Филатов, Иван Тимофеевич
| Иван Тимофеевич Филатов | ||||||
|---|---|---|---|---|---|---|
 | ||||||
| Шочмо кече | 13 шорыкйол 1925 | |||||
| Шочмо вер | ||||||
| Колымо кече | 10 ӱярня 1986 (61 ий) | |||||
| Колымо вер | ||||||
| Эл | ||||||
| Паша сомыл | прокурор | |||||
| Награде да премий |
|
|||||
Ивáн Тимофéевич Филáтов (13 шорыкйол 1925, Кугу Рязань[d] — 10 ӱярня 1986, Ӱпӧ) ― совет юрист, прокурор. Марий АССР-ын (1972―1977) да Пошкырт АССР-ын (1977―1986) прокуроржо, юстицийын 2-шо классан кугыжаныш ойпуышыжо. РСФСР-ын сулло юристше (1972).Кугу Ачамланде сарын участникше.
Илыш корныжо
1925 ий 13 январьыште Самара областьын Ставрополь районысо Кугу Рязань ялысе кресаньык ешеш шочын[1]. Пеш эр тулыкеш кодын.
1942 ийыште РККА-ш налме. Кугу Ачамланде сарын участникше: Куйбышевысе пехото училищым тунем пытарен, Ленинград фронтысо 100-шо гвардий лӱйкалыше дивизийын 304-ше гвардий лӱйкалыше полкын разведчикше, гвардий рядовой. 1944 ийыште нелын сусырген, эмгак лийын. I степенян Ачамланде сар орден да медаль-влак дене, нунын коклаште «Лӱддымылыклан» медаль дене палемдалтын[1][2][2].
1945 ий гыч ― Куйбышев областьын прокуратур органлаштыже: Куйбышевын Ленин районысо прокуратурын секретарьже, следователь, следствий пӧлкан прокуроржо, Куйбышев областьысе прокурорын алмаштышыже, икымше алмаштышыже[1].
1972―1977 ийлаште ― Марий АССР-ын прокуроржо[1].
1975―1978 ийлаште Марий АССР Кӱшыл Каҥашын IX созывысе депутатшылан сайлалтын[3].
1977―1986 ийлаште ― Пошкырт АССР-ын прокуроржо[1]. 1984 ийыште Пошкырт книга савыктышыште тудын «Администрации и профкому о дисциплине труда» книгаже лектын[4][5].
1972 ийыште тудлан «РСФСР-ын сулло юристше» чаплӱмым пуымо. «Почёт пале» орден да медаль-влак дене суапландаралтын[1].
1986 ий 10 мартыште Пошкырт АССР-ысе Ӱпӧ олаште паша кабинетыштыже, шӱм шогалмылан кӧра, колен. Ӱпӧ оласе шӱгарлаште тоеныт[1].
Чаплӱм ден суаптар-влак
- РСФСР-ын сулло юристше (1972)[1];
- «Почёт пале» орден;
- Медаль «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)[1].
- I степенян Ачамланде сар орден (1985)[6];
- «Лӱддымылыклан» медаль (СССР) (06.11.1947)[6];
- «1941—1945 ийласе Кугу Ачамланде сарыште Германийым сеҥымылан» медаль (09.05.1945)[2].
Палемдымаш
- ↑ 1 2 3 4 5 6 7 8 9 Мочаев, 2017, с. 462.
- ↑ 1 2 3 Филатов Иван Тимофеевич :: Память народа. pamyat-naroda.ru. Тергыме кече: 26 теле 2025.
- ↑ Официальный сайт Госсобрания Республики Марий Эл. old.gsmari.ru. Тергыме кече: 26 теле 2025.
- ↑ Иван Тимофеевич Филатов, Николай Васильевич Плюхин. Администрации и профкому о дисциплине труда: Пер. с рус.. — Уфа: Башк. кн. изд-во, 1984. — 231 с.
- ↑ Администрации и профкому о дисциплине труда : Пер. с рус. - Филатов И.Т.. — 1984.
- ↑ 1 2 Подвиг народа. podvignaroda.ru. Тергыме кече: 26 теле 2025.
Литератур
- Мочаев В. А. Филатов Иван Тимофеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 376. — 2032 экз. — ISBN 5-87898-357-0.
- Мочаев В. А., Габдрахманов Ф. В. Филатов Иван Тимофеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 462. — 606 с. — 1500 экз. — ISBN 978-5-905314-35-3.
- Шорыкйол тылзын 13 кечынже шочшо-влак
- 1925 ийыште шочшо-влак
- Ставрополь районышто (Самара область) шочшо-влак
- Ӱярня тылзын 10 кечынже колышо-влак
- 1986 ийыште колышо-влак
- Ӱпӧ олаште колышо-влак
- Алфавит почеш персоналий-влак
- Алфавит почеш прокурор-влак
- Российысе прокурор-влак
- СССР-ысе прокурор-влак
- I степенян Ачамланде сар орден дене суапландаралтше-влак
- «Почёт пале» орден дене суапландаралтше-влак
- «Лӱддымылыклан» медаль дене суапландаралтше-влак (СССР)
- «1941–1945 ийласе Кугу Ачамланде сарыште Германийым сеҥымылан» медаль дене суапландаралтше-влак
- РСФСР-ын сулло юристше-влак
- Ӱпӧ олаште тойымо-влак
- Кугу Ачамланде сарын разведчикше-влак
- Марий АССР-ысе Кӱшыл Каҥашын депутатше-влак
- Рядовой-влак (СССР)
- Юстицийын генерал-лейтенантше-влак
- Кугу Ачамланде сарын инвалид-влакше
- Марий Элысе юрист-влак