Отмахов, Иван Григорьевич

Иван Григорьевич Отмахов
Шочмо кече	1923 ий 31 шыжа(1923-10-31)
Шочмо вер	Ведаснур ял, Шернур район, Марий Эл
Колымо кече	1945 ий 23 вӱдшор(1945-04-23) (21 ий)
Колымо вер	Польшо
Пурымаш	СССР
Войскан родшо	пехото
Службо жап	1942—1945
Званий
Кредалмаш/сар	Кугу Ачамланде сар
Награде да премий

Иван Григорьевич Отмахов (1923—1945) — Пашазе-кресаньык Йошкар Армийын лейтенантше, Кугу Ачамланде сарын салтакше, Совет Ушемын Талешкыже (1945).

Илыш корныжо

Иван Отмахов 1923 ий 31 октябрьыште Ведаснур ялыште (тений — Марий Элысе Шернур район, Сердыж ял шотан илем) шочын. Куд классым тунем пытарымек, шӧртньым лукмаште да Чита кундемысе рудниклаште пашам ыштен. 1942 ий мартыште Отмаховым Пашазе-кресаньык Йошкар Армийыш служияш налыныт. Тудо ийысе август гыч — Кугу Ачамланде сарын фронтлаштыже. 1943 ийыште Отмахов изирак лейтенант-влакым ямдылыше курсым тунем лектын.

1945 ий мартыште лейтенант Иван Отмахов 2-шо Белорус фронтысо 70-шо армийжым 136 стрелок дивизийын 342-шо стрелок полкысо батальон командирын алмаштышыже лийын. Польшым утарымыж годым ойыртемалтын. 1945 ий 27 мартыште тудын вуйлатыме штурмоватлыше тӱшка вуйлатымыж Данциг велне Лауенталь ялын ужашыжым утарен, тылеч вара Нофарвассер-Циганкенберг шоссем пӱчкын. Варарак, Висле деке лектын, Отмахов ик эн ончыч тудын гоч вончен, плацдармым пӧртылмӧ да касвел сержым арален кодымо шотышто пеш чолган кредалын. Кредалме годым эн неле татыштыже тудо совет артиллерийым шке ӱмбакыже виктарыктен. 1945 ий 23 апрельыште Отмахов нелын сусырген да колен. Пиньчув Польшо олаште тойымо.

СССР Кӱшыл Каҥашын Президиумжын 1945 ий 29 июньысо кӱштыкшӧ дене лейтенант Иван Отмаховлан, колымекыже, Совет Ушемын Талешкыже чаплӱмым пуымо. Тыгак Ленин, Йошкар Тисте, Йошкар Шӱдыр, 1-ше да 2-шо степенян Ачамланде сар орден-влак, икмыняр медаль дене суапландаралтын.

Отмаховын лӱмжӧ дене микрорайон лӱмдалтын. Отмаховлан бюстым да чапкӱм Забайкальский кундемын Балей олаште шогалтыме.

Палемдымаш

Литератур

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Кылвер-влак

• Игорь Сердюков. Иван Григорьевич Отмахов  (рус.). Сайт «Герои страны». Дата обращения: 25 шорыкйол 2016.