Тверитинов, Дмитрий Иванович

Дмитрий Иванович Тверитинов
Дмитрий Иванович Тверитинов
Шочмо кече	1923 ий 7 кылме
Шочмо вер	Руш Мосара ял, Марий Турек район, Марий Эл
Колымо кече	1953 ий
Колымо вер	Калинин
Пурымаш	СССР
Войскан родшо	пехото
Службо жап	1942—1947
Званий
Кредалмаш/сар	Кугу Ачамланде сар

Дмитрий Иванович Тверитинов (7 кылме 1923, Руш Мосара, Марий автоном область — 2 шыжа 1953, Тверь) — Совет Армийын капитанже, Кугу Ачамланде сарын салтакше, Совет Ушемын Талешкыже (1945).

Илыш корныжо

Дмитрий Твертинов Руш Мосара ялеш 1923 ий 7 ноябрьыште (тений Марий Турек район) кресаньык ешыште шочын. Шым классым тунем пытарымек, колхозышто пашам ыштен. 1942 ий ноябрьыште Тверитинов Пашазе-кресаньык Йошкар Армийыш службыш налалтын, службо Юл округысо 9-ше посна ече бригадыштыже эртен. 1943 ий январь гыч — Кугу Ачамланде сарын фронтлаштыже. Брянск, Рӱдӧ, 1-ше, 2-шо, 3-шо Белорус, фронтлаште кредалын. 1943 ийыште младший командир кышкарысе пашалан тунемын, изирак лейтенант лӱмпалым налын. Кредалмаште куд гана сусырген, контузий лийын^[1]. Малоархангельск, Гомель олам утарымаште, Белорус ден Эрвел-Пруссийысе операцийлаште кредалын.

1944 ий сентябрьыште изирак лейтенант Дмитрий Тверитинов 1-ше Белорус фронтысо 48-ше армийын 399-ше стрелковый дивизийын 1343-шо стрелок полкын ротыж дене командоватлен. Польшым утарымаште поснак ойыртемалтын. 1944 ий 3 сентябрьыште Твертиновын ротыжо Рынек ял кундемыште немыч-влакын шогымо кумдыкым йыр савырнен, тушман ӱмбаке керылтын, нунылан кугу йомдарымашым ыштымек, обороным кӱрлаш сеҥашлан йӧным ыштен. 1944 ий 4 сентябрьыште Тверитинов тушманын кугу тулжым ончыде, шке ротыж дене ик эн ончыч Нарев эҥерым форсироватлен, плацдарым налын да тушан ӱшанлын верланен. Тушманын чактараш тыршымыжым кучышыла, тудын илыше вийжым да техникыжым ик ротын куатше дене гына пытарышыла, Тверитинов моло стрелковый подразделений-шамычлан вончаш полшен, а вара касвел сереш плацдармым лопкаҥдышаш верч кредалмаште чолган кредалын^[1].

СССР Кӱшыл Каҥаш Президиумын 1945 ий 24 мартысе кӱштыкше дене «немыч руалтыше-влак дене кучедалме фронтышто командованийын сарзе кӱштыкшым сайын шуктымыжлан да тидын годым патырлыкым да талылыкым ончыктымыжлан» изирак лейтенант Дмитрий Тверитинов Совет Ушемын Талешкыже чаплӱмым сулен, Ленин орден ден 6112 номеран «Шӧртньӧ Шӱдыр» медальым кучыктымо^[1].

Сеҥымаш Парадыште лийын. Сар деч вара Прибалтикысе сарзе округын 83-шо да 5-ше стрелковый дивизийлаштыже рото командирлан служиен. 1947 ийыште Тверитинов капитан лӱмпале дене шапашыш каен. Илен да пашам ыштен Калининград кундемын Гвардейск вел Знаменск посёлкышто. Знаменскысе кагаз фабрикыште шофёрлан пашам ыштен. 1953 ийыште родо-влак деке Калининыш мийыме годым аппендцит деч вучыдымын колен. Тверьыште Икымше май шӱгарлаште тоеныт^[1]^[2].

Суаптар

Тыгак Йошкар Тисте да Йошкар Шӱдыр орден-влак, икмыняр медаль дене палемдалтын^[1].

Шарныктыш

Марий Турек районысо Хлебниково селаште урем ден школ-влак Тверитинов лӱм дене лӱмдалтыныт^[1].

Палемдымаш

↑ ¹ ² ³ ⁴ ⁵ ⁶ Дмитрий Иванович Тверитинов (руш.). Сайт «Герои страны».
↑ Первыми атаковав врага, младший лейтенант Дмитрий Тверитинов и его товарищи помогли своему полку быстро захватить немецкие траншеи, укрепленные проволочным заграждением и минным полем (неопр.). www.marpravda.ru. Тергыме кече: 11 вӱдшор 2020. Архивлыме 11 вӱдшор 2020 ий.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Кылвер-влак

Дмитрий Иванович Тверитинов (руш.). Сайт «Герои страны».

[wh-1] ¹ ² ³ ⁴ ⁵ ⁶ Дмитрий Иванович Тверитинов (руш.). Сайт «Герои страны».

[2] Первыми атаковав врага, младший лейтенант Дмитрий Тверитинов и его товарищи помогли своему полку быстро захватить немецкие траншеи, укрепленные проволочным заграждением и минным полем (неопр.). www.marpravda.ru. Тергыме кече: 11 вӱдшор 2020. Архивлыме 11 вӱдшор 2020 ий.

[1]

[2]