Илышым Пуышо Кумъеҥ черке (Чыкма)
| Православий храм | |
| Илышым Пуышо Кумъеҥ черке | |
|---|---|
 | |
| 56°20′36″ с. ш. 46°33′45″ в. д.GЯO | |
| Эл | |
| Верланымаш | Чыкма |
| Епархий | Йошкар-Ола |
| Благочиний | Курыкмарий |
| Негызлалтын | 1733 |
| Чоҥымаш | 1733 |
| Статус |
 Россий калыкын тӱвыра югыпого объектше - регион кӱкшытан. Рег. № 121510209920005 (ЕГРОКН). Объект № 1200000385 (БД Викигида) |
| Сайт | st-troica-kosma.cerkov.ru |
 |
|
 РУВИКИ.Медиаште медиафайл-влак | |
Илышым Пуышо Кумъеҥ (Троице) черке (руш. Храм Троицы Живоначальной) (Эншнуй Кумьеҥын Черкыже, Шнуй-Кумъеҥ черке руш. Церковь Пресвятой Троицы, Свято-Троицкая церковь) — Марий Эл Республикын Чыкма оласе Руш православийын Йошкар-Ола епархийжын черкыже. Архитектур шарныктыш.
Эртымгорно
Храмым 1733 ийыште чоҥымо. Чаҥоралтым XIX курым тӱҥалтыште нӧлтымӧ[1]. XX курым тӱҥалтыште черкыште кум шелык лийын: тӱҥжӧ — Эншнуй Кумьеҥ лӱмеш, пурлаже — Эншнуй Юмынаван Благовещенийже лӱмеш да шолаже — Юмынаван Кон юмоҥаж лӱмеш. Храмыште тиде юмоҥан ю куатым лукмо радамжым возымо аралалтын, тудын дене кажне ийын 4—18 июльышто Палец ялыш ырес дене кумал коштмаш эртаралтын, тушто юмоҥам мумо улмаш[2].
1938 ийыште храмым петыреныт да илыме верыш савыреныт. 1989 ийыште тудым Руш православий черкылан пӧртылтымӧ. XXI курым тӱҥалтыште храмыште Шнуй Кумьеҥ лӱмеш тӱҥ шелык да Юмынаван Кон юмоҥаж лӱмеш ешартыш шаге уло, тыгак Стрелец часамла (1697) возалтын[2].
Архитектур
Храмын тӱҥ оралтыже, XVII курымлан келшыше, куб сынан стиль дене чоҥымо. Ныл тайылан леведыш ӱмбалне вич вуй нӧлталтеш. Кубын касвелныже кочмо-йӱмӧ пӧрт пызнен, тудо, варасе классицизм сынан, кум пачашан, ныл пырдыжан чаҥоралте дене ушалтын[2].
Палемдымаш
- ↑ Бокарёв А. Церковь Троицы Живоначальной в Козьмодемьянске. temples.ru (2 шорыкйол 2010). Тергыме кече: 13 шыжа 2020. Архивлыме 14 шыжа 2020 ий.
- ↑ 1 2 3 Церковь Пресвятой Троицы. Марийская митрополия. Тергыме кече: 13 шыжа 2020. Архивлыме 13 шыжа 2020 ий.