Лежнёв-Финьковский, Пётр Яковлевич

РУВИКИ — эрыкан энциклопедий гыч материал
Пётр Яковлевич Лежнёв-Финьковский
Лежнёв-Финьковский, Пётр Яковлевич.jpg
Шочмо кече 10 шорыкйол 1902(1902-01-10)
Шочмо вер
Колымо кече 21 шорыкйол 1958(1958-01-21) (56 ий)
Колымо вер
Гражданстве  Россий империй →  СССР
Паша партий пашаеҥ, экономист
Шинчымаш кӱшыл
Верам кучымаш уке
Партий ВКП(б)
Тӱҥ идей коммунизм

Пётр Я́ковлевич Лежнёв-Финькóвский (10 шорыкйол 1902, Тверь губерний[d], Россий империй — 21 шорыкйол 1958, Моско, РСФСР[d], СССР) — совет кугыжаныш да партий пашаеҥ, экономист. Пӱтынь ушемысе пушно-сырьевой озанлык институтын директоржо (1936—1937). РКП(б)-ын Марий кундемысе комитетын икымше секретарьже (1923). Каҥаш-влакын VIII да IX погын-влакын (1920, 1921), РКП(б) X да XII погын-влакын (1921, 1923) делегатше.

Илыш корныжо

1902 ий 10 январьыште кызытсе Тверь областьын Глушково ялысе кресаньык ешеш шочын. 1914 ийыште земстве училищым, 1917 ийыште — Горский ялозанлык училищым тунем пытарен[1][2][3].

1919 ийыште РКП(б)-ш пурен. Озаҥ губернийысе Чыкма уездыш колтымо: мланде виктемын вуйлатышыже, РКП(б) район комитетын йыжыҥъеҥже; 1921 ийыште Шурным налме пашам шуктымо шотышто чрезвычайный комитетын председательже лийын. Чыкма ялозанлык техникумым почмаште тыршымылан кӧра 1921 ийыште Марий автоном областьын Чыкма кантонысо ик совхозлан тудын лӱмжым пуымо. 1920 да 1921 ийлаште Каҥаш-влакын VIII да IX погынласе делегат лийын[1][2][3].

1921—1923 ийлаште Чарлашке колтымо: кундемысе мланде виктемын вуйлатышыже, 1922—1923 ийлаште — Марий ОБИК Президиумын йыжыҥъеҥже. 1923 ий март — июньышто — РКП(б)-н Марий кундемысе комитетын икымше секретарьже лийын. 1921 да 1923 ийлаште РКП(б) X да XII погын-влакын делегатше[1][2][3].

1923 ийыште Москош куснен: РСФСР Мланде паша Наркомат пӧлкан вуйлатышыже. «Батрак» газетым, «Агроном» журналым лукташ тӱҥалше, «Спутник агитатора», «Крестьянка» журналласе редколлегийын йыжыҥъеҥже семын палыме. 1929 ийыште К. А. Тимирязев лӱмеш Моско ялозанлык академийым  (руш.) (мар., 1934 ийыште — СССР ЦИК пеленысе Йошкар профессурын Аграрный институтшым тунем пытарен. 1935—1936 ийлаште Моско зоотехник институт  (руш.) (мар. директорын алмаштышыже, 1936—1937 ийлаште — Пӱтынь ушемысе пушно-сырьевой озанлык институтын директоржо[1][2][3].

450 наре савыктыме пашан авторжо, нунын коклаште «Деревня и наёмный труд» (1924), «Экономическая политика Советской власти в деревне» (1925), «Коллективные хозяйства» (1925), «Как живёт деревня» (1925), «Пути развития сельского хозяйства СССР» (1925), «Индустриализация страны и развитие зернового хозяйства» (1928), «Совхозы и колхозы» (1928)[4], «Сельское хозяйство на переломе» (1928), «Основы строительства советской агрономии» (1929), «Советская общественность и задачи агроуполномоченных» (1930), «Агро-зооминимум и задачи Советов» (статья-влак сборник, соавтор, 1931), «Вопросы агротехники социалистического земледелия» (соавтор, 1934) (соавтор, 1934) да моло книга-влак[1][5][6].

1958 ий 21 январьыште Москошто колен[1][2][3].

Палемдымаш

  1. ↑ 1 2 3 4 5 6 Мочаев, 2017, с. 251.
  2. ↑ 1 2 3 4 5 Справочник по истории Коммунистической партии и Советского Союза 1898—1991. www.knowbysight.info. Тергыме кече: 19 шорыкйол 2026. Архивлыме 5 сӱрем 2022 ий.
  3. ↑ 1 2 3 4 5 Лежнёв-Финьковский Петр Яковлевич (руш.). Марийская история в лицах. Тергыме кече: 19 шорыкйол 2026. Архивлыме 5 сӱрем 2022 ий.
  4. ↑ Петр Яковлевич Лежнев-Финьковский, А. П. Смирнов. Совхозы и колхозы. — Москва ; Ленинград: Гос. изд-во, 1928. — 212 с.
  5. ↑ Электронный каталог РНБ - Лежнев-Финьковский, П.Я (руш.). primo.nlr.ru. Тергыме кече: 19 шорыкйол 2026. Архивлыме 5 сӱрем 2022 ий.
  6. ↑ Лежнев-Финьковский, Петр Яковлевич - список книг, библиография (руш.). rusist.info. Тергыме кече: 19 шорыкйол 2026. Архивлыме 5 сӱрем 2022 ий.

Литератур

  • Лежнёв-Финьковский Пётр Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 211. — 2032 экз. — ISBN 5-87898-357-0.
  • Муравьёв Арн. В., Мочаев В. А. Лежнёв-Финьковский Пётр Яковлевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 251. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Лежнёв-Финьковский,_Пётр_Яковлевич&oldid=1233886" гыч налме