Барашков, Иван Васильевич

РУВИКИ — эрыкан энциклопедий гыч материал
Иван Васильевич Барашков
Барашков, Иван Васильевич.jpg
Шочмо кече 20 шыжа 1907(1907-10-20)
Шочмо вер
Колымо кече 14 сӱрем 1973(1973-07-14) (65 ий)
Колымо вер
Эл
Паша сомыл чоҥышо, инженер
Награде да премий

ZS RSFSR.jpg
Орден «Знак Почёта»  — 1966 Орден Красной Звезды  — 1953 Медаль «За боевые заслуги» — 1945 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Ивáн Васи́льевич Барáшков (20 шыжа 1907, Зуево[d], Богородск уезд[d], Моско губерний[d], Россий империй, Орехово[d], Покров уезд[d], Владимир губерний[d], Россий империй але Никольское[d], Покров уезд[d], Владимир губерний[d], Россий империй — 14 сӱрем 1973, Йошкар-Ола, Марий Автоном Совет Социализм Республик, РСФСР[d], СССР) — совет чоҥышо, инженер. Марий АССР Калык озанлык каҥашын (Совнархозын) Чоҥымаш управленийжын тӱҥ инженерже (1956—1963). РСФСР-ын сулло чоҥышыжо (1973).

Илыш корно

1907 ий 20 октябрьыште кызытсе Моско областьысе Орехово-Зуево олаште текстиль пашаеҥын ешыштыже шочын[1][2].

1929 ий ноябрьыште Чкалов областьысе Орск ола гыч Йошкар Армийыш (РККА-ш) налыныт, сарзе чоҥышо. Москосо чоҥымо техникумым, 1935 ийыште Москосо инженер-чоҥымо институтым  (руш.) (мар. тунем пытарен. Студент пагытыште СССР-ын кумдыкыштыжо 20 утла объектлан проектым ямдылымаште тыршен. 1936—1952 ийлаште Костромаште, Пензыште, Владивостокышто посна (специальный) назначениян объект-влакым чоҥен[1][2]. Кугу Ачамланде сар жапыште — 156-шо посна чоҥымо бригадын, Тихоокеанский флотышто 75-ше сарзе чоҥымо управленийын сарзе чоҥышыжо, инженер-подполковник. Сарзе службым 1955 ий майыште мучашлен. Йошкар Шӱдыр орден да «Сарзылык суаплан» медаль дене суапландаралтын[3].

1952 ийыште Йошкар-Олаш толын: УНР-202-н, 116-шо №-ан трестын тӱҥ инженерже, 1963 ий марте — марий Калык озанлык каҥашын Чоҥымаш управленийжын тӱҥ инженерже[4]. Тудын вуйлатымыж почеш Марий АССР-ын рӱдолаштыже кермыч заводым уэмдыме (реконструирватлыме), силикат кермыч, кӱртньӧ-бетон (железобетонный) конструкций-влак, «Электроавтоматика» завод-влакым, эмлымверын эмлыме корпусшым, М. Шкетан лӱмеш театрым, «Октябрь» да «Мир» кинотеатр-влакым, «Советская» унагудым чоҥымо[1][2].

1953 ийыште КПСС-ыш пурен.

1964—1970 ийлаште М. Горький лӱмеш Юл кундемсе чодыра технике институтышто (кызыт Юл кундемысе кугыжаныш технологий университет) чоҥымо паша да инженер конструкций-влак кафедрым вуйлатен, доцент лийын[1][2][5].

1973 ийыште тудлан «РСФСР-ын сулло чоҥышыжо» чаплӱмым пуымо. «Почёт Пале» орден, медаль-влак да кок гана Марий АССР Кӱшыл Каҥаш Президиумын Чаптаныкше дене суапландаралтын[1][2].

1973 ий 14 июльышто Йошкар-Олаште колен[1][2].

Чаплӱм ден суаптар-влак

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 44.
  2. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 241.
  3. ↑ 1 2 3 Барашков Иван Васильевич :: Память народа. pamyat-naroda.ru. Тергыме кече: 8 вӱдшор 2026.
  4. ↑ Достойный вклад в летопись республики. yoshkarola.bezformata.com. Тергыме кече: 8 вӱдшор 2026. Архивлыме 29 пеледыш 2023 ий.
  5. ↑ Кафедра Строительные конструкции и основания. sfmargtu.narod.ru. Тергыме кече: 8 вӱдшор 2026. Архивлыме 29 пеледыш 2023 ий.

Литератур

  • Анучина Л. А., Мочаев В. А. Барашков Иван Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 41. — 2032 экз. — ISBN 5-87898-357-0.
  • Барашков Иван Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 241. — 872 с. — 3505 экз. — ISBN 978-5-94950-049-1.
  • Анучина Л. А., Мочаев В. А. Барашков Иван Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 44. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Барашков,_Иван_Васильевич&oldid=1225744" гыч налме