Курочкина, Антонина Павловна
| Антонина Павловна Курочкина | |||
|---|---|---|---|
 | |||
| Шочмо годсо лӱм | Антонина Павловна Демакова | ||
| Шочмо кече | 1922 ий 25 пеледыш | ||
| Шочмо вер | Марий Эл | ||
| Колымо кече | 1984 ий 16 вӱдшор (61 ий) | ||
| Колымо вер | Барда, Пермь край, РСФСР, СССР | ||
| Гражданлык |
 СССР |
||
| Награде да премий |
|
||
Антонина Павловна Курочкина (шоч. Демакова; 1922–1984) — совет эмлыше, Пермь кундемысе Барда вел эмлымыверын тӱҥ эмлышыже, Социалист Пашан Талешкыже (1969).
Илыш корныжо
1922 ий 25 июньышто Марий Эл Республикысе Совет вел У Ургаш ялыште шочын. 1940 ийыште Марий фельдшер-акушер школым тунем пытарен.
Кугу Ачамланде сар ийлаште, 1941 ий гыч 1943 ий марте, элым аралыше армийыште лийын. Волховский ден Ленинград фронтлаште 286-шо стрелок-влак дивизийын сапёр-влак ротысо фельдшерлан служиен. 1942 ий гыч ВКП(б) йыжъеҥ. 1943 ий мучаште шочмо верышкыже пӧртылын, акушер эмлымверым вуйлатен.
1950 ийыште Пермь университетысе Молотовский медицине институтым тунем пытаренат, Молотово (Пермь) кундемысе Бардым велыш колталтын. Районысо тазалык шотышто пӧлка вуйлатышылан пашам ыштен, а 1952 ий гыч — Барда районысо эмлымверыште тӱҥ эмлыше лийын. Ятыр ий годым ик эмлыше лийын — терапевтат, хирургат, офтальмологат, эсогыл патологоанатомат.
1950-ше ийла кыдалне А. П. Курочкинан чолган тыршымыж дене районышто калык тазалык аралыме профилактике паша кумдан шарлен. Тунам Бардым районышто трахом озаланен, шоҥго-влак сокырештыныт, кокла ийготан еҥ-влакынат шинчашт корштен. Антонина Павловна уло пашаче ешым яллаш лекташ таратен: фельдшер, медшӱжар, эмлыше-влак — чыланат ял ден селалаште, кажне сурт-пече еда коштыныт. Эреак тӱткын эскерен эмлымылан кӧра чер чакнен. Районышто, эмлышын тыршымыжлан кӧра, лу дене тазалыкым улаҥдыме да эмлыме вер-влак, йочам тазаҥдыме лагерь-влак пашам ышташ тӱҥалыныт.
СССР-ын Кӱшыл Каҥаш Президиумын кӱштыкше почеш 1969 ий февральыште Антонина Павловна Курочкиналан совет айдемын тазалыкшым аралыме пашаште кугу суапшылан Социалист Пашан Талешкыже лӱмым пуымо, Ленин орден ден «Сорла да Чӧгыт» шӧртньӧ медальым кучыктымо[1].
А. П. Курочкина кумло ий утла районысо эмлымверым вуйлатен. Тудын полшымыж дене районышто трахом, скарлатине да моло черымат пытарыме. Кундемысе депутат-влак каҥашыште шоген, КПСС райкомын йыжъеҥжылан сайлалтын. РСФСР-ын сулло эмлызыже.
Кок Ленин орден (1961, 1969), медаль-влак дене суапландаралтын.
Ольга ӱдыржӧ — эмлыше.
Барда селаште илен. 1984 ий 16 апрельыште колен.
Тудын лӱмжым Бардымысе рӱдӧ эмлымверлан да Барда селасе уремлан пуымо.
Палемдымаш
Литератур
- Герои Прикамья. — Пермь: Пушка, 2006
- Кузьмин М. К. Учёные-медики — Герои Социалистического Труда. — М., 1988.
- Зайниев Г. З., Колесников А. Ю. Курочкина (Демакова) Антонина Павловна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 242. — 606 с. — 1500 экз. — ISBN 978-5-905314-35-3.
Кылвер-влак
- Антонина Павловна Курочкина (руш.). Сайт «Герои страны». Тергыме кече: 25 сорла 2014.
- Светя другим …
 |
|---|
