Тынысын тӱнямбал кечыже
| «Тынысын тӱнямбал кечыже» | |
|---|---|
| Кече | 21 Идым |
 Медиафайлы на РУВИКИ.Медиа | |
Тынысын тӱнямбал кечыже ( ООН-ын моло официал йылмыла дене: англ. International Day of Peace, араб. اليوم العالمي للسلام, исп. Día Internacional de la Paz, кит. 国际和平日, фр. Journée internationale de la paix ) — 2002 ий 21 сентябрь гыч палемдалтеш. ООН-ын Генерал Ассамблейын 36-шо сессийже дене увертаралтын (1981 ий 30 ноябрьысе A/RES/36/67-ше №-ан резолюций).
Ондак пайрем сентябрьысе кумшо кушкыжмын палемдалтын — ООН-ын Генерал Ассамблейжын сессийже почылтмо кечын. Тынысын тӱнямбал кечыжым 21 сентябрьыште пайремлыме нерген ООН-ын Генерал Ассамблейжын 55 сессийыштыже кутырен келшыме (2001 ий 28 сентябрьысе A/RES/55/282 №-ан лӱмын лукмо резолюций).
Тиде кечын Генерал Ассамблей пӱтынь тӱняште сар тулым, виешлымашым чарашлан увертарен. Тиде кечын чыла сарланыше эл-влаклан сарым чарен шогалташ темлыме.
ООН-ышто ий еда 21 сентябрьыште тӱрлӧ мероприятий-влак эртат, йӱла почеш нуно Тӱнян чаҥже воктене тӱҥалыт. Пайрем Генерал секретарьын ойлымыж гыч тӱҥалеш, туддеч вара тудо чаҥым кыра. Вара, ик тат шып шогымеке, ООН-ын лӱдыкшыдымылык Советшын председательже ойла. Тиде кечын регистраций деч посна кучымо саргуралым пӧртылташ лиеш, еҥ-влак пушеҥгым шындат, тазалыкым аралыме, спорт таҥасымашке ушнат.
Кумдан палыме Peace One Day коммерций огыл организаций сар тулым чарыме да виешлыме ваштареш шогымо пашаште ий еда кугу пашам шуктен шога.
Кечын темыже-влак
2022 ий — «Расизмым пытараш. Тӱням чоҥаш». 2021 ий — «Уло дечын сайракын» принцип почеш уэштарымаш». 2020 ий — «Тӱня дек пырля». 2019 ий — «Тыныслык лӱмеш климат». 2018 ий — «Тыныслан права: айдемын чумыр праваж шотышто деклараций деч 70 ий вара». 2017 ий — «Тыныслык верч пырля: пагалымаш, лӱдыкшыдымылык да поро лӱмнер чылаштлан». 2016 ий — «Икшырымын вияҥме шотышто цель: тыныслыкын йыжыҥже-влак. 2015 ий — «Тыныс лӱмеш келшымаш — кажнын лӱмнер пашаже». 2014 ий — «Тӱнясе калыкын тыныслан праваже». 2013 ий — «Тунеммаш тынысын шӱлышыштыжӧ». 2012 ий — «Теҥгыде тӱня, пеҥгыде ончыкылык верч». 2011 ий — «Тыныс да демократий: шке шоныметым каласе». 2010 ий — «Самырык-влак тыныслык да вияҥдымаш верч». 2009 ий — «Саргуралым пытараш». 2008 ий — «Айдемын праваже да тыныслан полыш». 2007 ий — «Тыныс — ООН-ын кӱшыл призванийже».