Роҥго (Изи Кундышын эҥерйолжо)
| Роҥго | |
|---|---|
| руш. Ронга | |
| Сынже | |
| Кужыт | 36 км |
| Вӱдкундем | 172 км² |
| Вӱд йогымаш | |
| Вӱдшинча | |
| • Кӱкшыт | > 153,1 м |
| • Координат | 56°52′46″ с. ш. 48°29′59″ в. д.GЯO |
| Аҥ | Изи Кундыш |
| • Верланымаш | 78 км пурла сер дене |
| • Кӱкшыт | 111,7 м |
| • Координат | 56°38′42″ с. ш. 48°31′59″ в. д.GЯO |
| Верланымаш | |
| Вӱд системе | Изи Кундыш → Изи Какшан → Юл → Каспий теҥыз |
|
|
|
| Эл | |
| Регион | Марий Эл |
| Район- | Советский район |
| ГВР код | 08010400712112100001272[1] |
| ГКГН номер | 0218897 |
|
|
|
 — исток,  — устье |
|
 |
|
Роҥго (руш. Ронга) — Российысе эҥер, Марий Эл Республикын Советский районыштыжо йога. Эҥерын вӱд аҥже Изи Кундышын пурла серыштыже 78 уштышыште верланен. Эҥерын кужытшо 36 уштыш, вӱд погымо кумдыкшо 172 уштыш²[2]. Вӱд аҥ деч 5,6 уштыш тораште, шола могырым, Кӱржа эҥер йоген пура.
Эҥерын вӱдмучашыже Советский посёлко деч 13 уштыш йӱдвел-эрвел могырыш, Жиган ял воктене, улеш. Эҥер кечывалвелыш йога, эҥер серыште шуко калык ила, Роҥго Жиган, Шоптрэҥер, Шогале, Колянур, Удельный, Гришино, Вечын, Опанассола, Калтаксола ял-влак гоч йога. Ӱлнырак Советский посёлкын эрвел могырыштыжо йога, тудым Вокан да Шулин ял-влак деч ойыра. Советский деч ӱлнырак Купшӱльӧ да Памашсола ял-влак гоч йога, тыгак Ронго кугу села гоч, тушто эҥер шола могырышто шкенжын эн кугу йогынжо — Кӱржа эҥер дене ушна. Пытартыш уштыш-влакше купан чодыра гоч эртат, тушто Изи Кундышыш йоген пура. Эҥерыште икмыняр пӱя да плотина уло (Шогале, Вечын, Вокан, Памашсола ял-влак воктене).
Вӱд реестрын уверже-влак
Россий кугыжаныш вӱд реестрын уверже почеш Кӱшыл Юл вӱдкучымысе йырвелыш пура, эҥерын вӱд озанлык кумыкшо — Юл эҥерын Шупашкар гидропышкем гыч Озаҥ ола марте, Свияга да Цивиль эҥер-влак деч посна, эҥерын эҥерысе вӱдкучем мландыже — Юл эҥерыш Ока эҥерын йоген пурымыж гыч Куйбышев вӱдкучем марте (Шур вӱдкучемым шотлыде). Эҥерын эҥерысе вӱдкучемже — (Кӱшыл) Юл Куйбышев вӱдаралтыш марте (Ока вӱдкучемым шотлыде)[2].
Вӱд поянлык шотышто федерал агентствын ямдылыме, РФ кумдыкысо вӱдозанлыкым район шот дене шымлыше геоувер кышкарын палдарымыж почеш[2]:
- Вӱд погын Кугыжаныш вӱд реестрысе кодшо — 08010400712112100001272
- Гидрологий шымлымаш (ГШ) почеш кодшо — 112100127
- Вӱдкучышын кодшо — 08.01.04.007
- ГШ почеш томын номерже — 12
- ГШ почеш лекмыже — 1
Палемдымаш
- ↑ Ресурсы поверхностных вод СССР: Гидрологическая изученность. Т. 12. Нижнее Поволжье и Западный Казахстан. Вып. 1. Нижнее Поволжье / под ред. О. М. Зубченко. — Л.: Гидрометеоиздат, 1966. — 287 с.
- ↑ 1 2 3 Ронга : [руш.] / textual.ru // Государственный водный реестр : [арх. 2013 ий 15 октябрь] / Минприроды России. — 2009. — 29 март.