Аталаева, Ольга Тихоновна

Ольга Тихоновна Аталаева
Ольга Тихоновна Аталаева
Шочмо кече	1920 ий 21 сӱрем
Шочмо вер	Шӹндӹрйӓл (кызыт — Курыкмарий, Марий Эл, Россий)
Колымо кече	2002 ий 11 шорыкйол (81 ий)
Колымо вер	Виловат, Курыкмарий кундем, Марий Эл Республик, Россий;
Паша сомыл	кайыкончышо

Ольга Тихоновна Аталаева (21 июль 1920, Шӹндӹрйӓл, Изи Сундырь вел, Чыкма кантон, Озаҥ губерний — 11 январь 2002, Виловат села, Курыкмарий вел, Марий Эл Республик) — «Вий» колхозын кайыкончышыжо, Социалист Пашан Талешкыже (22 март 1966).

Илыш корныжо

Тӱҥалтыш шинчымашан.

1939–1973 ийлаште «Видӹшӹ» («Вӱдышӧ») колхозышто пашам ыштен (кугемдыме деч вара «Прогресс», «Вий»): тӱрлӧ пашам ыштен, 1942 ий гыч кайыкончышо, кугурак кайыкончышо.

1957 ийыште «Марий АССР-ын эн сай кайыкончышыжо» лӱмым пуымо (тудо ийын 1100 чывиге гыч 1033 ончен луктын да мунчышо чыве деч кокла шот дене 108 муным налын).

1959 ийыште 4580 чывигым ончен да 4480 чывым куштен, нуно вес ийын кокла шот дене 1388 муным пуэныт. Умбакыже паша лектышыжым эшеат чот уэмден толын.

10 ий жапыште (1962–1972) колхоз кугыжанышлан муным ужалыме кугытым 60 пачаш кугемден. Марий АССР-ын калык поэтше Геннадий Матюковский тудым «кайык оласе кугыжавате» манын.

КПСС-ын 22-шо погынжын делегатше (1961). РСФСР ВС-ын депутатше (1963–1967).

Чаплӱм ден суаптарже

Социалист Паша Герой (1966)
ВДНХ-ан ший медальже (1966)
РСФСР Кӱшыл Каҥаш Президиумын Чапкагазше (1960)
Марий АССР-ын Кӱшыл Каҥаш Президиумын Чапкагазше (1955, 1956, 1957, 1959)

Шарныктыш

2004 ий гыч — тудын лӱмеш куштылго атлетике дене куржталмаш (Виловат — Шӹндӹрйӓл Курыкмарий вел Марий Эл)^[1].

Палемдымаш

↑ Мочаев, 2017, с. 37.

Литератур

40 лет Марийской АССР, 1920—1960. Марийское книжное изд-во, 1960 — 207 с.
Женщины Марийской АССР. Марийский обком КПСС. Партийный архив. Марийское кн. изд-во, 1968 — 201 с.
Аталаева Ольга Тихоновна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 234. — 872 с. — 3505 экз. — ISBN 978-5-94950-049-1.
Мочаев В. А., Опарина Т. Т. Аталаева Ольга Тихоновна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 36—37. — 606 с. — 1500 экз. — ISBN 978-5-905314-35-3.

Кылвер-влак

Аталаева Ольга Тихоновна (рус.). Сайт «Герои страны».

[_8acc014055000ca2-1] Мочаев, 2017, с. 37.

[1]