Суворов, Венедикт Декартович
| Венедикт Декартович Суворов | |
|---|---|
 | |
|
| |
 Марий Эл Республикын цифран вияҥмаш министрже
 |
|
| 01.01.2023 — 12.01.2026 | |
| Регионым вуйлатыше | Юрий Викторович Зайцев |
|
|
|
| Шочын |
5 кылме 1955 (70 ий) |
| Шинчымаш | |
| Награде | |
Венедикт Декартович Суворов (шоч. 5 кылме 1955, Шопкер, Кугусола ял шотан илем[d]) — 2023 ий 1 январь гыч 2026 ий 12 январь марте Марий Эл Республикын цифран вияҥмаш министрже. Тиддеч ончыч тудо Марий Эл Республикын Информатизаций да кыл департаментшым вуйлатен[1]. Россий Федерацийын кыл да увер шотышто сулло пашаеҥже.
Илыш корныжо
Марий АССР Курыкмарий район Шопкер (курыкмар. Шапкилä) ялыште шочын[2].
1978 ийыште М. Горький лӱмеш Марий политехник институтым (МарПИ) «РЭА-м конструироватлымаш да ыштымаш» специальность дене тунем лектын, институтым тунем пытарымеке, Совет Армий радамыште служитлен[2].
1980 гыч 1993 ий марте СССР Министр-влак каҥаш пеленсе микробиопром Тӱҥ виктемын контроль да автоматике прибор-влакын опытно-конструкторский бюроштыжо инженер должностьлаште, Йошкар-Оласе «Биопром» заводын инженер-конструкторжо да вӱдышӧ инженерже лийын пашам ыштен[2].
1993 ий гыч «Мартелком» ОАО-н техник службын вуйлатыше должностьлаштыже пашам ыштен, «Мартелком» ОАО-н шотлышо рӱдержын начальникше (2002 ий гыч «ВолгаТелеком» ОАО-н Марий Эл Республикысе филиалже)[2].
2011 ий 1 январь гыч Марий Эл Республикын Информатизаций да связь департаментшым вуйлатышылан шогалтыме. Регионын информатизацийже верч вуйын шогышо еҥ лийын[2][3].
Марий Эл Республик Вуйлатыше Юрий Зайцевын 29.12.2022 ийысе 258-ше номеран Кӱштыкшӧ дене Суворов Венедикт Декартовичым 2023 ий 1 январь гыч Марий Эл Республикын цифровой вияҥмаш министржылан шогалтыме, а тиддеч ончыч Марий Эл Вуйлатыше Юрий Зайцевын 2022 ий 26 октябрьысе 172-шо номеран «Марий Эл Республикын исполнительный власть орган-влакшын структурышт нерген» Кӱштыкшӧ почеш Марий Эл Республикын Информатизаций да связь департаментше Марий Эл Республикын Цифровой вияҥмаш министерствышкыже савырнышаш ыле[4][5].
Суаптар-влак
- Россий Федерацийын кыл да увер шотышто сулло пашаеҥже (2025 ий 17 сентябрь)[6].
- Марий Эл Республикын кугыжаныш премийже — «Марбил» автоматизироватлыме шотлымаш системым ямдылымылан да шыҥдарымылан (проект вуйлатыше) (2001)[2].
Палемдымаш
- ↑ Кидшер (2023-01-16), Суворов Венедикт Декартович, <https://kidsher.ru/ru/dossier/41146/>. Тергыме: 7 идым 2025.
- ↑ 1 2 3 4 5 6 Марийская биографическая энциклопедия-2, 2017, с. 426.
- ↑ Главой Минцифры Марий Эл стал руководитель цифрового департамента региона, <https://www.tadviser.ru/index.php/%D0%9F%D0%B5%D1%80%D1%81%D0%BE%D0%BD%D0%B0:%D0%A1%D1%83%D0%B2%D0%BE%D1%80%D0%BE%D0%B2_%D0%92%D0%B5%D0%BD%D0%B5%D0%B4%D0%B8%D0%BA%D1%82_%D0%94%D0%B5%D0%BA%D0%B0%D1%80%D1%82%D0%BE%D0%B2%D0%B8%D1%87>. Тергыме: 7 идым 2025.
- ↑ Венедикт Суворов возглавил Министерство цифрового развития Марий Эл, <https://www.marpravda.ru/news/sociym/venedikt-suvorov-vozglavil-ministerstvo-tsifrovogo-razvitiya-mariy-el/>. Тергыме: 7 идым 2025.
- ↑ Венедикт Суворов займет пост министра цифрового развития Марий Эл (руш.). Волжская правда. Тергыме кече: 7 идым 2025.
- ↑ Указ Президента Российской Федерации от 17.09.2025 № 659 ∙ Официальное опубликование правовых актов (руш.). publication.pravo.gov.ru. Тергыме кече: 18 идым 2025.
Литератур
- Опарина Т. Т. Суворов Венедикт Декартович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 426. — 606 с. — 1500 экз. — ISBN 978-5-905314-35-3.
Кылвер-влак
- Министр цифрового развития Республики Марий Эл (руш.). Официальный портал Республики Марий Эл. Тергыме кече: 7 идым 2025.
- Путин присвоил звание заслуженного работника связи и информации России главе Минцифры Марий Эл.
