Алексеев, Василий Петрович

Василий Петрович Алексеев
Василий Петрович Алексеев
Шочмо кече	5 теле 1923
Шочмо вер	Кӱшыл Азъял, Марий автоном область, РСФСР[d], СССР;
Колымо кече	10 кылме 1986 (62 ий)
Колымо вер	Черемшанка[d], Иркутск область, РСФСР[d], СССР;
Гражданлык	СССР
Паша сомыл	Нижнеудинск химий чодыра озанлыкын молам погышыжо

Василий Петрович Алексеев (5 теле 1923, Кӱшыл Азъял, Марий автоном область, РСФСР^[d], СССР — 10 кылме 1986, Черемшанка^[d], Иркутск область, РСФСР^[d], СССР) — совет чодыра озанлыкын ончылъеҥже, Иркутск областьысе Нижнеудинск химий чодыра озанлыкыште (химлесхозын) смолам погышыжлан (вздымщиклан) тыршен, Социалистический Пашан Талешкыже (1971).

Илыш корныжо

1923 ийыште шочын. Кресаньык еш гыч. 1930-шо ийла мучаште Иркутск областьысе Нижнеудинскыш илаш куснен.

1937 ий гыч — озанлык, мер да политик пашаште. Латныл ияш мландыгӧргӧ погым руышылан (забойщиклан) тыршен. 1937—1983 ийлаште — Иркутск областьысе Нижнеудинск районысо слюдам лукмо верыште руышо (забойщик), совет-япон сарын (руш.) (мар. салтакше, «Иркутскхимчодыра» трестын Нижнеудинск чодыра йӧнозанлыкыштыже смолам кычал погышыжо (вздымщик). Иркутск областьысе чодыра йӧнозанлык кышкарыште тыршымыж годым, Алексеев пум ямдылыме планым шуко пачаш утыжден шуктен^[1].

1942 ийыште Пашазе-кресаньык Йошкар Армийыш (руш.) (мар. налыныт. Кугу Ачамланде сарын салтакше. 59-ше посна кавалерий дивизионышто служен. Япон милитарист-влак ваштареш кредалын. 1947 ийыште, демобилизаций деч вара, Неройыш пӧртылын да смолам кычал погышылан пашам ыштен.

1958 ийыште у Октябрьский чодыра кумдыкыш пашам ышташ куснен. Тысе пашаштыже кугу сеҥымашке шуын.

Паша подвиг

СССР Кӱшыл Каҥаш Президиумын 1971 ий 7 майысе Кӱштыкше почеш, чодыра да пум ыштыше йӧнозанлыкым вияҥдыме шотышто вичияш пашам шуктымаште кугу сеҥымашыш шумыжлан, Социалистический Пашан Талешкыже званийым пуымо, Ленин орденым да «Сорла ден Чӧгыт» шӧртньӧ медальым кучыктымо^[2].

Суаптар

Паша да сар суапше палемдалтын:

«Сорла ден Чӧгыт» шӧртньӧ медаль (07.05.1971)
Ленин орден (07.05.1971)
II степенян Ачамланде сар орден (11.03.1985)
«Почёт пале» орден (17.09.1966)
моло медаль-влак.

Палемдымаш

↑ Алексеев (неопр.). Тергыме кече: 5 ӱярня 2026. Архивлыме 23 теле 2017 ий.
↑ Нижнеудинск. Герои - земляки (руш.). web.archive.org. Тергыме кече: 5 ӱярня 2026.

Литератур

Бархатов Ю. М. Иркутяне — Герои Социалистического Труда. Иркутск, 2013.
Краснов П. В., Изергин В. И., Колесников А. Ю. Алексеев Василий Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 20. — 606 с. — 1500 экз. — ISBN 978-5-905314-35-3.

Кылвер-влак

Василий Петрович Алексеев (руш.). Сайт «Герои страны».

[1] Алексеев (неопр.). Тергыме кече: 5 ӱярня 2026. Архивлыме 23 теле 2017 ий.

[2] Нижнеудинск. Герои - земляки (руш.). web.archive.org. Тергыме кече: 5 ӱярня 2026.

[1]

[2]