Саваткова, Анна Андреевна

Анна Андреевна Саваткова
Шочмо кече	20 шыжа 1925(1925-10-20)
Шочмо вер	Яштуга, Марий автоном область, РСФСР
Колымо кече	2 сорла 2001(2001-08-02) (75 ий)
Колымо вер	Йошкар-Ола, Марий Эл Республик, Россий
Эл	СССР  Россий
Шанче алан	филологий[d]
Паша вер	Йылмым, литературым да историйым шымлыше марий институт
Образований	Н. К. Крупская лӱмеш Марий кугыжаныш педагогике институт Российысе шанче академийын Йылмышанче институтшо[d] (1953)
Шанче степень	филологий шанче кандидат[d] (1953)
Палыме	марий йылмым шымлыше

Анна Андреевна Саваткова (20 шыжа 1925, Яштуга, Марий автоном область, РСФСР — 2 сорла 2001, Йошкар-Ола, Марий Эл Республик, Россий) — марий филолог да педагог. Палыме финн-угровед. Курыкмарий лексикологийым, диалектологийым да орфографийым, курыкмарий-руш йылме кылым шымлыше.

Илыш корно

Чыкмасе педагогике училищым тунем пытарен (1939—1942), тидын деч вара шочмо ялыштыже тӱҥалтыш школышто туныктышылан пашам ыштен. Марий педагогике институтын литератур факультетшым руш йылме да литератур, марий йылме да литератур туныктышо специальность дене тунем лектын (1945—1949). 1949—1953 ийлаште СССР шанче академийын Йылмышанче институтшо пеленсе аспирантурышто ямдылалтын, тудым тунем пытарымеке, «Марий йылмын курыкмарий наречийыштыже руш йылме гыч кӱсынлымӧ мут-влак» («Русские заимствования в горном наречии марийского языка») темылан (палыме финн-угровед-влак Д. В. Бубрих ден В. И. Лыткинын шанче вуйлатымышт почеш) кандидатлык диссертацийым арален (1953 ий 20 октябрьыште). Тушто Саваткова курыкмарий наречийыште руш йылме гыч кӱсынлымӧ лексикым палемден, руш йылмын кӱсынлаш келшен толшо диалектше-влакым рашемден, тыгак тыгай кӱсынлымӧ мут-влакын системе почеш фонетике да морфологий вашталтышыштым ойырен луктын. 1953 ий сентябрь гыч 1956 ий июль марте Йылмым, сылнымутым да историйым шымлыше марий институтышто пашам ыштен: изирак шанче пашаеҥ (тӱҥалтыш тылзылаште), йылме секторын кугурак шанче пашаеҥже (1953 ий декабрь ыч). 1958—1961 ийлаште Марий педагогике институтышто туныктен, кок ий жапыште руш йылме кафедрыште ассистент лийын, ик ий — тӱҥалтыш класс-влак кафедрыште кугурак туныктышо. 1961 ий декабрьыште шанче-шымлыше институтыш пӧртылын, кушто 19 ий наре кугурак шанче пашаеҥ должностьышто тыршен. Сулло канышыш лекмеке, 1980 ий гыч 1985 ий марте, идалыкыште кок тылзе дене пашам ыштен. 2001 ий 2 августышто илыш дене чеверласен.

Тӱҥ паша-влак

• Изучение рода имен существительных русского языка в марийской семилетней школе // В помощь учителю. — Йошкар-Ола, 1948.
• Мары орфографический словарь. — Йошкар-Ола, 1956. (курыкмар.)
• Марийско-русский словарь (руш.) / Соавт.: Асылбаев А. А., Васильев В. М., Рыбакова И. Г.. — М., 1956.
• Мары йӹлмӹ (учебник для 4 класса горномарийских школ). — Йошкар-Ола, 1957, 1959, 1961, 1973 и т. д.. (курыкмар.)
• Русско-марийский словарь (Буквы Б, Е, Ё, 3) (руш.). — М., 1966.
• О калькировании в марийском языке // Вопросы марийского языкознания. — Йошкар-Ола, 1964. — Вып. I. — С. 37—44.
• Русские заимствования в марийском языке (руш.). — Йошкар-Ола, 1969.
• Некоторые особенности в употреблении форм глаголов повелительного наклонения горного наречия марийского языка // Вопросы советского финноугроведения : Саранск. — 1972. — С. 74—75.
• Несколько замечаний об устаревших словах горного наречия марийского языка // Вопросы марийского языкознания. — Йошкар- Ола, 1973. — Вып. III. — С. 58—60.
• Некоторые особенности в образовании форм повелительного наклонения горного наречия // Вопросы марийского языка. — Йошкар-Ола, 1975. — С. 102—106.
• Имена и прозвища людей в горном наречии марийского языка // Тезисы докладов на научной сессии по итогам работы за 1971—1975 годы. — Йошкар-Ола, 1976. — С. 75—78.
• Развитие горномарийской письменности // 200 лет марийской письменности. — Йошкар-Ола, 1977. — С. 140—143.
• Мары орфографический словарь. — Йошкар-Ола, 1978. (курыкмар.)
• Словарь горного наречия марийского языка (руш.). — Йошкар-Ола, 1981.
• Горное наречие марийского языка (руш.). — Савария, 2002.
• Словарь горномарийского языка (руш.). — 2-е изд., перераб. и доп.. — Йошкар-Ола: Мар. кн. изд-во, 2008.
• Словарь марийского языка (1990-2005) (руш.) / Соавт. — горная часть марийского языка.

Шарнымаш

2025 ий 8 декабрьыште, Марий Тиште кече вашеш, Йошкар-Олаште, шанчызын 1971 ий гыч 2001 ий марте илыме пӧртешыже, шочмыжлан 100 ий теммылан пӧлеклалтше мемориал оҥам почмо.

Палемдымаш

Литератур

• Женщины Марийской АССР (руш.). — Йошкар-Ола, 1968. — С. 143—144.
• Лаврентьев Г. Рецензия на книгу «Русские заимствования в марийском языке» // Советское финно-угроведение. — 1971. — № 1. — С. 55—60.
• Исанбаев Н. Шочмо йылмын ямже // Марий коммуна : газет. — 1975. — 24 октябрь. (мар.)
• Лаврентьев Г. Рецензия на «Словарь горного наречия марийского языка» // Советское финно-угроведение. — 1982. — № 4. — С. 300.
• Эсенес Г. Словарь горного наречия // Марийская правда. — 1982. — 5 январь.
• А. А. Саваткова. Некролог // Марий Эл : газет. — 2001. — 3 август. (мар.)
• Сибатрова С. С. Илышыжым паша сотемдарен // Марий Эл : газет. — 2001. — 11 сентябрь. (мар.)
• Сибатрова С. С. Икымше кугу шымлымаш // Марий Эл : газет. — 2003. — 6 май. (мар.)
• Сибатрова С. С. Анна Андреевна Саваткова — исследователь родного марийского языка (к 90-летию со дня рождения) // XIV Игнатьевские чтения : Материалы докл. и выступлений на Респ. науч. конф., посвящ. Году культуры в России (Козьмодемьянск, 1 апр. 2014 г.). — Йошкар-Ола, 2015. — С. 59—63.
• Сибатрова С. С. Кырык мары лӹмлӹ йӹлмӹзӹ (Анна Андреевна Саваткован шачмыжылан – 90 и) // У сем. — 2015. — № 3. — С. 62–66. (курыкмар.)
• Марийские лингвисты: биобиблиографический сборник (руш.) / сост.: И. Г. Иванов, В. Н. Васильев, В. Н. Максимов. — 3-е, испр. и доп.. — Йошкар-Ола: Мар. гос. ун-т, 2016. — С. 409—412.