Ӱяча
| Ӱяча | |
|---|---|
 | |
| Калыкле кухньылаш пура | |
| Марий кочкыш | |
| Эл | |
| Кочкыш | |
| Тӱҥ | |
Ӱяча — марий калыкын шере ӱян десертше, руашым изи топ сынаным нӧштылын, ӱйыштӧ кӱктат, вара шере мӱйышто чыкен луктыт. Тыгай кочкыш дене пайрем ӱстелым сылнештарат, — ты кочкышым шокшынекат, йӱштымат темлаш лиеш[1][2].
Ямдылыме йӧн
Тудо куштылгын ышталтеш, тӱҥалтыш гыч мучаш марте — 20 минут наре жап кӱлеш. Сакыр, шинчал да рум вӱдеш лугалтат, ванилин ден шулыктарыме ӱйым пыштат. Оварген шогышо руашым нӧштылыт. Ты руаш дене ӱяча-влакым кидкопаш тыртыктыл ыштат. Руаш изиш нӧлталтмеке, ӱячам шӧртняҥмешкыже ӱй подышто кӱктат. Шӧртнялгымыже тӧр лийшаш. Вара шӧртньӧ ӱяча-влакым шокшо коҥаш шулыктарыме мӱйыш чыкен луктыт[3].
Рекорд-влак
Эн шуко ӱячам Марий Эл Республикым ыштымылан 92 ий темме лӱмеш кӱэшталтын. 92 метр кужытан ӱяча шӱртӧ марий калыкын акрет годсо «Кандыра» («Веревочка») куштымашым ончыктымыж годым кӱэшталтын[3].
2023 ий 28 октябрьыште Йошкар-Оласе «Тёплая речка» трактирыште 12 повар марий мӱян топ кочкышын эн кугу порцийжым ямдыленыт. 20153 топ да 1 метр кӱкшытан, 1,6 метр диаметран «пирамидке» — тиде «Достояние Нации» рекордым регистрироватлыше Тӱнямбал реестрын представительже-влакын регистрироватлыме шкешотан тӱнямбал сеҥымаш.
Палемдымаш
Кылвер-влак
- Ӱяча на RuTube