Оленёв, Владимир Иванович

РУВИКИ — эрыкан энциклопедий гыч материал
Владимир Иванович Оленёв
Оленёв, Владимир Иванович.jpg
Шочмо кече 21 ага 1947(1947-05-21)
Шочмо вер
Колымо кече 2017 ий 26 идым(2017-09-26)
Колымо вер
Гражданлык  СССР →  Россий
Паша сомыл журналист, мер пашаеҥ
Награде да премий

Breastplate Grid HONORARY radio.jpg
«Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» «Пашан ветеранже» медаль
Марий Эл Республикын сулло журналистше (1995)
Марий Эл Республикын Чаптаныкше (1997)

Влади́мир Ива́нович Оленёв (21 ага 1947, Волжск, Марий Автоном Совет Социализм Республик — 26 идым 2017, Йошкар-Ола) — совет да российысе журналист, кӱшыл школын туныктышыжо, комсомол, партий да администраций вуйлатыше, мер-политике пашаеҥ. Марий АССР-ысе телевидений да радиовещаний шотышто кугыжаныш комитетын председательже, «Марий Эл» Кугыжаныш телевидений да радио компанийын тӱҥ директоржо / председательже (1985—2012), Марий АССР / ССР / Марий Элысе журналист-влак ушемын председательже (1987—2000, 2003—2009), Россий журналист-влак ушемын секретарьже (1995—2000). Философий шанче кандидат (1985), профессор. Тӱнямбал телевидений да радио академийын академикше (2002), Тӱнямбал телевидений да радио академийын чынле йыжыҥъеҥже. Марий Эл Республикын сулло журналистше (1995).

Илыш корныжо

1947 ий 21 майыште Марий АССР-ысе Волжский районын рӱдыштыжӧ — Волжск олаште — шочын. 1965 ийыште Волжскысо 4-ше номеран школым ший медаль дене тунем пытарен[1].

1971 ийыште заочнын М. В. Ломоносов лӱмеш МГУ-н журналистике факультетшым, 1985 ийыште — КПСС ЦК пелен Мер шанче академийын аспирантурыжым тунем пытарен, тушто кандидатлык диссертацийым сайын арален. Философий шанче кандидат (1985)[2].

«Волжская правда» район газетын корреспондентше, «Молодой коммунист» республикысе самырык-влаклан газет пӧлкан вуйлатышыже семын пашам ышташ тӱҥалын[1].

1971 ий гыч комсомол пашаште лийын: ВЛКСМ-ын Йошкар-Оласе комитетын икымше секретарьже[2]. 1973—1974 ийлаште Куйбышев олаште (кызыт — Самара ола) Совет Армий радамыште служитлен[3].

1974—1977 ийлаште — ВЛКСМ Марий обкомын кокымшо секретарьже, 1977—1979 ийлаште — ВЛКСМ Марий обкомын икымше секретарьже[2].

1979 ийыште партий пашаш куснен: 1982 ий марте — КПСС Ленин райкомын икымше секретарьже, 1991 ийыште — КПРФ Республикысе комитетын кокымшо секретарьже[1].

1980—1985 ийлаште Марий АССР Кӱшыл Каҥашын  (руш.) (мар. (X созыв), Йошкар-Оласе пашазе депутат-влак Каҥашын (XIV созыв), Йошкар-Оласе Ленин районысо Каҥашын (XVI—XVIII созыв) депутатше лийын[1].

1985—2012 ийлаште — Марий АССР-ысе телевидений да радиовещаний шотышто кугыжаныш комитетын председательже, «Марий Эл» ГТРК-н тӱҥ директоржо / председательже. 1987—2000, 2003—2009 ийлаште — Марий АССР / ССР / Марий Элысе журналист-влак ушемын председательже[2]. 1995—2000 ийлаште — Российысе журналист-влак ушемын  (руш.) (мар. секретарьже[1].

2000 ий гыч 2013 ий марте Марий кугыжаныш университетыште ончыч доцентлан, вара 5 ий калык-влак кокласе кыл факультетын калык-влак кокласе да мер кыл шотышто кафедрым вуйлатен. 2013—2017 ийлаште Юл кундемысе кугыжаныш технологий университетысе социал технике факультетын социал шанче да технологий кафедрын профессоржылан пашам ыштен[3].

Тӱнямбал телевидений да радиовещаний академийын академикше (2002), Тӱнямбал телевидений да радио академийын чынле йыжыҥъеҥже[1].

Шарнымаш

Йошкар-Олаште Волков уремысе 198-ше №-ан пӧртыштӧ В. И. Оленёвым шарныктыше оҥа
  • 2020 ий 12 августышто Йошкар-Олаште Волков уремыште 1985—2017 ийлаште В. И. Оленёвын илыме 198-ше №-ан пӧртыштӧ, журналист пелашыже да мер-политик пашаеҥ Т. Б. Оленёван темлымыж почеш шарныктыш оҥам почмо[4].
  • 2019 ийыште Марий Элыште «Щемящие строки памяти» шарнымаш книга лектын, тудын авторжо — журналист да мер пашаеҥ, В. И. Оленёвын пелашыже Т. Б. Оленёва[5].

Чаплӱм да суаптар-влак

  • Марий Эл Республикын сулло журналистше (1995)[2];
  • «Россий Федерацийын чапланыше радистше» оҥпале[1];
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль;
  • «Паша ветеран» медаль;
  • Марий Эл Республикын Чаптаныкше (1997)[2];
  • Россий журналист-влак ушемын премийже[1].

Палемдымаш

  1. ↑ 1 2 3 4 5 6 7 8 Владимир Иванович Оленёв (руш.). www.marpravda.ru. Тергыме кече: 6 шыжа 2025. Архивлыме 14 ага 2019 ий.
  2. ↑ 1 2 3 4 5 6 МБЭ. — 2017. — С. 317. — ISBN 5-87898-357-0.
  3. ↑ 1 2 Светлой памяти. www.volgatech.net. Тергыме кече: 6 шыжа 2025. Архивлыме 13 пургыж 2021 ий.
  4. ↑ В Йошкар-Оле появился «Дом Оленева». www.marpravda.ru. Тергыме кече: 6 шыжа 2025.
  5. ↑ В Марий Эл вышла книга об известном журналисте и общественном деятеле Владимире Оленеве. www.marpravda.ru. Тергыме кече: 6 шыжа 2025. Архивлыме 15 шыжа 2019 ий.

Литератур

  • Оленёв Владимир Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 264. — 2032 экз. — ISBN 5-87898-357-0.
  • Оленёв Владимир Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 589. — 872 с. — 3505 экз. — ISBN 978-5-94950-049-1.
  • Рыбакова Т. Л., Полубарьева В. Ю., Мочаев В. А. Оленёв Владимир Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 317. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Оленёв,_Владимир_Иванович&oldid=1232425" гыч налме