Кугу Юл корно

РУВИКИ — эрыкан энциклопедий гыч материал

«Кугу Юл корно» — регион-влак кокласе турист маршрут, тудо кызытсе Юл кундемысе федерал округын (ЮКФО) территорийже гоч Кугу порсын корнын — Юлысо торгайыме корнын — историян йӱдвел ужашыштыже эрта.

Проект 2017 ийын шыжым ныл маршрут дене тӱҥалын; 2021 ий мучашлан 20 утла маршрут шотлалтеш, нуно ЮКФО-н 14 субъектшым, 5 миллионник-олам, 7 тӱнямбал аэропортым, ЮНЕСКО-н Тӱнямбал поянлыкшын 3 объектшым да федерал кӱлешан 5 курортым ушат[1][2].

Ончыл историй

[тӧрлаташ | вики-текстым тӧрлаташ]
Тыгак ончо: Юлысо торгайыме корно
Акрет Русьын эҥер корныжо-влак: юлгорно йошкарге дене палемдалтын
«Эрвел славян-влакын торгайымышт» сӱрет, Сергей Иванов, 1912 ий

Юл мучко торгайыме корнын лекмыжым мемнан эран II тӱжемийжылан шотлат, кунам фатьян тӱвыран еҥышт Юл бассейн территорийыште илаш тӱҥалыныт, тидын нерген мумо шӱгарла ойлат, а мемнан эран I тӱжемийжын кокымшо пелыштыже Юл-Ока эҥер-влак коклаште финн-угор племена-влак верланаш тӱҥалыт[3].

IX курым гыч тӱҥалын, славян-влак Юл кундемым кумдан шымлаш тӱҥалыт, тидлан Юлым кусныл коштмын тӱҥ йӧнжӧ семын кучылтыныт. Тиде жап гычак акрет годсо кугу руш княжестве-влак чумыргат. Мутлан, йӱдвел ужашыште Новгород республик верланен, Юл-Ока эҥер-влак кокласе, Белозерье да Сухона бассейн кундемым Владимир-Суздаль княжестве айлен, а Чолманын Кыдал Юлыш йоген пурымо верыште Юлысо Булгарий верланен, рӱдолаже Болгар олаште лийын[4]. Тиде жапыштак Юлысо торгайыме корно вияҥеш, Скандинавийым, Балтикым да Йӱдвел Европым Булгар, Хазарий да араб халифатысе эл-влак[5] да Персий дене кылдыште трансъевропысо вӱргорно лийын, тудын дене руш княжестве-влак сырец-порсыным, шергакан кӱм, шӧртньӧ да ший сӧрастарышым кондылыныт. Шке черетыштыже, Персийыш коваштым, лум, морж азум, юфтьым, йытыным, киндым колтеныт. Тылеч посна, Юл корно корно варяг ден финн-угор-влаклан хазар ден араб-шамыч дене торгаяш полшен. Маршрутын экономике кӱлешлыкше VIII—X курымлаште моткоч кугемын, вет араб-влакын сар сеҥымашышт европеец-влаклан Византий гоч палыме торгайымаш маршрутым петырен — купеч-влаклан эрвел мландыш моло корным кычалаш логалын. Юл корно дене чолган торгайымаш пӱтынь маршрут мучко торгайыме форпост-влакым чоҥаш таратен, нунышт вара олалашке кушкын шогалыныт[6].

Кугу Порсын корно кызытсе Россий территорийыште[тӧрлаташ | вики-текстым тӧрлаташ]

Кугу Юл корно Юл кундемын экономике да тӱвыра шотышто тӱзланымаштыже кӱлешан рольым модын[7][8]. Регионысо эн кугу торгайымаш пунктыш Болгар савырнен, тудо купеч-влак деч эртен кайымыштлан пошлиным гына огыл поген, тыгак кидмастар да ялозанлык сатум колтедылын[6][9].

Хазар-влак нунын дене (булгар-влак дене) торгаят да сделкым ыштылыт, тыгак рус-влак нунын деке шке сатуштым кондат, да чыланат, кӧмыт тиде эҥерын (Юлын) кок серыштыжат илат, нунын деке шке сатуштым кондат, тыгайым: лумшым, йосым, урым да молымат.Персид шанчызе-энциклопедист Ибн Руста[6]

2014 ийыште Кугу порсын корным ЮНЕСКО-н Тӱнямбалсе поянлык спискышкыже пуртымо. Спискыш 37 шогалме вер-шарныктыш пурен, нунын гоч торгайымаш маршрут Турцийыште, Азербайджаныште, Ираныште, Казахстаныште, Киргизийыште, Узбекистаныште, Туркменийыште да Китайыште эртен. Россий территорийыште торгайымаш маршрутын шым тӱҥ ужашыже верланен, тӱҥ шотышто вӱдан:

  • Хорезм гыч Ӱлыл Юл марте;
  • Ургенч гыч Юлын ден Донын ушнымо верышкышт;
  • Хорезм гыч Азов марте Астрахань гоч Маджарыш да Азовыш;
  • Арал кундем гыч Саратовысо Юл кундемыш, тыгак умбакыже Юл дене але Дон дене Азовыш;
  • Арал кундем гыч Азов марте Болгар да Дон гоч;
  • Чолман кундем гыч Болгары да Ӱлыл Юл кундемыш;
  • мландӱмбал маршрут, тудо Ӱлыл Юл кундемым да Ӱлыл Ока кундемым ушен (кызыт тиде Рязань, Владимир, Угарман область-влак)[10].

Турист проект

[тӧрлаташ | вики-текстым тӧрлаташ]

Тӱвыра поянлык да кызытсе жапысе событий-влак Юл кундемысе федерал округын регионлашкыже Российысе да йотэл турист-влакым эреак сымыстарат, а нунылан обслуживатлымаш экономикыш кушкын шогышо надырым пуа[11][12].

Ончылгоч шижтарымаш-влак[тӧрлаташ | вики-текстым тӧрлаташ]

Татарстан гыч посна субъект-влак округын вийыштым ушымаш, кушто «Кугу Юл корно» теме эше 2000 ий тӱҥалтышыштак Юл кундемын рольжым транзит рӱдер семын да Кугу порсын корнын ик торгайыме кылдышыж семын ужшо тӱнямбал семинар-влак кышкареш ямдылалташ тӱҥалын[13][14][13]. 2014-ше ийыште Татарстан Республикын Туризм шотышто госкомитетше ЮКФО-н ик турист маршрутшым ыштыме да Российын чыла европейский ужашыштыже[15] «Шӧртньӧ оҥго» да «Ший шӱшер» гаяк круиз туризмым пырля вияҥдыме шонымаш дене лектын[16][17][18]. 2018-ше ийыште Медведевын икымше правительствыжын вуйлатымыж дене элыште кӧргӧ туризмым вияҥдыме шотышто федерал целевой программын вичияш проектше ышталтын, но документ шуктымашке налалтын огыл[19].

Проектым пашаш колтымаш[тӧрлаташ | вики-текстым тӧрлаташ]

«Кугу Юл корно» регион-влак кокласе проектым икымше каҥашымаш 2016 ий апрельыште тӱҥалын, а тиде ийынак 1 декабрьыште ЮКФО-н 14 субъектше да регионласе турист оператор-влак маршрут корнылам ыштыме нерген кутырен келшымашеш кидпалым пыштеныт[20][21]. Регион-влак ӱчашен кертше аклан, вераҥдыме шотышто услугын лӱмын ыштыме тарифлан, транспорт дене обслуживатлымылан полшаш, тыгак проектым пырля шӱкен шогаш сӧреныт[22]. Верысе историй шарныктышым, култур монумент-влакым да калыкле ыштыш-кучыш рӱдер-влакым ончаш пурыман верысе турист маршрут-влакым регионласе кугыжаныш органла гыч специалист-влак да верысе туроператор-влак ыштат[23][22].

2017 ий мартыште «Кугу Юл корно» маршрутым «Интурмаркет 2017» XII Тӱнямбал турист выставкыште ончыктеныт, тудо Москосо «Крокус Экспо» выставке рӱдерыште эртен. А 2017 ий сентябрьыште проектым Татарстан Республикын полномочный представительствыштыже ончыктеныт, тушто тудым Россий Тӱвыра министерстве пеленысе туризмым вияҥдыме шотышто экспертлык каҥаш пелен импортым алмаштыме программе шуктымо шотышто Комитетын полышыжым налын[24].

«Кугу Юл корным» 2017 ий шыжым колтымо жаплан «Озаҥ — Йошкар-Ола — Чебоксар», «Озаҥ — Ульяновск — Самара», «Угарман — Чебоксар — Озаҥ» да «Киров — Йошкар-Ола — Озаҥ» маршрут-влак ямдылалт шуыныт. Проектым Йоча туризмым вияҥдыме шотышто национальный программыш пуртымылан кӧра икымше толшо-влак школла гыч тӱшка лийыныт — 2018 ийыште гына маршрут дене 2000 утла йоча кудал эртен[25][26]. 2019 ий октябрьлан проект кышкареш 20 утла маршрут ышталтын[12], 2020 ий гыч туроператор-влаклан турист буклет ышталтеш[16].

Кызытсе жап да ончыкылык[тӧрлаташ | вики-текстым тӧрлаташ]

Зарина Догузова (Ростуризм), Россий TUI-н да ЮКФО-со регион-влакын еҥышт Татарстанын премьер-министрже Алексей Песошин дене «Кугу Юл корно» проектым вияҥдыме шотышто кутырен келшымашеш кидпалым пыштыме деч вара, 29.08.2020
«Йӱдвел — Кечывалвел» тӱнямбал транспортлык коридор —— коридорын темлалтше маршрутшо —— стандартан маршрут

2020 ий августышто, Татар АССР-ым ыштымылан 100 ий теммым палемдыме кышкареш, Юл кундемысе федерал округын регионжо-влак, «Россий TUI» федерал туроператор да Ростуризм «Кугу Юл корно» проектым пырля вияҥдыме шотышто кутырен келшымашеш кидпалым пыштеныт[18][27]. Темлымаш радамыш Киров, Угарман да Самар область-влак, Пермь кундем, Марий Эл да Татарстан республик-влак мучко эртыше 6 у маршрутым пуртеныт[28][29][1][30][2][31]. Чылаже ЮКФО-што 40 наре туроператор проектын регион-влак кокласе маршрутыштым темлат[16]. 2020 ий июньлан маршрутысо икмыняр олашке (Суздаль гайышке) идалыкыште 1—2 млн наре еҥ миен толеш[18].

Российыште COVID-19 пандемийлан кӧра ЮКФО-шко турист йогын кок пачаш нарылан шагалемын. Тыге, Росстатын уверже почеш, 2020 ийыште Татарстаныш гына 1,9 млн наре турист толын коштын — тиде 2019 ийысе тыгаяк жап деч кок пачаш шагалрак[32][12].

«Кугу Юл корно» 2021 ийлан Российыште ЮНЕСКО-н Тӱнямбалсе поянлыкшын культур объектше-влакым да 14 регионышто, тидын шотыштак Пермь крайым, Киров, Угарман, Оренбург, Пенза, Самара, Саратов да Ульяновск областьлаште, тыгак Башкортостан, Марий Эл, Мордовий, Татарстан, Удмуртий да Чуваший республиклаште курорт-влакым уша[33][34][35][36][37]. Проект кышкареш каныш кечысе тур-влак ыштат, нуно ЮКФО-со шагал гын кум регионым авалта[38].

«Кугу Юл корно» Юлысо торгайымаш корнын ужашыж семын ЮНЕСКО-н 1993 ий гыч ыштен шогышо «Туризм Порсын корнышто» тӱнямбал программыш пурталт кертеш[8][39][40]. Тылеч посна, Кугу Юл корным кызыт Ираныш наҥгайыше «Йӱдвел — Кечывалвел» тӱнямбал транспорт коридорын ужашыж семын ончат. Тудым ыштымашке Каспий воктенысе элла да У порсын корнысо эл-участнице-влак мелын улыт. 2017 ий гыч Каспийыште пристань-влакым чоҥымо федерал программе шукталтеш[41][42].

Кугу Юл корно кӧргысӧ маршрут-влак

[тӧрлаташ | вики-текстым тӧрлаташ]

Корно да лӱм-влак[тӧрлаташ | вики-текстым тӧрлаташ]

Маршрут-влакын лӱмышт коклаште «Кум республик» (Татарстан, Марий Эл, Чуваш), «Юл кундемын тӱвыра кодшо», «Кок шӱжар — Кок этнос», «Пермьысе Юмо-влак. Удмурт ӧрт-влак» да молат улыт. Эн палыме корно-влак тыгай олала гоч эртат:

  • Озаҥ — Йошкар-Ола — Чебоксар;
  • Самара — Ульяновск — Озаҥ;
  • Ульяновск — Самара — Пенза;
  • Угарман — Чебоксар — Йошкар-Ола — Озаҥ — Свияжск — Болгар;
  • Йошкар-Ола — Озаҥ — Свияжск — Болгар.

Маршрут-влакын тӱҥ объектышт[тӧрлаташ | вики-текстым тӧрлаташ]

№ Объект Федерацийын субъектше Визитлык картычке Каласкален возымаш
1 ОзаҥCoat of Arms of Kazan (Tatarstan).svg Татарстан Республик Казанский кремль. Панорама с колеса обозрения.jpg

Озаҥ кремль

Озаҥ кремль архитектур, историй да археологий шарныктыш-влак тӱшка, ЮНЕСКО-н объектше. Тудын территорийыштыже икымше (XII—XIII курымла), кокымшо (XIV—XV курымла) да кумшо (XV—XVI курымла) городище манмын кодшыжо, ош кӱан кремль, икмыняр кугу историко-архитектур да тӱвыра акан храм ден оралте верланеныт[43]
2 СвияжскCoat of Arms of Sviyazhsk (Tatarstan).png Татарстан Республик Свияжск Успенско-Богородичный мужской монастырь коптер.jpg

Свияжскысе Успенье монастырь

Свияжск отро-олам 1551 ийыште Озаҥ ӱмбак толмо жапыште руш войскалан форпост семын ыштеныт. Свияжскыште федерал да республик кӱлешан историй поянлыкын XVI—XIX курымласе 18 шарныктышыже аралалт кодын, тидын шотыштак пу гыч Тройчын черке, Успенье Богородице пӧръеҥ монастырь да Иоанн-Предтече ӱдырамаш монастырь оралте-влак тӱшка, ЮНЕСКО-н объектше[44]
3 БолгарSpassk COA (Kazan Governorate) (1781).png Татарстан Республик Булгарское городище 4.JPG

Болгар городище манме

Болгар городище манме — Юлысо Булгарийын тошто рӱдолаже, тудо IX—X курымла тӱкнымаште Юл кундем территорийыште икымше кугыжаныш ышталтмаш лийын. Болгар городище манме Юл ден Чолман ушнымо вер деч 40 км кечывалвелнырак верланен. 2014 ийыште Болгарысе историко-археологий комплекс ЮНЕСКО-н Тӱнямбал поянлык спискышкыже пурталтын. Городище манме территорийыште XIV курымысо чоҥга да вынем-влак, тыгак архитектурын 40 утла шарныктышыже аралалт кодыныт[45][46]
4 КунгурKungur COA (1994).gif Пермь край По гротам пещеры 1.jpg

Кунгурысо кӱвомыш

Кунгур «Кум эҥер: Юл-Виче-Чолман» да «Кугу Юл корно: Пермьысе юмо-влак. Удмурт ӧрт-влак» маршрутыш пура, нунын программышкышт Кунгур кӱвомышым — Российыште эн кугу карст кӱвомыш-влак гыч иктыжым — миен ончалмаш пурталтын. Кӱвомыш тӱнямбалне лу эн кужу гипс кӱвомыш радамыш пура, тудын кужытшо 6000 километрыш шуэш, тышеч 1500-жӧ наре экскурсийлык маршрутлан келыштарылтын[47][48]
5 БурановоCoat of Arms of Malaya Purga Region (Udmurtia).svg Удмурт Республик Buranovskiye Babushki 2011 6.jpg

Бурановысо кова-влак

Удмуртий проектыш Башкортостан да Татарстан дене ик маршрутышто ушнен[49][50][51]. Бураново села Российым Евровидений-2012-што ончыктышо «Бурановысо кова-влак» фольклор коллектив дене чаплана[52]
6 УгарманCoat of Arms of Nizhny Novgorod.svg Угарман область Nizhny Novgorod Kremlin at night-1.jpg

Угарман кремль

Угарман кремль кӧргыштӧ Угарманы эн тошто кӱ храмже — 1221 ийыште негызлыме Михайло-Архангел собор верланен. Храмыште 1612 ийыште кокымшо калык ополченийым чумырышо Кузьма Мининын ломыжшо кия[53]
7 СамарCoat of Arms of Samara (Samara oblast).png Самар область Raketa Samara.jpg

«Союз» ракете-нумалшын шарныктыш тӱшкаже

Маршрут дене эртыше-влак Самар областьыште Сталинын бункержым, Жигулёвысо заповедникым да «Самарысе Лука» национальный паркым, тыгак «Союз» ракете-нумалшын Шарныктыш тӱшкажым пурен ончен кертыт[54][55]
8 Киров

Coat of arms of Kirov.svg

Киров область Dymkovo toys 01 (VMDPNI) by shakko.jpg

Дымковысо модыш

Кировский область «Кум эҥер: Юл — Виче — Чолман» маршрутым ончыктен[56]
9 Йошкар-Ола

Coat of Arms of Yoshkar-Ola (Mariy-El).png

Марий Эл Республик Spasskaya bashnya 1.jpg

Йошкар-Оласе Спас башне

«Марий мландын ӧрыктарышыже» да «Йоҥгалтше кӱсле кундем» маршрутлаш пура[57]. Чарла кремльым Йошкар-Олаште 2009 ийыште тошто пу карман верыште чоҥеныт. Кремль воктене Фёдор Иванович кугыжалан шарныктыш шога, олам указше почеш негызлыме[58]
10 КшаушиГерб Чебоксарского района 2012.svg Чуваш Республик «Ясна» этноэкологийлык комплекс Маршрутышто Чебоксар, Мариинский Посад да Козловка улыт[59]
11 ЛермонтовоCoat of Arms of Belinsky rayon (Penza oblast).png Пенза область Tarkhany Август 2008 049.jpg

«Тарханы» Лермонтовын Кугыжаныш музей-заповедникше

«Тарханы» музей-заповедникым 1939 ийыште поэт Михаил Лермонтовын ава линийже дене кугезышт Арсеньевмытын тукым оралтыште ыштеныт[60][61]. Тудын кумдыкшо 197 га. Музей фондышто 29 тӱжем наре аралыме единице уло[62]

Тыгак ончо

[тӧрлаташ | вики-текстым тӧрлаташ]

Палемдымаш

[тӧрлаташ | вики-текстым тӧрлаташ]
  1. ↑ 1 2 Татарстан войдет в пакетные туры в рамках «Великого Волжского пути». РБК Татарстан (30 сорла 2020). Дата обращения: 7 пургыж 2021. Архивировано 9 сӱрем 2021 года.
  2. ↑ 1 2 Кировская область стала частью Великого Волжского пути. Сетевое издание «МК в Кирове» (31 сорла 2020). Дата обращения: 11 пургыж 2021. Архивировано 9 сӱрем 2021 года.
  3. ↑ Дубов, 1989, с. 5—6.
  4. ↑ Дубов, 1989, с. 11.
  5. ↑ Дубов, 1989, с. 5—7.
  6. ↑ 1 2 3 Волжский торговый путь: из Скандинавии — в арабские страны. Diletant. Дата обращения: 16 пургыж 2021. Архивировано 9 сӱрем 2021 года.
  7. ↑ Петр Бологов. За зипунами и нефтью. Газета.ру (4 шорыкйол 2017). Дата обращения: 7 пургыж 2021. Архивировано 9 сӱрем 2021 года.
  8. ↑ 1 2 Яцек Палкевич. Российские коридоры Великого шелкового пути. Независимая газета (27 идым 2017). Дата обращения: 11 пургыж 2021. Архивировано 9 сӱрем 2021 года.
  9. ↑ Руденко, 2007, с. 69.
  10. ↑ В Казани разработали дорожную карту включения РФ в проект ЮНЕСКО "Великий шелковый путь". ТАСС (5 пеледыш 2017). Дата обращения: 11 пургыж 2021. Архивировано 9 сӱрем 2021 года.
  11. ↑ Минниханов: В 2018 году ПФО посетили 9 млн туристов. Татар информ (4 шыжа 2019). Дата обращения: 21 пургыж 2021.
  12. ↑ 1 2 3 Губернатор Самарской области принял участие в Совете ПФО, посвященном развитию туризма. Независимое Информационное Агентство "НИА САМ" (4 шыжа 2019). Дата обращения: 12 пургыж 2021. Архивировано 9 сӱрем 2021 года.
  13. ↑ 1 2 Макарова, 2019, с. 29.
  14. ↑ Проект «Великий Волжский путь» - с благословения ЮНЕСКО. Казанские истории (30 сорла 2005). Дата обращения: 21 пургыж 2021. Архивировано 9 сӱрем 2021 года.
  15. ↑ Диана Авакян. Комаров: Круизы могут стать драйвером роста туризма не только в ПФО, но и в европейской части РФ. Татар информ (4 шыжа 2019). Дата обращения: 21 пургыж 2021. Архивировано 14 сорла 2020 года.
  16. ↑ 1 2 3 Под брендом «Великий Волжский путь» разработано более 20 межрегиональных маршрутов (неопр.). Дата обращения: 24 ага 2021. Архивировано 9 сӱрем 2021 года.
  17. ↑ Ксения Перепеченова. Президент РТ: «Великий Волжский путь» станет аналогом «Золотого кольца России». Татар информ (4 шыжа 2019). Дата обращения: 21 пургыж 2021. Архивировано 11 сорла 2020 года.
  18. ↑ 1 2 3 Алексей Стригин. Великий Волжский путь: Внутрироссийские турмаршруты - 2020 уже "испытали на прочность". Российская газета (6 шыжа 2020). Дата обращения: 11 пургыж 2021. Архивировано 30 кылме 2020 года.
  19. ↑ ПРАВИТЕЛЬСТВО РОССИЙСКОЙ ФЕДЕРАЦИИ. Распоряжении от 5 мая 2018 года N 872-р Об утверждении Концепции федеральной целевой программы "Развитие внутреннего и въездного туризма в Российской Федерации (2019-2025 годы)". Электронный фонд правовых и нормативно-технических документов. «Кодекс» (11 сӱрем 2019). Дата обращения: 30 пеледыш 2021. Архивировано 9 сӱрем 2021 года.
  20. ↑ Стартовала продажа двух туров по программе "Великий Волжский путь". ТАСС (5 кылме 2017). Дата обращения: 11 пургыж 2021. Архивировано 9 сӱрем 2021 года.
  21. ↑ Туристический маршрут «Великий Волжский путь» будет открыт осенью. Бизнес Online (5 сорла 2017). Дата обращения: 12 пургыж 2021. Архивировано 9 сӱрем 2021 года.
  22. ↑ 1 2 В Москве презентовали туристический маршрут Татарстана «Великий волжский путь». Известия Татарстана (13 ӱярня 2017). Дата обращения: 14 пургыж 2021. Архивировано 9 сӱрем 2021 года.
  23. ↑ Татарстан представит маршрут «Великий Волжский путь». RATA news (5 ӱярня 2017). Дата обращения: 21 пургыж 2021. Архивировано 9 сӱрем 2021 года.
  24. ↑ Рината Хузяхметова. Московским туроператорам представили «Великий Волжский путь». Комсомольская правда (19 идым 2017). Дата обращения: 11 пургыж 2021. Архивировано 9 сӱрем 2021 года.
  25. ↑ Около 2 тыс. школьников проедут по "Великому Волжскому пути" в 2018 году. ТАСС (23 шорыкйол 2018). Дата обращения: 11 пургыж 2021. Архивировано 9 сӱрем 2021 года.
  26. ↑ «Великий Волжский путь» вытеснит Золотое кольцо? Татарстан предлагает туристам свой маршрут. Реальное Время (1 вӱдшор 2019). Дата обращения: 11 пургыж 2021. Архивировано 9 сӱрем 2021 года.
  27. ↑ Маршрут от Татарстана вошел в проект «Великий Волжский путь». Интерфакс (29 сорла 2020). Дата обращения: 2 сӱрем 2021. Архивировано 9 сӱрем 2021 года.
  28. ↑ Маршрут от Татарстана вошел в проект «Великий Волжский путь». Seldon News (30 сорла 2020). Дата обращения: 13 пургыж 2021. Архивировано 9 сӱрем 2021 года.
  29. ↑ В Ростуризме рассказали подробнее о проекте «Великий Волжский путь», в который вошел Татарстан. Реальное время (29 сорла 2020). Дата обращения: 13 пургыж 2021. Архивировано 25 идым 2020 года.
  30. ↑ В России начались продажи туров по "Великому Волжскому пути". ТАСС (29 сорла 2020). Дата обращения: 12 пургыж 2021. Архивировано 9 сӱрем 2021 года.
  31. ↑ Ростуризм займётся продвижением турмаршрутов под брендом "Великий волжский путь". Интерфакс (5 шыжа 2019). Дата обращения: 17 пургыж 2021. Архивировано 24 пеледыш 2021 года.
  32. ↑ Аделя Рахматуллина. «Туризм имеет самый большой шанс на развитие там, где есть культура». Kazan First (26 шорыкйол 2021). Дата обращения: 17 пургыж 2021. Архивировано 26 шорыкйол 2021 года.
  33. ↑ Саратовскую область включили в "Великий Волжский путь". Коммерсантъ (1 теле 2016). Дата обращения: 13 пургыж 2021. Архивировано 9 сӱрем 2021 года.
  34. ↑ Анна Гончаренко. «Великий Волжский путь» пройдёт через Киров. New City Guide IKirov (5 теле 2016). Дата обращения: 14 пургыж 2021. Архивировано 9 сӱрем 2021 года.
  35. ↑ В госкомитете РТ по туризму рассказали о запуске первых маршрутов программы «Великий Волжский путь». Бизнес Online (6 кылме 2017). Дата обращения: 14 пургыж 2021. Архивировано 9 сӱрем 2021 года.
  36. ↑ Топ-10 лучших туристических маршрутов, проложенных по территории Марий Эл. Марийская правда (27 сӱрем 2017). Дата обращения: 11 пургыж 2021. Архивировано 9 сӱрем 2021 года.
  37. ↑ Привлекательность Прикамья оценили по туристам. РБК Пермь (7 теле 2017). Дата обращения: 11 пургыж 2021. Архивировано 9 сӱрем 2021 года.
  38. ↑ Олина, 2019, с. 236—238.
  39. ↑ Битва за «Волжский путь». Республика Татарстан. Общественно-политическая газета (8 кылме 2019). Дата обращения: 18 пургыж 2021. Архивировано 29 идым 2020 года.
  40. ↑ Глава Татарстана пригласил президентов РФ и Казахстана посетить древний город Болгар. ТАСС (9 кылме 2018). Дата обращения: 11 пургыж 2021. Архивировано 9 сӱрем 2021 года.
  41. ↑ Мамедова Н.м. Международный транспортный коридор "Север-Юг" как современный аналог Великого Волжского пути // Восточная аналитика. — 2018. — Вып. 3. — С. 149–156. Архивировано 9 сӱрем 2021 года.
  42. ↑ Мамедова В.Э. Нормативное регулирование института ответственности членов политической партии // Политика и Общество. — 2016-11. — Т. 11, вып. 11. — С. 1530–1536. — ISSN 1812-8696. — doi:10.7256/1812-8696.2016.11.21015.
  43. ↑ Историко-архитектурный комплекс «Казанский кремль». Культура.рф. Дата обращения: 18 пургыж 2021. Архивировано 5 вӱдшор 2021 года.
  44. ↑ ЮНЕСКО включил Успенский собор в Свияжске в список всемирного наследия. РИА Новости (9 сӱрем 2017). Дата обращения: 18 пургыж 2021. Архивировано 9 сӱрем 2021 года.
  45. ↑ Валеев, 2019.
  46. ↑ Гильфанов, 2019, с. 1—4.
  47. ↑ Федеральный туроператор предлагает путешествия по пермскому краю. Business Class (15 идым 2020). Дата обращения: 17 пургыж 2021. Архивировано 14 вӱдшор 2021 года.
  48. ↑ Кунгурская ледяная пещера. Культура.рф. Дата обращения: 18 пургыж 2021. Архивировано 9 сӱрем 2021 года.
  49. ↑ Гастрочартер, глэмпинги и медицинский туризм: чем будут привлекать туристов в Удмуртию. Удмуртская правда. Дата обращения: 17 пургыж 2021. Архивировано 24 шорыкйол 2021 года.
  50. ↑ Туристами поделятся по-соседски. Коммерсантъ (17 сорла 2020). Дата обращения: 17 пургыж 2021. Архивировано 9 сӱрем 2021 года.
  51. ↑ Ижевск, Воткинск и Дебесы вошли в турмаршрут «Великий Волжский путь». Удмуртия. Информационное агентство (21 ӱярня 2017). Дата обращения: 17 пургыж 2021. Архивировано 23 теле 2017 года.
  52. ↑ Ольга Масалкова. "Бурановские бабушки": жизнь после "Евровидения". Русская служба BBC. Дата обращения: 18 пургыж 2021. Архивировано 9 сӱрем 2021 года.
  53. ↑ Нижний Новгород. Комсомольская правда. Дата обращения: 18 пургыж 2021. Архивировано 21 шорыкйол 2021 года.
  54. ↑ Ростуризм поддержит проект «Великий Волжский путь». Известия IZ (31 сорла 2020). Дата обращения: 17 пургыж 2021. Архивировано 9 сӱрем 2021 года.
  55. ↑ Проложат «Великий волжский путь» (недоступная ссылка — история). Информационно-аналитический портал Самарской области "неслухи.рф". Дата обращения: 17 пургыж 2021.
  56. ↑ Владимир Голохвастов. Что покажут туристам в Кирове? Киров.ru (20 кылме 2020). Дата обращения: 17 пургыж 2021. Архивировано 26 кылме 2020 года.
  57. ↑ Зюляев, 2018, с. 1—14.
  58. ↑ История «Царева града на Кокшаге» и Царевококшайского кремля. Культура.рф. Дата обращения: 18 пургыж 2021. Архивировано 23 шорыкйол 2021 года.
  59. ↑ Лебедева, 2019, с. 295—301.
  60. ↑ «Великий Волжский путь» пройдет через Пензенскую область. Пенза. Телевидение и радио (22 идым 2018). Дата обращения: 17 пургыж 2021. Архивировано 9 сӱрем 2021 года.
  61. ↑ Тарханы вошли в туристический маршрут «Великий Волжский путь». Pravda-news (22 идым 2016). Дата обращения: 17 пургыж 2021. Архивировано 9 сӱрем 2021 года.
  62. ↑ Государственный Лермонтовский музей-заповедник «Тарханы». Культура.рф. Дата обращения: 18 пургыж 2021. Архивировано 15 вӱдшор 2021 года.

Литератур

[тӧрлаташ | вики-текстым тӧрлаташ]
  • Валеев Р.М. Историко-культурный потенциал Болгара как объекта всемирного наследия ЮНЕСКО и развитие туризма в Татарстане // Вестник КАЗГУКИ. — 2019. — Вып. 1.
  • Гильфанов А.Р. Перспектива развития туризма в республике Татарстан // Казанский вестник молодых ученых. — 2019. — Т. 3, вып. 2.
  • Дубов И.В. Великий Волжский Путь. — Издательство Ленинградского университета. — 1989. — 256 с. — ISBN 5-288-00164-2.
  • Зюляев Н.А., Низова Л.М., Сорокина Е. Н. Внутренний туризм как вид экономической деятельности на мезоэкономическом уровне // Вестник НГИЭИ. — 2018. — Т. 6, вып. 85.
  • Олина Е.А. Потенциал развития туристского брендового маршрута "Великий Волжский Путь" // Молодежный туризм в России: ресурсы, тенденции, перспективы. — 2019. — С. 236—238.
  • Лебедева Т.Е., Прохорова М.П. Перспективы развития туристского кластера и туризма в республике Чувашия // Инновационная экономика: перспективы развития и совершенствования. — 2019. — Т. 2, вып. 36. — С. 295—301.
  • Макарова Г.И. Значимые события в стратегиях регионального брендирования в республике Татарстан // Вестник института социологии. — 2019. — Т. 10, № 4. — С. 16—35.
  • Мамедова Н.М. Международный транспортный коридор "Север-Юг" как современный аналог Великого Волжского пути // Восточная аналитика. — 2018. — С. 149—156.
  • Руденко К.А. Волжская Булгария в XI-начале XIII века. — РИЦ "Школа". — Казань, 2007. — 244 с.

Кылвер-влак

[тӧрлаташ | вики-текстым тӧрлаташ]
"https://mhr.ruwiki.ru/w/index.php?title=Кугу_Юл_корно&oldid=611960" гыч налме