеҥын кечыже — дене тудым Марий Эл Республикын ялозанлык да кочкыш шотышто министрже Павел Раевский саламлен[2].
Суаптар да чаплӱм-влак
- ВДНХ-ан той медальже (1971)
- «Паша ойыртемалтшылан» медаль (1971)
- Йошкар Тисте Паша орден (1975)
- Октябрь революций орден (1979)
- Марий АССР-ын сулло зоотехникше (1980)
- РСФСР-ын сулло зоотехникше (1986)
- Марий АССР Кӱшыл Каҥаш Президиумын Чап грамотшо (1988)
- Социалист Пашан Талешкыже (1991)
- IV степенян «Ачамланде ончылно суаплан» орден (1998)
Палемдымаш
- ↑ Голубев Михаил Михайлович (руш.). vk.com (13 идым 2024). Тергыме кече: 19 кылме 2025.
- ↑ Человек, посвятивший жизнь земле: поздравление ветерана отрасли (руш.). mari-el.gov.ru (21 шыжа 2025). Тергыме кече: 19 кылме 2025.
Литератур
- Голубев Михаил Михайлович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 135. — 2000 экз. — ISBN 5-87898-197-1.
- Мочаев В. А. Голубев Михаил Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 91. — 2032 экз. — ISBN 5-87898-357-0.
- Голубев Михаил Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 308. — 872 с. — 3505 экз. — ISBN 978-5-94950-049-1.
- Рыбакова Т. Л., Мочаев В. А. Голубев Михаил Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 103. — 606 с. — 1500 экз. — ISBN 978-5-905314-35-3.
Кылвер-влак
- Идым тылзын 12 кечынже шочшо-влак
- 1938 ийыште шочшо-влак
- Алфавит почеш персоналий-влак
- Ковернин районышто шочшо-влак
- Социалист Пашан Талешкыже-влак
- IV степенян «Ачамланде ончылно суаплан» орден дене суапландаралтше-влак
- Ленин орден дене суапландаралтше-влак
- Октябрь Революций орден дене суапландаралтше-влак
- Паша Йошкар Тисте орден дене суапландаралтше-влак
- «Паша ойыртемалтмылан» медаль дене суапландаралтше-влак
- РСФСР-ын сулло зоотехникше-влак
- ВДНХ-н той медальже дене суапландаралтше-влак
- Социалист Пашан Талешкыже-влак (Марий Эл)