Стрелец часамла
| Иоанн Крестительын часамлаже | |
|---|---|
 | |
| Эл | |
| Верланымаш | Чыкма |
| Адрес | Карл Маркс площадь / Ленин урем, 32 |
| Конфессий | православий |
| Патриархат | Москосо |
| Епархий | Йошкар-Оласе да Марий |
| Оралтын тӱрлылыкшӧ | Шатёр сынан часамла |
| Негызлалтын | 1696 |
| Негызлыше | чыкма стрелец-влак |
| Чоҥымаш | 1696—1697 годы |
| Могай улмо | ыштыше |
| Статус |
Кугыжаныш арала 121510257970006 |
 |
|
Стрелец часамла (Иоанн Крестительын часамлаже, Стрелец башня) (руш. Стрелецкая часовня (Часовня Иоанна Крестителя, Стрелецкая башня)) — Россий, Марий Элысе Чыкма оласе черке архитектурын шарныктышыже. Федерал категориян да аралыме вер-шӧр[1].
Сӱретлымаш
Часамла Юл эҥерын серӱмбалныже верланен, йырже ужар шудан мланде дене авыралтын. Кумдыкшо дене тудо 5,8 х 6,3 м кугытан ныл лукан (четверик) улеш. Часамлан кугурак ужашыжым ыресан туврашан (свод) пӧлем айла, а ӱлыл ужашыже (подвал)— коробкасе сводан. Часамла кандаш лукан шатёр дене мучашлалтын да ыресан изи купол дене сӧрастарыме. Порталын раш койшо очелье да тӧрза дене ваялалтмыже, кӱкшӧ шатёр — чыла тиде XVI курымысо руш стиль дене чоҥалтын. Шарныктыш ден мланде Чыкман Троице черкысе общиныжын пого поянлыкшылан шотлалтеш[1].
Эртымгорно
1698 ийыште, Пӧтыр I-ын Азов ваштареш походлаш коштмыж лӱмеш, Чыкмасе стрелец-влак чоҥеныт да Спас-Юнго монастырьлан пуэныт, а 1767 ийыште, монастырьым петырымеке, — Чыкмасе Троицкий черкылан[1].
1917 ий деч вара часамлаште керосин лапкым ыштеныт, вара тудо кужу жап яра шоген. 1979 ийыште часамлан оралтыжым ачален чоҥеныт, шатёржым уэш нӧлталыныт. Проектын авторжо — Р. М. Гайнуллин, Озаҥ. 2003 ийыште часамлам уэш ачаленыт, кӧргыжым уэмден сӱретлаш тӱҥалыныт[1].
Палемдымаш
- ↑ 1 2 3 4 Энциклопедия Республики Марий Эл, 2009, с. 811.
Литератур
- Часовня Стрелецкая // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 811. — 872 с. — 3505 экз. — ISBN 978-5-94950-049-1.