Курочкин, Владимир Демидович
| Владимир Демидович Курочкин | |
|---|---|
 | |
| Шочмо кече | 26 пургыж 1955 (71 ий) |
| Шочмо вер |
|
| Гражданстве |
 СССР →  Россий |
| Жанр | портрет, пейзаж, графике |
| Тунеммаш | Чебоксарысе художественный училище |
| Награде | |
| Чаплӱм |
  |
Влади́мир Деми́дович Кýрочкин (шоч. 26 пургыж 1955, Йошкар-Ола) ― совет да российысе сӱретче, график, педагог, Российысе сӱретче-влак ушемын йыжыҥъеҥже. Йошкар-Оласе художественный училищын туныктышыжо (1977―2014). Россий Федерацийын сулло сӱретчыже (2014). Марий Эл Республикысе сымыктышын сулло пашаеҥже (1995). 2020 ийыште «Марий Эл ончылно суаплан» орденын медальже дене палемдалтын.
Илыш корныжо
1955 ий 26 февральыште Йошкар-Олаште, Марий книга савыктышыште пашам ыштыше сӱретчын ешыштыже шочын[1]. Йоча пагытше Виче кундем Яраҥ район Бурдино ялыште эртен, тушто тудын аваже ― Александра Ивановна Курочкина (Бурдина) ― шочын[2].
1970 ийыште Йошкар-Оласе йоча художественный школым визытанлан тунем пытарен, 1974 ийыште ― Чебоксарысе художественный училищым (дизайн пӧлка)[1].
1974―1976 ийлаште Совет Армий радамыште служитлен, туштат сӱретчылан пашам ыштен[2].
Демобилизаций деч вара Йошкар-Олаш пӧртылын, тушто тудым Йошкар-Оласе художественный училищыш туныкташ ӱжыныт[1]. Ты училищыште 46 ий пашам ыштен[2][3].
Кызыт Йошкар-Олаште ила да пашам ышта.
Сӱретсымыктыш пашаже
Ачажын полшымыж дене йоча пагытыштак сӱретлаш тӱҥалын[2][3].
Художественный училищыште туныктымыж годым чара капым сӱретлылын, этюдыш коштын. Кажне модель сӱрет чоҥалтмым, ракурсым, вуй савырнымым, кучылтшаш материалым ойырен налаш полша. Тудын живопись да графике портретше-влак мастарлык, йӧным муын моштымаш, сын-кунын ойыртемже дене кумылым савырат[2][3].
«МАО-м увертарымаш» (1982), «МАО ревком» (1987), «МАО пайрем» (1989), «Мятеж» (1991) да моло сӱретше-влак дене Марий кундемын историйжым почын ончыктышо автор. Курым коклаште Российын чон шӱлыш йодышлажым тарватен: «Юмо, утаре да арале» (1998), «Апокалипсис» (2000), «Эртышым шарналтена, ончыкылыкым вучена» (2002)[1].
Пӱртӱсым да портретым сӱретлыше семынат палыме. Тудо Изи Какшан серым да тушто вӱд ташлымым ончыктышо сӱрет-влакым ыштен[1][2].
Тыгак тӱвыра да сымыктышын кумдан палыме еҥже-влакын портретыштым сӱретлен (мутлан, театр режиссёр Г. В. Константиновын)[1].
1990 ийыште Российысе сӱретче-влак ушемыш пурен[3].
Палыме пашаже-влак
_-_3578436.jpg)
Ончер-влак
Шке пашаже-влакым Москошто да Российын тӱрлӧ олаштыже ончыктен[3]. Тудын шке ончерже-влак Юрино посёлкышто (1976), Йошкар-Олаште (1981, 1990, 2005, 2010)[4], Чыкма олаште да Марий Элын Килемар посёлкыштыжо (2011) эртеныт[1].
Йошкар-Олаште, Яраҥыште (Виче кундем), Чыкмаште (Марий Эл) студент-влаклан пленэр-влакым эртарен. Тудын тунемшыже-влак коклаште — самырык марий сӱретче-влак О. Шалаева, И. Стан, К. Киселёва да молат[3].
Пагалымаш
- Россий Федерацийын сулло сӱретчыже (2014 ий 20 апрель)[1][5];
- Марий Эл Республикысе сымыктышын сулло пашаеҥже (1995)[1];
- «Марий Эл ончылно суаплан» орденын медальже (2020)[6].
Палемдымаш
- ↑ 1 2 3 4 5 6 7 8 9 Мочаев, 2017, с. 242.
- ↑ 1 2 3 4 5 6 Курочкин В.Д. (руш.). Интернет-магазин «Sovart Gallery». Тергыме кече: 20 шыжа 2025.
- ↑ 1 2 3 4 5 6 Заслуженный деятель искусств Марий Эл, заслуженный художник России Владимир Курочкин: «Художник в чем-то сродни Всевышнему, ведь он создает свой, особый мир», <http://www.marpravda.ru/news/religiya/zasluzhennyy-deyatel-iskusstv-mariy-el-zasluzhennyy-khudozhnik-rossii-vladimir-kurochkin-khudozhnik-/>. Тергыме: 20 шыжа 2025.
- ↑ Владимир Демидович Курочкин. Живопись, графика : каталог выставки - М-во культуры Марийской АССР, Респ. выст. зал ; [авт. вступ. ст. Л. Новоселова]. — 1987.
- ↑ Курочкин Владимир Демидович – Награды России, 2014-04-20 (руш.). ru.nagrady.by. Тергыме кече: 20 шыжа 2025.
- ↑ Яшметова, Елена (2020-03-23), Жители Марий Эл получили высокие награды, <https://potokmedia.ru/156585/zhiteli-marij-jel-poluchili-vysokie-nagrady-2/>. Тергыме: 20 шыжа 2025.
Литератур
- Владимир Демидович Курочкин. Живопись, графика = Владимир Курочкин. Живопись, графика: каталог выставки / Министерство культуры Марийской АССР, Республиканский выставочный зал; [автор вступительной статьи Л. Новоселова]. — Йошкар-Ола: [б. и.], 1987. — [26] с.: ил.: 20 см.
- Курочкин Владимир Демидович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 304. — 2000 экз. — ISBN 5-87898-197-1.
- Прокушев Г. И. Курочкин Владимир Демидович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 204. — 2032 экз. — ISBN 5-87898-357-0.
- Прокушев Г. И., Яналова Н. А. Курочкин Владимир Диомидович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 242. — 606 с. — 1500 экз. — ISBN 978-5-905314-35-3.
- Оленёва М. Заслуженный деятель искусств Марий Эл, заслуженный художник России Владимир Курочкин: «Художник в чём-то сродни Всевышнему, ведь он создаёт особый мир» // Марийская правда. — 2021. — 23 августа.
- Солодов С. Художник из Марий Эл — корнями яранич // Отечество. — 2025. — 7 марта.
Кылвер-влак
- Курочкин Владимир Демидович (1955).
- «Газета «Отечество». Солодов С. 07.03.2025. Художник из Марий Эл — корнями яранич.
| Курочкин, Владимир Демидович | |
|---|---|
| |
