Беленков, Сергей Яковлевич
| Сергей Яковлевич Беленков | |
|---|---|
| Сергей Беленков | |
 | |
| Шочмо годсо лӱм | Сергей Яковлевич Беленков |
| Шочмо кече | 1929 ий 20 сӱрем |
| Шочмо вер | РСФСР, Брянск вел, Почеп кундем, Усошки сола |
| Колымо кече | 1997 ий |
| Колымо вер | шыжым уверде йомын |
| Гражданлык |
 СССР Россий |
| Паша сомыл | серызе, почеламутчо, журналист |
| Награде да премий | |
Сергей Яковлевич Беленков (20 сӱрем 1929, Усошки[d], Брянск губерний[d] — 1997, Марий Эл Республик) — руш серызе, почеламутчо, журналист[1][2].
Илыш корныжо
Сергей Беленков 1929 ийын сӱрем тылзын 20-шо кечынже Брянск вел Почеп кундем Усошки солаште кресаньык ешеш шочын. Тудын йоча пагытше неле сар жапыште эртен. Ачаже фронтышто кредалын, аважым бомбитлыме годым немыч-влак пуштыныт. Сергей сар деч вара гына угыч школышто шинчымашым налын[1].
1950—1953 ийлаште Совет Армийыште служиен. 1953 ийыште Марий республикыш куснен, тыште Йошкар-Оласе оласе милиций пӧлкаште служиен. 1970 ийыште Н. К. Крупская лӱмеш марий кугыжаныш педагогике институтым тунем лектын. ЭПМ органлаште 1983 ий июнь марте служиен[1].
Журналистике да сылнымутлан Краснодар край Кореновысе милиций пӧлкаште пашам ыштымыж годымак кумылаҥын. Тунам утларак «Социалистическая Кубань» газетыш милиций пашаеҥ-влак нерген статья ден очерк-влакым возен[1].
Марий Элыште Сергей Беленков йоча писатель семын палыме лийын. Марий книга савыктышыште поэзий да прозо дене икмыняр книгаже лектын. «Дружба» альманахыште чӱчкыдын савыкталтын. Тудын почеламутшо ден поэмыже-влак марла «Ончыко», «Пионер йӱк» журналлаште савыкталтыныт. Пӱртӱсым сайын палыше шке произведенийлаштыже марий чодыран моторлыкшым да поянлыкшым моктен. 1997 ий шыжым черетан чодыраш кайымыж годым колен (уверде йомын)[1].
Сергей Беленковым тауштымо кагазше шуко лийын. Кум степенян «Шылталаш лийдыме службылан», «Пашан ветеранже» медаль-влак, Марий АССР-ысе журналист-влак ушемын Чаптаныкше дене (1979) палемдалтын[1].
Тӱҥ произведенийже-влак
- Дружинники : рассказы. Йошкар-Ола, 1961. 20 с.
- Верные помощники / Шатунов Л., Беленков С. Йошкар-Ола, 1965. 54 с.
- Стихи // Перекличка над Кокшагой. Йошкар-Ола, 1967. С. 39—43.
- Космонавты : стихи. Йошкар-Ола, 1968. 16 с.
- Улыбаются росинки : сб. для детей. Йошкар-Ола. 1970. 24 с.
- Аксай : поэма. Йошкар-Ола, 1975. 16 с.
- Дождик; Самокат ; Конница : стихи // Дружба. Йошкар-Ола. 1976. С. 206.
- На поляне ; Наташа ; Шофёр : стихи // Дружба. 1977. С. 210—211.
- Стихи //Дружба. 1978. С. 200—201.
- Дождик : стихи. Йошкар-Ола, 1979. 28 с.
- В пути ; Жизнь ; Ветер ; Весна : стихи // Русское слово Марий Эл. Йошкар-Ола, 2004. С. 126—127.
Марий йылмыш кусарыме произведенийже-влак
- Корнышто ; Мардежлан ; Йоча жап…: почеламут-вл. / пер. В.Дмитриева // Ончыко. 1971. № 4. С. 68—69.
- Аксай : поэма//Ончыко. 1973. № 6. С. 72—75.
- Ужам вагон окна гыч ; Кыша ; Шошо кечын / пер. на мар. Авелина // Ончыко. 1990. № 5. С. 68.
- Икымше экзамен : ойлымаш / пер. на мар. И. Андреева // Ончыко. 1994. № 2. С. 106—116.
- Салтак; Олаҥге ; Умдыр еш…: почеламут-вл. / пер. А. Тимиркаева // Ончыко. 1997. № 7. С. 148—149.
Суаптар
[3] I степенян «Шылталаш лийдыме службылан» медаль;
[3] II степенян «Шылталаш лийдыме службылан» медаль;
[3] III степенян «Шылталаш лийдыме службылан» медаль;
[3] «Паша ветеран» медаль.- Марий АССР журналист-влак ушемын чапкагазше[1].
Палемдымаш
- ↑ 1 2 3 4 5 6 7 Сергей Беленков (руш.). mari-lab.ru. Тергыме кече: 27 кылме 2025.
- ↑ Марийцы - Беленков Сергей Яковлевич (руш.). narodudm.unatlib.ru. Тергыме кече: 27 кылме 2025.
- ↑ 1 2 3 4 Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 90.
Литератур
- Писатели Марий Эл: биобиблиографический справочник / сост.: А. Васинкин, В. Абукаев и др. — Йошкар-Ола: Марийское книжное издательство, 2008. — 752 с. С. 90-91.
- Карташев Н. Дружинники // Мар. правда. 1961. 30 мая.
- Мухачев М. Для маленьких читателей // Мар. правда. 1975. 20 сент.
- Краткая биогр. справка // Ончыко. 1990. № 5. С. 112.
- Краткая биогр. справка // Русское слово Марий Эл : произведения рус. писателей Мар. края. Йошкар-Ола, 2004. С. 126.