Турченков, Василий Матвеевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Турченков.
Василий Матвеевич Турченков
Турченков Василий Матвеевич.jpg
Шочмо кече 1922 ий 7 шорыкйол(1922-01-07)
Шочмо вер Самодуровка, Кокымшо Донысо округ, Царицын губерний, РСФСР
Колымо кече 1997 ий 14 сорла(1997-08-14) (75 ий)
Колымо вер Йошкар-Ола, Марий Эл, Россий
Гражданстве  РСФСР →  СССР →  Россий
Профессий актёр
Усталык жап 1956—1983
Амплуа трагик, комик
Театр Георгий Константинов лӱмеш руш академий драме театр, А. С. Пушкин лӱмеш Курскысо кугыжаныш драме театр, Ульяновск кундемысе драме театр, К. В. Иванов лӱмеш Чуваш драме театр
Суаптар Орден Отечественной войны II степени  — 1985 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Марий АССР-ын калык артистше (1977)
Чуваш АССР-ын сулло артистше (1970)
Марий АССР-ын Кугыжаныш премийже (1974)

Василий Матвеевич Турченков (1922 ий 7 январь, Царицын губерний — 1997 ий 14 август, Йошкар-Ола) — совет театр актёр. Марий АССР-ысе Республикысе руш драме театрын актёржо (1956—1967, 1971—1983). Марий АССР-ын калык артистше (1977). Чуваш АССР-ын сулло артистше (1970). Марий АССР Кугыжаныш премийын лауреатше (1974). Кугу Ачамланде сарын участникше.

Илыш корныжо

1922 ий 7 январьыште кызытсе Волгоград область Калачёв районысо Самодуровка ялыште шочын[1][2].

Кыдалаш шинчымаш налын[1][2].

1941 ийыште РККА-ш налыныт. Кугу Ачамланде сарын участникше: 1941 ий июльышто Минскыште пленыш логалын, I B шталагыште лийын[3]. Черетан куржмыж годым утлен да Йошкар Армий радамыш пӧртылын, рядовой. Чехословакийым утарен налмаште лийын. 1945 ийыште армий гыч демобилизоватлалтын. II степенян Ачамланде сар орден дене палемдалтын[3].

1956—1967 да 1971—1983 ийлаште — Марий АССР-ыште Республикысе руш драме театрын актёржо (кызыт — Георгий Константинов лӱмеш Руш академий драме театр)[1][2][4].

1967—1971 ийлаште — Курскысо да Ульяновскысо драме театр-влакын актёржо[1][2][5]. 1969 ийыште — Чуваш (Чебоксарысе) руш театрын актёржо.

1970 ийыште тудлан «Чуваш АССР-ын сулло артистше», а 1977 ийыште — «Марий АССР-ын калык артистше» чаплӱм-влакым пуымо. 1974 ийыште Марий АССР Кугыжаныш премий дене палемдалтын. Тыгак медаль-влак да Марий АССР Кӱшыл Каҥаш Президиумын Чапкагазше дене суапландаралтын[1][2].

1997 ий 14 августышто Йошкар-Олаште колен[1][2].

Тӱҥ роль-влак

Умбакыже В. М. Турченковын тӱҥ рольжо-влакым радамлыме[1][2]:

  • «Эдит Пиаф» А. Сухаревская
  • «Марш Акпарса» А. Крупняков
  • Борис Годунов («Царь Фёдор Иоаннович» А. Толстой)
  • «Рядовые» А. Дударев

Чаплӱм ден суаптар-влак

  • Марий АССР-ын калык артистше (1977)[1][2]
  • Чуваш АССР-ын сулло артистше (1970)[1][2]
  • II степенян Ачамланде сар орден (06.04.1985)[3]
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970)
  • Марий АССР-ын Кугыжаныш премийже (1974) — А. Толстойын пьесыж почеш «Царь Фёдор Иоаннович» спектакльыште Борис Годуновын рольжылан[1][2]
  • Марий АССР Кӱшыл Каҥаш Президиумын Чапкагазше (1982)[1][2]

Палемдымаш

  1. ↑ 1 2 3 4 5 6 7 8 9 10 11 Мочаев, 2017, с. 451.
  2. ↑ 1 2 3 4 5 6 7 8 9 10 11 Энциклопедия Республики Марий Эл, 2009, с. 768.
  3. ↑ 1 2 3 Тубченков Василий Матвеевич :: Память народа. pamyat-naroda.ru. Тергыме кече: 14 кылме 2024.
  4. ↑ Золотова Татьяна Аркадьевна, Плотникова Екатерина Андреевна. Провинциальные театральные сообщества России: Проблемы изучения (На материале сообществ Республики Марий Эл) // Вестник Марийского государственного университета. — 2022. — Т. 16, вып. 2 (46). — С. 238–251. — ISSN 2072-6783.
  5. ↑ Василий Турченков. Новогодняя песня, лети: В помощь заведующим сельскими клубами. — Ульяновск: б. и., 1965. — 23 с.

Литератур

  • Терехова А. В. Турченков Василий Матвеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 368. — 2032 экз. — ISBN 5-87898-357-0.
  • Турченков Василий Матвеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 768. — 872 с. — 3505 экз. — ISBN 978-5-94950-049-1.
  • Терехова А. В., Мочаев В. А., Щеглов С. А. Турченков Василий Матвеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 451. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Турченков,_Василий_Матвеевич&oldid=1198759" гыч налме