Парфенчиков, Артур Олегович

РУВИКИ — эрыкан энциклопедий гыч материал
Артур Олегович Парфенчиков
Артур Парфенчиков.jpg
Флаг
Карелий Республикын вуйлатышыже
Флаг
2017 ий 25 сентябрь
(врио 2017 ий 15 февраль — 25 сентябрь)
Президент Владимир Путин
Ончычсо пашаеҥ Александр Худилайнен
Шочын 29 кылме 1964(1964-11-29) (61 ий)
Партий КПСС (1987—1991)
партийдыме (1991—2017)
Икоян Россий (с 2017 гыч)
Образований
Награде
Почёт орден (Россий) II степенян «Ачамланде ончылно суаплан» орденын медальже медаль «За укрепление боевого содружества» медаль «За содружество во имя спасения»
Россий Федерацийын сулло юристше орден имени Ахмата Кадырова
медаль Анатолия Кони Медаль Фёдора Гааза медаль «За воинскую доблесть»
Лӱмынлык званий але классан чин
Званий Россий Федераций юстицийын 1-ше классан действительный кугыжаныш советникше[d]
Логотип РУВИКИ.Медиа РУВИКИ.Медиаште медиафайл-влак

Артур Олегович Парфенчиков (шоч. 29 кылме 1964, Петрозаводск) — Российысе кугыжаныш пашаеҥ. 2017 ий 25 сентябрь гыч Карелий Республикын вуйлатышыже (2017 ий 15 февраль гыч 25 сентябрь марте жаплан сомылым шуктышо)[1]. Тиде постыш кок гана сайлалтын.

2008 ий 29 декабрь гыч 2017 ий 15 февраль марте Федерал суд пристав службын директоржо — Россий Федерацийын тӱҥ суд приставше. Россий Федераций юстицийын 1-ше классан действительный кугыжаныш советникше.

Илыш корно

Артур Парфенчиков Петрозаводскышто шочын, йоча пагытше Питкяранта район Кирккоёки ялыште эртен[2]. 1982 ийыште Петрозаводскысо 17 №-ан школым тунем пытарен. Школышто тунеммыж годым коньки дене куржталме спортлан кумылаҥын, СССР спорт мастерыш кандидатын норматившым шуктен, «Динамо» спорт ушемлан выступатлен.

Тунеммаш

1987 ийыште Парфенчиков Ленинградысе А. А. Жданов лӱмеш кугыжаныш университетын (ЛКУ) юридический факультетшын кечывалымсе отделенийжым тунем пытарен. Дмитрий Медведев да Константин Чуйченко дене ик группышто тунемын[2].

Паша корно

Карелийысе Прокуратурышто

1987—1988 ийлаште Парфенчиков — Олонец район прокурорын полышкалышыже должность дене Карел АССР Прокуратурын стажёржо.

1988 ийыште — Олонец район прокурорын полышкалышыже.

1988—1991 ийлаште — Олонец район прокуратурын следовательже.

1991—1995 ийлаште — Сортавала олан прокуроржын алмаштышыже.

1995—2000 ийлаште — Петрозаводск олан прокуроржын алмаштышыже.

2000—2006 ийлаште — Петрозаводск олан прокуроржо. Суд пристав-влакын службыштым эскерен шоген.

2006 ийыште Парфенчиков Петрозаводскын мэржым вигак сайлымым шогалтымаш дене алмаштыме верч ойлен[3].

Суд пристав службышто

2006 ий июльышто Парфенчиковым Россий ФССП-ын Санкт-Петербургысо Управленийжын вуйлатышыжлан — Санкт-Петербургын тӱҥ суд приставшылан шогалтыме.

2007 ийыште Парфенчиковым Россий ФССП директорын алмаштышыжлан — Россий Федерацийын тӱҥ суд приставшын алмаштышыжлан шогалтыме[4]. Исполнительный производствым вораҥдарыме Управленийым да парыман-влакын погыштым ужалыме пашам вораҥдарыме Управленийым, тидын шотыштак парыман-влакын погыштым кычалмым эскерен.

2008 ий 29 декабрь гыч Парфенчиков 2017 ий 15 февраль марте — Россий ФССП директор — Россий Федерацийын тӱҥ суд приставше[5].

Карелий Республикым вуйлатыше

2017 ий 15 февральыште Парфенчиковым Карелий вуйлатышын сомылжым жаплан шуктышылан шогалтыме[6].

2017 ий 10 сентябрьыште Парфенчиков Карелий вуйлатышым сайлымаште сеҥен, сайлыше-влакын 61,34 % йӱкыштым поген. Кандидатым «Икоян Россий» темлен[7][8]. 2017 ий 25 сентябрьыште Карелий Республикын вуйлатышыже должностьыш шогалын[1].

2018 ий ноябрьыште федерал СМИ-ште Парфенчиковын воткыллаште возымыжым кумдан канашеныт, тушто тудо Суоёки посёлкышто илыше ӱдырамашлан улыжат ик йочажлан йоча садым чоҥаш кӱштен йодмыжлан шыдын вашештен. Тошто садикым сӱмырлаш шумыжлан да йоча-влаклан лӱдыкшӧ улмыжлан кӧра петырымеулмаш. Ача-ава-влаклан йочаштым пошкудо илыверласе тунемме тӧнежлашке кондыштмым вораҥдарашаш темлыме, но ӱдырамаш тореш лийын. Республик вуйлатыше посёлкышто илыше Анна Власовалан возен: «Кум ий марте шинчыза, кова-влак дене кутырен келшыза, няньым тарлыза. Кузе чыланат ыштат». Ик вашеш возымылан тудо тыгай ой дене вашештен: «Тендан йочада нерген тек тудын ачаже, кочаже-влак шонат»[9][10][11][12].

2020 ий июньышто Россий президент Владимир Путин Парфенчиковын видеокыл дене докладшым колыштын, республик вуйлатышын пашажым да Карелийын вияҥ шогымыжым сайын аклен. Тидын дене пырля Путин Парфенчиковлан регионышто шуктышаш эн кӱлешан нелылык-влакым ончыктен — ялозанлыкыште ыштен налмым кугемдыме, моноолалам вияҥдыме да газым пуртымо пашам кугемдыме, эре улшо калыкын шагалеммыжым кораҥдыме шотышто ойлен; а калыкын шагалеммыже изи парышым налмыж, пашадымылык кугем толмо дене, сӱмырлышаш илыме верын шуко улмыж дене кылдалтын[13].

2022 ий 11 сентябрьыште Парфенчиков «Икояне Россий» партий деч Карелий вуйлатышым сайлымаште сеҥен, сайлыше-влакын 69,15 % йӱкыштым поген.

2025 ий 26 сентябрьыште Артур Парфенчиков Карелий Правительстве да Казахстанын йӱдвел-эрвел регионжо коклаште вашкыл нерген Меморандумеш кидпалым пыштен. Вел-влак ужалымаш-экономике, шанче-технике, гуманитар, социал да тӱвыра аланыште вашкылым кучаш кутырен келшеныт[14].

2025 ий 26 сентябрьыште Карелийым Вуйлатыше Артур Парфенчиков Российын спорт министрже Михаил Дегтярёв дене вашлийын, нуно Кондопогышто да Петрозаводскышто у ий площадкылам чоҥымо да «Спартак» стадионым пужен уэмдыме нерген каҥашеныт[15].

Классан чин

  • Россий Федераций юстицийын 2-шо классан действительный кугыжаныш советникше (13 декабрь 2007)[16].
  • Россий Федераций юстицийын 1-ше классан действительный кугыжаныш советникше (22 июнь 2009)[17].

Суаптар

  • IV степенян «Ачаэл ончылно суаплан» орден — Карелий Республикын социал-экономике вияҥмашышкыже кугу надырлан[18];
  • Александр Невский орден (2024)[19];
  • Почёт орден[20];
  • II степенян «Ачаэл ончылно суаплан» орденын медальже.
  • Ахмат Кадыров лӱмеш орден (Чечня, 2009) — Чечен Республикыште Суд пристав-влакын службо системыштым вияҥдымашке да саемдымашке кугу надырлан[21];
  • «Карачаево-Черкес Республик ончылно суаплан» орден (2015 ий 31 октябрь) — Карачаево-Черкес Республикысе граждан-влакын праваштым да законлык интересыштым аралымаште, правопорядкым да конституцийлык илыш-куным ончымаште суаплан[22];
  • «Адыгейын чапше» медаль (2016 ий 18 март) — законлыкым да правопорядкым пеҥгыдемдымаште суаплан.

Чап лӱм

  • Россий Федерацийын сулло юристше (2005 ий 22 декабрь) — законлыкым да правопорядкым пеҥгыдемдымаште суаплан да шуко ий сайын служитлымылан[23];
  • Россий Федерацийысе Юстиций министерствын чап пашаеҥже;
  • Россий Федерацийысе прокуратурын Чап пашаеҥже.

Моло

2017 ий 21 июньышто Чечен Республикын Урус-Мартан район Мартан-Чу ялын ик уремжылан Артур Олегович Парфенчиковын лӱмжым пуымо[24].

Санкций

2023 ий 24 февральыште США-н Госдепше Парфенчиковым американ санкций спискыш пуртен[25][26][27].

Шке илыш

Артур Парфенчиков кокымшо гана ешаҥын.

Икымше ватыже, Наталья Алексеевна Гуляева, Карелий Республикысе Кӱшыл судын председательжын алмаштышыжлан пашам ыштен[28], 2020 ий март гыч — Санкт-Петербургысо тӱшка юрисдикциян Кокымшо апелляцийлык суд председательын алмаштышыже[29].

Анастасия ӱдыржӧ — юрист, 2016 ийыште Уралысе кугыжаныш юридический университетыште аспирантурым тунем пытарен да Германийыште тунемын[30].

Эргыже — Москосо Икымше кадет корпусын воспитанникше, вара Москосо кугыжаныш юридический университетым тунем пытарен.

Кокымшо ватыже Елена Владимировна — медицине шанче доктор, врач-гастроэнтеролог, Москосо А. С. Логинов лӱмеш клинике шанче рӱдерын диагностикылык эндоскопий пӧлкажым вуйлдатыше[31][32].

Парфенчиков коньки дене куржталме спортлан, тӱрлӧ вере ужын коштмылан да кол кучымылан кумылан[33].

Палемдымаш

  1. ↑ 1 2 Парфенчиков официально стал главой Карелии. Тергыме кече: 25 идым 2017. Архивлыме 25 идым 2017 ий.
  2. ↑ 1 2 Артур Парфенчиков: Мы не мудрее тех, кто жил до нас. Тергыме кече: 8 кылме 2017. Архивлыме 8 кылме 2017 ий.
  3. ↑ Артур Парфенчиков: «Прокуратуре нужна свежая голова». «СТОЛИЦА на Онего» (3 сӱрем 2006). Тергыме кече: 22 кылме 2018. Архивлыме 22 кылме 2018 ий.
  4. ↑ Указ Президента Российской Федерации от 18 июня 2007 года № 778. Тергыме кече: 30 кылме 2009. Архивировано из оригинала 3 пургыж 2009 ий.
  5. ↑ Karjalan tazavallan halličus. Artur Parfenčikov (руш.). gov.karelia.ru. Тергыме кече: 11 идым 2025.
  6. ↑ Указ Президента Российской Федерации от 15.02.2017 № 66 «О досрочном прекращении полномочий Главы Республики Карелия». Тергыме кече: 20 пургыж 2017. Архивлыме 20 пургыж 2017 ий.
  7. ↑ Результаты выборов Главы Республики Карелия 10.09.2017 на сайте Центральной избирательной комиссии Республики Карелия. Тергыме кече: 25 идым 2017. Архивлыме 25 идым 2017 ий.
  8. ↑ Кандидатом от «Единой России» на выборах главы Карелии стал врио главы региона Парфенчиков. Тергыме кече: 2 сӱрем 2019. Архивлыме 2 сӱрем 2019 ий.
  9. ↑ Глава Карелии прокомментировал скандальную переписку о судьбе детсада. РИА Новости (20 кылме 2018). Тергыме кече: 20 кылме 2018. Архивлыме 20 кылме 2018 ий.
  10. ↑ Попов, Дмитрий. «Ноете, нищеброды»: что хотела сказать сенатор, пристыдившая голодающих ужасами войны. Московский комсомолец, № 27839 (21 кылме 2018). Тергыме кече: 22 кылме 2018. Архивлыме 22 кылме 2018 ий.
  11. ↑ Смирнов, Алексей. «Пусть о вашем ребенке отец его, деды думают». Коммерсантъ (20 кылме 2018). Тергыме кече: 22 кылме 2018. Архивлыме 21 кылме 2018 ий.
  12. ↑ В Карелии откроют детсад после обнародования переписки главы региона с местной жительницей (руш.) (22 кылме 2018). Тергыме кече: 23 кылме 2018. Архивлыме 22 кылме 2018 ий.
  13. ↑ Путин в течение часа обсуждал с Парфенчиковым положение дел в Карелии, <https://tass.ru/obschestvo/8678293>. Тергыме: 10 шыжа 2025. 
  14. ↑ Артур Парфенчиков подписал Меморандум о сотрудничестве между Правительством Карелии и северо-восточным регионом Казахстана (руш.) (16 идым 2025). Тергыме кече: 26 идым 2025.
  15. ↑ Глава Карелии обсудил строительство новых спортивных объектов с Дегтяревым (руш.) (26 идым 2025). Тергыме кече: 26 идым 2025.
  16. ↑ Указ Президента Российской Федерации от 13.12.2007 г. № 1674 «О присвоении классных чинов юстиции федеральным государственным гражданским служащим Министерства юстиции Российской Федерации и подведомственных ему федеральных служб». Тергыме кече: 2 шыжа 2019. Архивлыме 30 идым 2019 ий.
  17. ↑ Указ Президента Российской Федерации от 22.06.2009 г. № 707 «О присвоении классных чинов юстиции федеральным государственным гражданским служащим Министерства юстиции Российской Федерации и Федеральной службы судебных приставов». Тергыме кече: 2 шыжа 2019. Архивлыме 30 идым 2019 ий.
  18. ↑ Управление пресс-службы Главы Республики Карелия. Николай Патрушев вручил орден «За заслуги перед Отечеством» Главе Республики Карелия Артуру Парфенчикову. Официальный интернет-портал Республики Карелия.
  19. ↑ Владимир Путин наградил Артура Парфенчикова орденом Александра Невского — Газета «Карелия» (неопр.). gazeta-karelia.ru. Тергыме кече: 10 шыжа 2025.
  20. ↑ Биография на сайте ФССП России. Тергыме кече: 2 пеледыш 2012. Архивлыме 27 ага 2012 ий.
  21. ↑ Президент Чеченской Республики Рамзан Кадыров вручил орден Кадырова директору ФССП России Артуру Парфенчикову. Тергыме кече: 12 теле 2009. Архивировано из оригинала 6 идым 2014 ий.
  22. ↑ Артур Парфенчиков награждён орденом «За заслуги перед Карачаево-Черкесской Республикой» (Сайт управления ФССП России по КЧР). Тергыме кече: 7 ӱярня 2016. Архивлыме 8 ӱярня 2016 ий.
  23. ↑ Путин отметил работу прокурора Петрозаводска (руш.). stolicaonego.ru. Тергыме кече: 11 идым 2025.
  24. ↑ Решение Совета депутатов Мартан-Чуйского сельского поселения Урус-Мартановского муниципального района Российской Федерации от 21.06.2017 № 26 «О присвоении вновь образованной улице в Мартан-Чуйском сельском поселении им. Парфёнчикова Артура Олеговича, Кавалера Ордена А. А. Кадырова»
  25. ↑ The United States Imposes Additional Sweeping Costs on Russia. United States Department of State (24 пургыж 2023).
  26. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 пургыж 2023).
  27. ↑ Глава Карелии попал под санкции Запада. Новости Карелии «Фактор новости». Тергыме кече: 1 ӱярня 2023.
  28. ↑ Сайт Верховного суда Республики Карелия. Тергыме кече: 17 пургыж 2017. Архивлыме 18 пургыж 2017 ий.
  29. ↑ Указ Президента Российской Федерации от 08.06.2020 № 377. Тергыме кече: 14 пургыж 2022. Архивлыме 14 пургыж 2022 ий.
  30. ↑ Где и с кем живет Артур Парфенчиков? И как выглядят его бывшая жена, красавица-дочь и сын, которым он гордится? Тергыме кече: 1 сорла 2017. Архивлыме 1 сорла 2017 ий.
  31. ↑ Глава Карелии — о справедливости, защите и любви. Тергыме кече: 14 пургыж 2022. Архивлыме 14 пургыж 2022 ий.
  32. ↑ Артур Парфенчиков пришел на выборы… Тергыме кече: 14 пургыж 2022. Архивлыме 14 пургыж 2022 ий.
  33. ↑ Артур Парфенчиков: мы не мудрее тех, кто жил до нас, ТАСС, <https://web.archive.org/web/20181126005624/https://tass.ru/region-officials/4535111>. Тергыме: 25 кылме 2018. 

Кылвер-влак

"https://mhr.ruwiki.ru/w/index.php?title=Парфенчиков,_Артур_Олегович&oldid=1232266" гыч налме