Чубукова, Нина Васильевна

РУВИКИ — эрыкан энциклопедий гыч материал
Нина Васильевна Чубукова
Чубукова, Нина Васильевна.jpg
Шочмо кече 25 шыжа 1928(1928-10-25) (97 ий)
Шочмо вер
Гражданлык  СССР →  Россий
Паша сомыл колхоз бригадир, депутат
Награде да премий

Ленин орден — 1971 Ленин орден — 1973 Бронзовая медаль на красной ленте.png Бронзовая медаль на красной ленте.png «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Ни́на Васи́льевна Чубукóва (марлан лекмекыже — Алёхина) (шоч. 25 шыжа 1928, Ольокансер, Йоласал ял шотан илем[d]) — совет ялозанлык пашаеҥ. Марий АССР-ын Курыкмарий кундемысе Санук ялысе «Коммунизм» колхозын 12 №-ан пасу паша бригадын бригадирже (1963—1987). Кок гана Ленин орденын кавалерже (1971, 1973). Марий АССР Кӱшыл Каҥашын VIII созывысе депутатше (1971—1975).

Илыш корныжо

1928 ий 25 октябрьыште кызытсе Марий Элын Курыкмарий кундемысе Ольокансир ялысе кресаньык ешеш шочын[1][2][3].

Шочмо районысо Пистерлӓ школын 7 классшым тунем пытарен, Чыкма (Козьмодемьянский) педагогике училищыште тунемын[1][2].

1945 ийыште шочмо ялысе «Ким» колхозышто бригадирлан пашам ышташ тӱҥалын, счетовод-влакын курсыштым тунем пытарен, 1952—1963 ийлаште — тиде колхозын счетоводшо[4].

1963—1987 ийлаште — Марий АСС-ын Курыкмарий кундемысе Санук ялыште кумдаҥдыме «Коммунизм» колхозын 12 №-ан нур паша бригадын бригадирже. Тудын вуйлатымыж почеш бригаде кугу лектышан пареҥгым да шурным ончен куштен — 1 гектар гыч 313,7 центнер пареҥгым, 29,7 центнер уржам, 30,8 центнер шожым поген налын[1][2][4][5].

Марий АССР Кӱшыл Каҥашын  (руш.) (мар. VIII созывысе депутатшылан сайлалтын (1971—1975).

Марий республикын ялозанлыкыштыже сеҥымашке шумылан Ленин орден дене (кок гана), медаль-влак дене, нунын коклаште ВДНХ-н той медальже (кок гана) да Марий АССР Кӱшыл Каҥаш Президиумын Чаптаныкше дене палемдалтын[1][2]. 1967 ийыште тудлан «Марий АССР-ын эн сай лектышан шурным налше мастарже» чаплӱмым пуымо[4].

Кызыт Марий Элыште Курыкмарий районысо Санук ялыште ила[4].

Паша суаптар-влак

  • Ленин орден (1971, 1973)[1][2];
  • ВДНХ-н той медальже (26.04.1966, 1970)[1][2] — СССР калык озанлыкыште сеҥымашлан[4];
  • «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль(27.03.1970)[4];
  • Марий АССР Кӱшыл Каҥаш Президиумын Чаптаныкше (22.04.1965)[1][2] — озанлык да тӱвыра чоҥымаште чолгалыклан[4].

Палемдымаш

  1. ↑ 1 2 3 4 5 6 7 Мочаев, 2017, с. 465.
  2. ↑ 1 2 3 4 5 6 7 Энциклопедия Республики Марий Эл, 2009, с. 816.
  3. ↑ Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 26 теле 2025. Архивлыме 5 сӱрем 2023 ий.
  4. ↑ 1 2 3 4 5 6 7 В рамках подготовки к празднованию 100-летия.. | Краеведческий музей им. Н. Игнатьева | ВКонтакте. m.vk.com. Тергыме кече: 26 теле 2025. Архивлыме 5 сӱрем 2023 ий.
  5. ↑ Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 26 теле 2025. Архивлыме 5 сӱрем 2023 ий.

Литератур

  • Колесников А. Ю. Чубукова Нина Васильевна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 395. — 2032 экз. — ISBN 5-87898-357-0.}
  • Чубукова Нина Васильевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 816. — 872 с. — 3505 экз. — ISBN 978-5-94950-049-1.
  • Колесников А. Ю. Чубукова Нина Васильевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 486. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Чубукова,_Нина_Васильевна&oldid=1232239" гыч налме